المشكلة اني اتجوزت مراتي جبر خواطر .. هية تبقى بنت عمي ولجل خاطر عمي عشان هوة اللي رباني بعد وفاة ابويا اتجوزتها بعد ما عرض علية ده .. هوة كان متخيل ان فيه بيني وبينها استلطاف اكمني عايش معاهم في نفس البيت من وانا كان سني 16 سنة لحد دلوقتي .. لكن بصراحة انا حاسس انها اختي بحكم العشرة الطويلة , مش هطول عليكي يا استاذة .. اتجوزتها وقلت لنفسي بكرة لما يجمعنا بيت واحد ويجمعنا سرير واحد اكيد احساسي بيها هيختلف لكن للأسف محصلش لأ والأنيل اني مش قادر اعمل معاها حاجة من الواجبات الزوجية من يوم ما تاجوزنا احنا متجوزين من شهر ونص بالظبط وهية حسب ما حسيت من كلامها انها عشان بتحبني مستحملة وبتقول لي ما يجراش حاجة ممكن يكون عندك مشكلة وتتحل بالمرواح لدكتور بس انا عارف اللي فيها أنا مش قادر احول احساسي تجاهها الى احساسي بأي ست .. ومش معقول هنفضل على الحال ده وخايف تبلغ أمها الست تقول علية ايه مش راجل ؟؟؟؟؟؟ تبقى مصيبة .. انا حاولت في موضوع اني احول احساسي بيها وبقيت ابصلها على انها انثى مش اخت ولما بنام جنبها باخدها في حضني يمكن !!!! لكن مفيش خالص فاصل .. نمت معاها مفيش فايدة اخدت دش معاها مفيش فايدة والست بصراحة مش مقصرة من كله والواضح اني عندي مشكلة تانية فعلا ومحتاج اكسر الحاجز اين اللذينة اللي هيفضحني دة ولا رايكم ايه ؟ ارجو الإفادة وشكرا للجميع .