اعتادت الإعلامية ياسمين عز إثارة الجدل الواسع عبر مواقع التواصل الاجتماعي بتصريحاتها خلال تقديمها برنامجها، وتصدر التريند بهجومها على بعض الفنانات والمذيعات الأخريات، ومن جديد تصدرت بهجومها على مذيعة دون ذكر اسمها في مقدمة حلقاتها. شنت الإعلامية ياسمين عز هجومًا على إحدى المذيعات في بداية تقديمها إحدى حلقات برنامجها، بسبب حديثها عن كرامة المرأة بعد الزواج، فما تفاصيل هذا الهجوم؟ بمرتبات تصل ل 2450 دينارا.. فرص عمل للمصريين في دولة الكويت| التفاصيل الكاملة سر خوف نسرين أمين على ابنتها من دخول مجال التمثيل هجوم ياسمين عز على مذيعة أخرى بدأت الإعلامية ياسمين عز إحدى حلقات برنامجها بالهجوم على إحدى المذيعات دون أن تذكر اسمها، وذلك بسبب حديثها عن كرامة المرأة بعد الزواج، قائلة: «الحمد لله ان ربنا شغلني بنفسي مش بغيري وده اللي مخليني مبسوطة، قالولنا زمان حكمة رائعة، يا محلي المبسوطة قدام المشعوطة.. المبسوطة كلنا عارفينها، والمشعوطة يعني متشعوطة كده لا على حامي ولا بارد، مفلفلة اللهم أحفظنا». وتابعت ياسمين عز موجه رسالة للمذيعة المقصودة من هجومها: «وأنا لما أتكلم عن الكرامة بين الزوج والزوجة، هو أنتي زوجة؟ لما أتكلم عن الرجل والست، هل أنتي ست؟ هو أنتي ست من اللي أنا أقصدها، إطلاقًا خالص، فشوفي إذا انتي ممغوصة بنجاحنا خدي مسكن، وإذا انتي مشعوطة من كلامنا خدي مهدي». هجوم شرس من ياسمين عز على مذيعة أخرى وأكملت ياسمين عز هجومها قائلة: « الهاجس اللي بيكون في حياة المريض اللي عنده تجربة فاشلة، فعايز يخلي كل الستات فاشلة زيه، فتتشعوط أوي من جملتي إن مفيش كرامة بين الزوجين، ومن كتر الشعوطة تاخد الجملة بتاعتي وتعمل حكايات وروايات ونعمل منها حلقات»، موجهة سؤال للمذيعة « ايه دخلك بالمتجوزين؟ ايه حشرك بين المتهنيين؟ ايه علاقتك بالحنية والبنات المتهنية، المنطقة دي محظورة ماتجيش هنا تاني، المنطقة دي كلها دلع حتى ستات متهنية، لو جيتي هنا تتحرقي ياماما». وتابعت: «إذا انتي ممغوصة من حالك ومشعوطة إحنا مالنا، حاشرة نفسك معانا ليه؟ مركزة معانا ليه؟ كرامتنا وإحنا حرين فيها، إجوازنا واحنا حرين فيهم.. لو شطبتي أو خلصتي المحتوى دوري تاني، يمكن تلاقي عقدتين تجوزيهم لبعض يخلفوا عقدة صغيرة، تكملي بيها المحتوى وتخربي بيها البيوت العمرانة، دي مش مشكلتنا ولا محتوانا». تحذير حاد من ياسمين عز وجهت الإعلامية ياسمين عز تحذير حاد اللهجة للمذيعة الأخرى قائلة: « لو ملقتيش من عندنا ماتنقشيش، من محتوانا ماتغشيش، وعلى شغل غيرك ماتشتغليش، وعن صوت الجهل وأنتي أهله ماتتكلميش، وفي الدين ماتفتيش وعن رضا الرجال ماتحلميش، وإذا قلتوا عن الرجل لا يجوز، يبقى علشان نرجع نغازل ونقول يجوز، عمومًا بشكل عام أي حاجة فيها جوز اطلعي منها»، خاتمة رسالتها التحذيرية « قلت لك قبل كدة من دق الباب لقى الجواب، وفي قانون بتاع نيوتن زمان كنا بندرسة بتاع الفعل ورد الفعل، بيقول لكل فعل رد فعل معاكس له في الاتجاه، مضاعف له في القوى، محذر له من الرجعة، وإن عدتم عدنا وإن قلتم قلنا». توقعات الجمهور بشخصية المذيعة الأخرى توقعت الكثير من جمهور برنامج المذيعة ياسمين عز، بأنها هاجمت الإعلامية رضوى الشربيني في حديثها، حيث كانت قد استضافت الأخيرة في حلقة سابقة لها الدكتورة نيفين مختار، للحديث عن كرامة المرأة بعد الزواج وفق ما يكفله لها الشرع، مستهله حديثها « عندنا مقولة آخرى لسيدة أخرى مش بتاعتي خالص، بتقول إن الست في الدين الإسلامي ليس لها كرامة بعد الزواج، تتجوز من هنا وتحط كرامتها في التلاجة، هل دا موجود في الدين الإسلامي.. الي بيقولوا الزوجة ملهاش كرامة ناس جهلة».
