تسببت تغريدة للناشطة السياسية نوارة نجم فى مشادات على صفحات تويتر بينها وبين الناشطة اليمنية توكل كرمان ، حيث قالت الأولى : طيب احنا برضه نقدر نسيب كل اللي بيحصل في بلدنا ونقول لتوكل كرمان ان ثورتهم فشلت اساسا فياريت تخليها في حالها. وعلى الفور ردت توكل على تغريدة نورة قائلة :" ولي يا نواره، هذا من حقك ، فربيعنا واحد،" وتابعت نورة قائلة :" عسكر عسكر... عسكر ولا جن ازرق المهم البلد ما تقعش.. ومش حتقع.. دي مصر، تقع ازاي؟ ربنا ما يرضاش، وانت مالكيش عليا غير النصيحة والتبصرة عشان انت فعلا كنتي بالنسبة لي رمز وانا قمت بواجبي ناحيتك بعد كده ايه عذرك؟.
وتابعت نوارة مهاجمة توكل على خلفية الهجوم على مصر وثورة 30 يونيو :" بلدنا في خطر حقيقي واحنا مش حنسيبها تقع ولو حنموت كلنا، ومش حنسمح لحد يجرب فينا يا صابت يا خابت ، ماحدش بينفع حد... وانا اقابل ربنا وانا مظلومة ومضحية عشان بلدي افضل من اني اقابله شايلة دم ومعايا جايزة من عرض الدنيا ، وخليكي فاكرة ان انا وانت وغيرنا مجرد افراد حنروح ونتنسي والامم هي اللي حتعيش وحنقابل ربنا وحيحاسبنا ، وان شاء الله مش حتنهار ولا تتقسم وربنا حيحبط كيد كل اللي عايز بمصر شر وحتفضل زي ما هي واحسن كمان .
واردفت نوارة : وبين لحظة والتانية، ومن زمان ومن قبل ما اعقد اختياري، وانا مستنية انهم لما يخلصوا من الاخوان يتدوروا علينا احنا ، وقبل يوم 30/6 قلت: مصر تنهار وانا افضل برة السجن ولا مصر يتم انقاذها وانا اخش السجن واخترت الاختيار الاخير ، وانا واحدة من الناس بيني وبين الداخلية والمؤسسة العسكرية تار قديم وعارفة انهم حينتقموا مني بس مش مهم ، وكنت متوقعة تدخل الجيش لان مصر مش بلد سايبة عشان واحد يعمل فيها حرب اهلية مؤسسات الدولة تسكت له ، متهمة توكل : انت انحازتي لتنظيم دولي هدفه يخرب البلد وكل اللي هامك ان التنظيم ما ينهارش وانه ياخد دعم دولي ، خصوصا ان موقفك لحد 30 يونيو كان مشجع لتحرك الشعب وانت بنفسك قلتي لو مكان السيسي كنت عزلت مرسي وعملت ائتلاف وطني.
