حل الكابتن أحمد برادة بطل الاسكواش العالمي، ضيفا على الإعلامية ياسمين عز ببرنامج "كلام الناس" والمذاع عبر قناة " ام بي سي مصر"، للحديث عن ذكرياته مع لعبة الإسكواش والعديد من الملفات الشخصية. زوجها خانها 7 مرّات.. رسالة ياسمين عز لفتاة أحرقت فستان زفافها احتفالا بطلاقها ياسمين عز تحذر البنات: لو لم تلتزمي بواجباتك لا تلومي إلا نفسك وتحدث الفنان ولاعب الاسكواش أحمد برادة، عن نجاحه في مجال الصناعة، وتركه المجال الرياضي ولعبة الاسكواش، بجانب الحديث عن فترة تعرضه لأزمة نفسية قبل دخوله مجال الصناعة، موضحا:" بعد اللي عملته في الاسكواش ماكنتش عايز أنجح تاني، وأقول: انا بشتغل ازاي!!. وتابع برادة متأثرا والدموع في عينه،:"قصة النجاح جت من أولها بسبب توفيق ربنا ودُعاء أمي، وبعد ما سبت الاسكواش جالي إحباط وماكنتش عايز أنجح، بعد نجاحي في الاسكواش أنا من قلبي مكنتش عايز أنجح وكنت بحارب نفسي. محاولة اغتياله وتحدث برادة خلال حواره مع الإعلامية ياسمين عز ببرنامج " كلام الناس"، عن حقيقة تعرضه للاغتيال، منفعلا:" القصة كلها أني كان فيه حرامي بيسرق حاجة من الفيلا وخربشني بسكينة الناس الفت قصص منها دي قصة حب ومنها ده عشان يبطل اسكواش وكل ده كذب". وتابع برادة،:" أنا بعد الواقعة دي بشهر لعبت اسكواش والموضوع اني اتعورت جامد وهبطل لعب ده كله كلام فاضي لأني لعبت 4 سنين بعد الحادثة دي وكانوا أحلي سنين في حياتي". وعن قصة تعرضه للتهديد حتي لا يحكي تفاصيل الحادثة، قال،:" أنا محدش يقدر يهددني حتي لو كان مين والكلام ده كله مالوش أساس". حكايات ماحصلتش وقال برادة خلال حواره مع الإعلامية ياسمين عز ببرنامج " كلام الناس"،:" فيه إشاعة عني محفورة في الأذهان من 25 سنة والناس بتصدقها وهي غير حقيقة بالمرة". وتابع برادة،:" فيه ناس قالت إني دخلت الاسكواش بعد ما لعبت مع أختي الكبيرة وهزمتني والكلام ده غير صحيح تماما، موضحا:" أنا كنت بتمرن مع داليا عادي جدا". وأكمل أحمد برادة،:" دي واحدة من اشاعات كثيرة وكذب ردده البعض، وفيه اعلاميين صدقوه وبقت حكاية ثابتة وهي غير صحيحة". ملقتش نفسي في التمثيل وتحدث برادة عن تجربة التمثيل الوحيدة التي خاضها خلال حواره مع ياسمين عز، مؤكدا، أنه لم يكن ينوي دخول مجال التمثيل ولكن الفنان ليلي علوي هي التي عرضت عليه المشاركة في فيلم حب البنات. وأوضح،:" التجربة الوحيدة التي خضتها كانت في فيلم حب البنات من خلال صديقتي ليلي علوي وصديقي أحمد عز، ولكن ملقتش نفسي في التمثيل، مضيفة:" بزعل لما الناس تفتكرني من خلال الفيلم مش من خلال الاسكواش". وعن تعليقات الناس علي أغنية ناسيني وأنا جبنك والتي غناها خلال الفيلم، قال:" مش عارف ازاي الأغنية طلعت حلوة كده وعجبت ناس كتير". ياسمين عز تغازل أحمد برادة على الهواء وخلال البرنامج، غازلت الإعلامية ياسمين عز، أحمد برادة، قائلة:" ما شاء الله أنا بكبر وأنت بتصغر أنا لما شوفتك وأنت داخل الاستديو قولت سنك حاجة وتلاتين، وده مش سنك الحقيقي، ليرد الأخير مازحا: إيه يا ياسمين الكلام ده". وقال برادة:" أنا عندى 45 سنة ولكن الجيم له أثر كبير في مظهري بشكل عام، متابعا:" انا الرياضة فارقة معايا بشكل ذهني قبل ما تكون لياقة". وأكمل:" أنا لازم يوميا أروح الجيم أقعد ساعة وتلت أفصل عن العالم كله، وبقول للشباب الرياضة أهم حاجة ومش شرط جيم لكن أي رياضة مفيدة".
