اشتكي عدد كبير من طلاب كلية التجارة جامعة دمنهور من صعوبة امتحانات الفصل الدراسي الاول بعد تجاوز أول أسبوع. وأكد طلاب تجارة جامعة دمنهور أن الامتحانات ليست في مستوى الطالب المتفوق وخاصة انها تحتاج لوقت ضعف الوقت المقرر من الكلية، وخاصة امتحانات الفرقة الرابعة التي أكد طلابها أن الأسئلة الواردة لم يتم شرحها في المقرر. وأضاف الطلاب لصدى البلد ان أكثر من 70% منهم يواجهون فرص الرسوب بعد صعوبات الامتحانات وخاصة مادة تكاليف المحاسبة للفرقة الرابعة التي أدت لبكاء بعض الطلاب بسبب الأسئلة الطويلة الخارجة عن المقرر المشروح. ودشن الطلاب هاشتاج #اغيثوا_طلاب_جامعه_دمنهور وجاءت ردود افعالهم كالتالي :"لما تبقي المادة اساسا من اصعب المواد ف الكلية وكمان تجيب امتحان تعجيزي عايز واحد م المريخ يحله مش عارفة احنا فينا هنا #اغيثوا_طلاب_جامعه_دمنهور" و "اللي بيحصل ف طلاب كلية تجاره جامعه دمنهور ده حرام بكل معني الكلمه..اول مره تحصل ف تاريخ الجامعه ان طلاب فرقه رابعه كامله بيعيطوا م الامتحان ولاد وبنات..ف اللي بيحصل فينا ده حرام اغيثونا". وقال آخرون:"دا مش امتحان ولا اتنين دول 5 مواد وباقيلنا 3 حرفيا ولا ماده ضامنينها لما نكون في سنه التخرج اللي هيا المفروض سنه امتياز نبقي بنتمني فيها المقبول حسبي الله ونعم الوكيل " و "مجهود السنين كله بيضيع عشان الدكاتره محدش بيتشري كتبهم وحاطين امتحان من المريخ ". وطالب الطلاب وزير التعليم العالي بالتدخل لحل أزمة طلاب تجارة دمنهور بعد صعوبة الامتحانات وعدم اكتفاء الوقت لحل معظم الأسئلة.