قال عبد الفتاح السيسي القائد العام وزير الدفاع: "احنا بما يرضى الله اتكلمنا مع الرئيس السابق من أول ما قلت في نوفمبر لما كنت في نادي ضباط الشرطة، وجهت دعوة للحوار، مش احنا اللي نقودها، ولكن كنا خايفين إن الخلاف بين الكبار يفضل ينزل للشعب ويبقى فيه انقسام بين المصريين، ولم أتقاعس ولم أتردد أني أعطي النصيحة المخلصة الأمينة للرئيس خلال السنة الماضية الكامل، محدش يرضى أبدا إن يتم حصار محكمة دستورية تعتبر منصة دستورية وقامة عليا في الدولة ومحدش يرضة إنه تتحاصر مدينة الانتاج الإعلامي، لأ.. ده فيه جيش وطني عظيم". وأضاف السيسي في كلمة مرتجلة قالها خلال اللقاء مع ضباط وقادة القوات المسلحة: "احنا لا بنغدر ولا بنخون ولا بنتآمر"، مؤكد "مكانش ممكن إننا نشوف المصريين معظمهم أو كلهم مفزوع، وحاسس إنه أسير محدش يفك أسره، وقلت قبل كده إننا نروح نموت أحسن، وقلت إننا مالناش طمع في حاجة غير إننا نشوف مصر بلدنا قد الدنيا، ومالناش طمع في حاجة"
وتابع: "افتكروا لما قلت إن الجيش المصري جيش وطني وجيش لمصر وللمصريين، وحرية الناس واختيار الناس لحكامها أمر محدش يقدر يزايد بيه في الدين ويقول لا شريعة أو حاجة تاني، ده تجربة حكم، وإوعى تقول إن الناس ده بتحارب الدين.. لأ.. ده خلط للأوراق، الدين كله علم وفكر".