يواصل صدى البلد نشر نص التحقيقات في واقعة التحرش بفتاة داخل ميكروباص اجره بمنطقة التجمع الخامس، وجاءت نص اعترافات المتهم محمود خ سائق اجره كالاتي: س.. هل من ثمة أفعال مادية قمت بها حال وجود الفتاة بجوارك؟ ج.. أنا حطيت ايدي على الكرسي اللي هي قاعدة عليه وبعد كده رحت محسس على أماكن حساسة من جسدها. س.. وما الذي دفعك لإتيان الأفعال؟ ج.. عشان هي كانت قاعده قاعده مش كويسة وبعد كده رفعت البلوزة بتاعتها من ناحية الشمال اللي هي جنبي وحطت ايدها على المكان اللي رفعت فيه البلوزة يعني كأنها بتشاورلي عليه فرحت انا حاطيت ايدي على جسمها فانا افتكرت انها عايزة كده. أتعرض لضغوط للتنازل.. أول رد من ضحية التحرش داخل ميكروباص التجمع بعد إحالة المتهم للمحاكمة استدرجها داخل غرفة نومه.. تأجيل محاكمة "شيخ" هتك عرض طفلة بالدقهلية للاثنين المقبل س.. وما هي مظاهر الأفعال التي قامت بها الفتاة ؟ ج.. هي ذي ما أنا قولت قبل كده من أول الطريق وهي حاطة ذراعها الشمال على المخضع اللي بينا وكانت حطة رجليها جنب الفتيس وهي رفعت البلوزة زي ما قولت وشاورت على المكان ده.
س.. وهل من ثمة عبارات رددتها الفتاة لايحائك على قبول هذه الأفعال؟ ج.. لا س.. وكم عدد المرات التي قمت فيها بملامسة جسدها؟ ج.. هي مرة واحده فقط س.. وأي يد قمت باستخدامها في ملامسة جسد المجني عليها؟ ج.. بايدي اليمين و بصوابعي س.. وما هي المدة المستغرقة لحدوث الواقعة؟ ج.. هو : أنا لمستها كانت ثانية أو ثانيتين مش أكتر من كده س.. وما التصرف الذي بدر من الفتاة؟ ج.. هي لما نزلت من العربية راحت مصوراني وأنا لما قولتلها إنتي بتصوريني ليه قالتلي أنا هشهر نفسي على حسابك وهبقي تريند. س.. هل توجد ثمة علاقة بينك وبين الضحية؟ ج.. لا أنا معرفهاش س.. ما قولك فيما هو منسوب إليك من أنك متهم بهتك عرض المجني عليها، خلال استقلالها للسيارة الأجرة قيادتك حال جلوسها بالمقعد الأمامي بجوارك فقمت بمغافلتها والامساك بأحد أماكن عورتها وأعلى الفخذ الأيسر؟ ج.. محصلش وأنا مفيش أي حاجه عملتها هي كانت قعده جنبي في الميكروباص بشكل مش كويس فانا افتكرتها عاوزاني ألمس جسمها فلمسته. س.. ما هي ظروف ضبطك وإحضارك؟ ج.. اللي حصل إن أنا كان في واحدة راكبه معايا الميكروباص يوم 6 نوفمبر 2021، في الميكروباص جنبي وكانت قاعده مش مضبوطة وكانت لابسة بلوزة طويلة وراحت رفعه البلوزة من ناحية الشمال فانا حطيت ايدي جنب الكرسي بتاعها ورحت محسس على المكان اللي هي رفعت فيه البلوزة وكان جنبها الشمال والكلام ده كان بإرادتها عشان هي اللي رفعت البلوزة وفي الاخر لما نزلت من الميكروباص كانت بتصور وقالتلي أنا هتشهر وهبقى ترند على حسابك وهو ده كل اللي حصل وبعد كده كنت قاعد في بيتي لقيت الحكومة خدوني وخدوا العربية اللي كانت معايا . س.. متى وأين حدث ذلك؟ ج.. الكلام ده كان يوم السبت 16 نوفمبر ، حوالى الساعة 11ونص ، في الميكروباص اللي أنا شغال عليه لحد ماهي نزلت في شارع التسعين بالقاهرة الجديدة، وأنا اتمسكت يوم الثلاثاء 18 نوفمبر . 2ed861dc-54f8-4030-934c-d25a1e52abeb
