تهكم العشرات من النشطاء ، ومستخدمى مواقع التواصل الإجتماعى على تصريحات الكاتب القطري القائل علي مصر " ماذا صنعتم غير أقراص الطعمية " على حد تعبيرهم. وأضاف النشطاء ساخرين : هل تعلم ان الواحد ممكن يتوه فى سيتى ستارز لكن مش ممكن يتوه فى قطر ؟ ، هل تعلم أن هناك جهاز راوتر واحد فى منتصف قطر و سايبين الوايرلس مفتوح !!! ، هل تعلم ان قطر لو وقفت عليها دبانه على الخريطه .. هتختفي تماماً ؟ ، هل تعلم إنك لو عليت الكاسيت وانت في قطر ممكن اللي في البحرين يبلغوا عنك ؟؟ ، هل تعلم ان قطر ليس بها مولدات كهرباء و شغالة بحجارتين قلم ؟؟ ، هل تعلم أن عدد المتابعين ل "أسف ياريس" علي فيس بوك أكتر من تعداد سكان قطر ؟؟ ، هل تعلم أن مرة واحد في قطر مشي من غير فرامل .. خبط في البحرين؟؟ ، هل تعلم ان جيش قطر اتنين عساكر و طابيه ؟؟.
وتابع العشرات خلال تغريدات صغيرة : هل تعلم ان قطر هي الدوله اللى ممكن تجمع سكانها في صوره واحده ؟؟ ، هل تعلم ان القطريين يطلبون ديلفرى من ماكدونالدز السعودية ؟! ، هل تعلم ان قرص الطعميه عند فرج و الشبراوى اكبر من قطر ؟! ، هل تعلم ان اغنيه حمزه نمره لفيت كتير ممنوعه م العرض في قطر نظرا لضيق المساحه ؟ ، هل تعلم انك ممكن تتابع الدوري القطري من فوق سطح بيت في البحرين ؟؟
مختتماً احدهم : هل تعلم إنه لما مدرب منتخب قطر بيعاقب لعيب عنده بيخليه يلف قطر 3 مرات.