والد أحد التلاميد: التعليم بايظ فى كل مصر عايزين تعليم نظيف من غير دروس خصوصية
أحد التلاميد: معظمنا بيشتغل بجانب التعليم بنطالب بمجانية حقيقة لتعليم وتوفير خدمات
طالب: مفيش مدرسين بيدخلوا الفصول وكله على الدروس الخصوصية ومعظم الحصة بتضيع على الغياب اللى بيتحسب فى الدرجات
طالب بالثانوية:" مفيش أنشطة ولغوا حصة موسيقى لأنه مفيش أدوات موسيقة
حسن جمال حسن:بنطالب بإستقلال التعليم عن الإخونة نصعد بالعصيان فى حالة رفض المطالب
سمر جابر
استمرار لمسلسل الإهمال داخل المدارس الحكومية بوجة عام، وفى معظم مدارس شبرا الخيمة من عدم توافر الأدوات التعليم من وجود فصول غير مناسبة ومقاعد تحتاج إلى صيانة مع عدم توفير التأمين لطلاب والنظافة داخل المدارس، مما أدى إلى قيام عدد كبير من طلاب المدارس الثانوية على مستوى شبرا الخيمة إلى تصعيد موقفهم والتظاهر أمام الادارة التعليمة بشبرا الخيمة للمطالبة بتحسين العملية التعليمة والحفاظ على استقلالها من الأخونة، وتحسين أحوال المدارس ونظافتها .
فقد عبر طلاب الثانوية العامة عن عضبهم من عدم توافر رعاية طبية لازمة لهم بسبب إهمال التأمين الصحي وعدم تجهيز العيادات المدرسية أو توافر الأدوية اللازمة رغم أن الطالب يدفع اشتراك هذه الخدمة ولا يستفيد منها بشيء.. الأمر الذي أدي إلي عزوفهم عن العلاج في مستشفيات التأمين الصحي التابعة للمدارس واتجهوا إلي شراء العلاج من خارجها نظرا لعدم وجود اهتمام من الأطباء والممرضات، مطالبين بضرورة توافرالعيادات المدرسية وإمدادها بالإمكانيات وتطهير الأدوات والمستلزمات الطبية والقضاء علي سوء النظافة بالفصول ودورات المياه والتى تهدد بانتشار الأمراض
حيث قال أحد الطلاب:" أحنا معظمنا بيشتغل بجانب الدارسة عشان يساعد اهله وبنطالب بمجانية التعليم وتوفير التأمين الصحى والنظافة داخل المدارس بنطالب بتعليم مجانى "أنا بشتغل وبتعلم ووفق بين الاثنين .
وأضاف :" مفيش مدرسين بيدخلوا الفصول ، والمدرس اللى يدخل يجيب معاه الشاى والسجاير وكله على الدروس الخصوصية ،ومفيش شرح، ومعظم الحصة بتضيع على الغياب اللى بيتحسب فى الدرجات، المدرسة ملهاش لازمة ، لان كله على الدروس الخصوصية ، أحنا معتصمين أمام الإدارة التعليمة بشبرا الخيمة لتحقيق مطالبنا.
وفيما أكد طالب أخر بالصف الثالث الثانوى بمدرسة خالد بن الوليد، أنهم بيدخلوا الفصل عشان الغياب فقد من غير تعليم ، ويلعبوا طول اليوم من غير أى استفادة ، قائلا:"إن التعليم بايظ فى كل مصر عايزين تعليم نظيف وتساوى بين الطلاب ، المدرسين مش بيدخلوا يشرحوا فى الفصل وياخدوا 3 اربع الوقت فى الغياب ، مفيش اى خدمات فى المدارس ومفيش أنشطة ولغوا حصة موسيقى لأنه مفيش أدوات موسيقة .
ومن جانبه قال والد أحد الطلاب :" أنا عندى والدين فى الثانوية العامة عايزين دروس خصوصية بأكتر من 400 جنية فى الشهر لأن المدرسين مش بيشرحوا فى المدرسة، فالطالب بيضر يأخذ درس خصوصى ، أحنا هنجيب فلوس الدروس منين التعليم بايظ فى مصر ومصر كلها باظت لأن مفيش إدارة كويسة للبلد .
وفيما أكد أحد طلاب مدرسة بهتيم الثانوية بنين ، أنهم لسة مستلمين كتاب الدين الترم الأول من يومين، رغم أنهم امتحنوا فى المادة فى الترم الأول ، مشيرا إلى انتشار الفوضى وعدم النظام فى المدارس لعدم وجود إدارة ولذلك تعم الفوضى، وأن هناك عجز فى مدرسين الرياضة ومعظم المدرسين، وأن مسجد المدرس أصبح مخزن للكتب وانه لا يوجد مسجد للصلاة داخل المدرسة .
وفى سياق متصل قال "حسن جمال حسن"، طالب فى الصف الثانى الثانوى بمدرسة بهتيم ثانوية شبرا الخيمة ، إن مطالبهم تتمثل فى إستقلال التعليم عن الأخونة، وإنهم قاموا بوقفة أمام الإدارة التعليمة للمطالبة بحماية الطلاب والتأمين عليهم اجتماعيا وصحيا ، مدللا على ذلك بإمتحان اللغة العربية فى الترم الأول بوجود قطعة النحو التى تدين من قالوا لا لدستور ، مضيفا أنهم مستمرين لتحقيق مطالبهم بعد توصيلها للإدارة التعليمية بوجود النظافة والتامينات والحماية، مع تقليل الدروس الخصوصية الذى يدفع فيها أهلينا دم قلبهم ، مطالبا المدرسين بالشرح بضمير داخل الفصل ، وإنهم سوف يصعدوا بالعصيان المدنى إذا لم يستجاب لمطالبهم .