قالت الفنانة سلمى أبو ضيف إنها سعيدة بالعمل مع الفنانة غادة عبد الرازق في حكاية "تحت الحزام" ضمن سلسلة حكايات "حدث بالفعل" المقرر بدء عرضها في ديسمبر المقبل. وأوضحت سلمى أبو ضيف في لقاء مع كاميرا صدى البلد، أنها تقدم دور أميرة في حكاية "تحت الحزام" وهو عمل يدور حول ضرورة الاهتمام بالصحة النفسية وإنه ليس عيبا الذهاب للطبيب والعلاج لحل هذه المشكلات.
واستطردت سلمى أبو ضيف:" أنا بحب أستاذة غادة عبد الرازق وده تاني تعاون ليا معاها ومبسوطة جدا.. وبحب أتفرج عليها وهي في اللوكيشن وهي ممثلة مهمة جدا وكبيرة واتعلمت منها كثير".
وعبرت سلمى أبو ضيف عن أمنيتها لتقديم عمل كوميدي موضحة:" معظم الحاجات اللي بقدمها دراما وبحبها والناس بتتفاعل معاها والجمهور المصري قلبه طيب وعاطفي وبيتفاعل مع الشخصيات دي.. ولكن أكيد أحب أقدم حاجات تانية وأحب استمتع أكتر في التمثيل.. وأتمنى حد يكتشفني في الكوميدي".
كما كشفت عن سر حرضها على حضور أسبوع الموضة في باريس وارتداء ملابس من أشهر الماركات العالمية قائلة:" حلو إن الواحد يحضر أسبوع الموضة ويتقال ان احنا مصريين وبنهتم بالحاجات دي وأعرف إيه اللي بيحصل في العالم وأقابل ناس مختلفة".
