هاجمت قناة "الحافظ" الفضائية الإعلامى باسم يوسف فى أغنية عرضت عبر شاشتها ، وهي بعنوان "أتفرج يا سلام" ، أداء والحان محمد الحسينى ، كلمات اشرف رمضان ، تصوير سعيد رمضان ، الإشراف العام د. عاطف عبد الرشيد . وذلك رداً على انتقادات الإعلامي باسم يوسف، فى حلقات برنامجه "البرنامج" ، والذى يسيء فيه لعدد كبير من شيوخ الدعوة الإسلامية والرئيس محمد مرسي وقيادات مكتب الارشاد .
وتقول كلمات الأغنية:"اتفرج يا سلام.. حاجات غريبة بتحصل وعمايل مش تمام.. يا عم باسم اصحى وفوق وبص لنفسك من تحت لفوق.. هتلاقي كلامك سلعة في سوق.. تبيعه للي يدفع كام.. اتفرج يا سلام.. واللا علشان جراح شاطر وتقص كلامنا في الآخر وتحط عليه تعليق ساخر ده كدب صريح وأكيد ده حرام" .
"خد لك موعظة من طبق اليوم بتاكل لحم أخوك مفروم ولحم العلماء أكيد مسموم وبيعمل في البطن مغص وآلام.. يا عم باسم خد بالك بكرة كتابك ييجي قدامك، ويحاسبك على كل آثامك ولا تقدر تنطق بأي كلام".
ويعد لحن أغنية "أتفرج يا سلام" من أغاني التراث التى تغني على أبواب السيرك والموالد الشعبية لدعوة الجمهور لمشاهدة عروضهم الفنية التى يقدمها الأراجوز .
