مساء الخير .. انا بقى لا لية في الإخوان ولا شفيق ولا غيرهم ومشكلتي دلوقتي اني محروم من الفرفشة من أول ما الثورة الجميلة بدأت .. لا سفر عارف افرج عن نفسي ولا مزز عارف انبسط معاهم ولا حتى شغلي لية نفس اروحة .. الناس غرقت في الأحداث ونسيوا نفسهم , من غير شتيمة , انا مش رامي الطوبة أوي كدة لكن من حقي ارفه عن نفسي خصوصا ان مفيش مرشح محترم أجبرني على اني أضحي بالخروجة مع مزة وأنشغل بترشيحة أو هيمشي البلد إزاي وأهو جم الإخوان عشان تكمل ههههه .. يله حللي المشكلة يا أستاذة . فضفضة
الله يكون في عونك والله أنا عاجزة قدام مشكلتك الخطيرة دي .. لكن ليك عندي حل ظريف وجذري .. إنت تحاول الفترة اللي جاية تاخدلك جنسية تانية وتتنازل عن الجنسية المصرية لحد فاضي يحبها .. أعتقد علاجك وعلاجنا معاك في الحل ده .. ولا ايه ؟ نيفين حجازي