صباح الخير فيه مصيبة هتكون سبب طلاقي ومش عارفة اعمل ايه ، انا متجوزة من سنة واحدة وحماتي مطلعة عين أهلي وجوزي صحيح هيموت منها لكن هية في النهاية امه .. هية بتصر على زيارتنا عمال على بطال بحجة أنها تساعدني والمصيبة أنها عارفة اني فيه ست بتساعدني في البيت والحمد لله حتى لو مفيش انا أقوم بواجبات بيتي وطبعا لما بتيجي بتعطلني عن كل حاجة من كتر الطلبات والزن والتوقيع بيني وبين جوزي ، كتير جدا جوزي حاول يتهرب من زيارتها لكن مش بينفع كل مرة يتحجج طيب وبعدين ، حماتي أصلا مش عايشة لواحدها نقول بتزهق مثلا لا دي قاعدة معاها أخت جوزي الصغيرة ، وعندها جيران بيزوروها دايما .. اخر لما زهقت قلت لجوزي إحنا كل ما هية تكلمه يقول لها أننا نازلين مرة في مرة يمكن تخف رجلها علينا شوية !! بس بردو دي مش عيشة قاعدين متربصين طول الوقت حاجة تقرف بصراحة ، والله العظيم هية لو ست كويسة انا اشيلها على راسي بس في حاجات بتعملها بتضغط بيها علية وبردو جوزي بيفضل متوتر فطبعا بعد الزيارة المشؤومة بنفضل إحنا الاتنين عصبيين جدا على بعض .. أرجو الحل للضرورة وشكرا جزيلا . م . ع فضفضة محررة الصفحة .. نيفين حجازي افضل حل لتجنب معظم ما يحدث وفي الوقت نفسه لا احد يتورط في ذنوب .. ان تقومي انتي وزوجك بزيارتها .. فمنها قمتي بالواجب ومنها تعتاد هي على أنكم من سيقومون بالزيارة والأفضل ان تحددون يوما او اثنان في الأسبوع للقيام بهذه الزيارة بشكل ثابت .. لكن لا تنسين صديقتي أنها أيضاً ام فلا داعي ان تغضبيها او تردي عليها بشكل غير لائق ، مع مرور الوقت ستتحسن الأمور بإذن الله . [email protected]
