يواصل صدي البلد نشر نص أمر الإحالة في واقعة التحرش بفتاة داخل ميكروباص التجمع الخامس والمعروفة اعلامياً بفتاة التجمع. وقالت رانيا سليمان، في تحقيقات النيابة العامة، التي باشرها محمود الحميلي وكيل النائب العام بالقاهرة الجديدة، انها كانت ذاهبة إلى الجامعة في منطقة التجمع صباح يوم الواقعة، وأثناء ذلك وجدت ميكروباص اجره أوقفته وركبت بجوار السائق، وبعد مرور دقائق معدودة لمس المتهم أماكن حساسة من جسدها.
وأضافت ضحية التحرش: "أول ما لمس جسمي بعدت عنه واعتقدت انه لمسني بالغلط، وبعدها بدقائق عاد وكرر نفس الحركة متعمدا ذلك فقمت بإخراج الهاتف المحمول وصورته اثناء لمس أماكن حساسة من جسدي.
وجاءت نص أقوال ضحية التحرش داخل ميكروباص التجمع كالاتي: س.. هل المتهم الذي قمت بالتعرف عليه أثناء العرض القانوني هو الشخص مرتكب الواقعة. ج: ايوه هو
س.. وكم عدد الأشخاص الذين كانو يتواجدون داخل السيارة حال قيام المتهم بارتكاب الواقعة. ج.. هو اما حط ايده على ظهري كانت العربيه كلها مليانه ولما حط ايده عليه كانت الست اللي جنبي وكام واحد ورايا مش فاكره عددهم.
س.. واين تحديداً قمتي بمغادرة السيارة. ج. .. غادرت السيارة في شارع التسعين قبل المرور بشوية مش عارفه اسم المكان بالظبط لاني انا مش ساكنه في التجمع ومعرفش أسماء الأماكن بالضبط ودي أول سنه ليا في الجامعة بالتجمع.
س.. وهل لحق بكي ثمة إصابات من تلك الواقعة. ج.. هو ظهري ورجلي بس.
س. وما هي كيفية حدوث تلك الإصابة. ج.. هو عشان وانا نازله من العربيه مسك ايدي جامد وقالي مش هتنزلي انتى هتكملى معاي ولما شديت ايدي جامد وقعت علي ضهري.
س.. وما هو قصد المتهم من الإمساك بك حال نزولك من السيارة ج.. هو كان عايزني اكمل معاه الطريق علشان يفضل يلمس جسمي.
س.. وما قولك فيما قرره المتهم من قيامك بإتيان أمور أو إيحاءات دفعته لفعل ذلك. ج.. لا طبعا الكلام ده غير صحيح ولو انا كنت عاوزه كنت كملت معاه ومكنتش بلغت وعملت محضر ولا كنت صورته.
س.. هل توجد علاقه علاقه بينك وبين المتهم. ج.. لا انا معرفهوش ودي اول مره اشوفه فيها.
