حالة كبيرة من الجدل أثيرت حول الفنانة بدرية طلبة ، بعدما خرج شقيقها «وليد» ينفي خبر وفاته الذي أعلنته عبر حسابها الرسمي بموقع التواصل الاجتماعي فيسبوك، إذ نشرت «بدرية» صورتها مع ابنة شقيقها سالف الذكر، وأعلنت عقد قرانها بدون حضوره. وكشف شقيق بدرية طلبة أنه على قيد الحياة، وأنهم عقدوا قران ابنته دون حضوره، فقاموا بعقد القران في غيابه، مستنكرًا ذلك وكتب كلمات يهاجم فيها شقيقته. وجاء نص منشور شقيق بدرية طلبة كما يلي: «يا جماعة الفنانة بدريه اللى كانت المفروض اختى منزلة نعى عنى انى اتوفيت والمفروض اللى ف النص دى كانت بنتى .. وعشان رفضت اروح كتب كتابها النهاردة طلعو عليا إشاعة الموت بجد حسبى الله ونعم الوكيل فيكم». وأضاف شقيق بدرية طلبة: «انتو كلكم ميتين بالنسبالى من سنتين لما سبتو البيت ونزلتو الساعة 2 بالليل .. جاين دلوقتى تحتاجولى ف كتب الكتاب .. انا يا جماعة ماليش عيال وعيال مين اللى يعلقو ع إشاعة ع ابوهم انه مات والله يرحمه وانا ع وش الدنيا عيال مين اللى أروحلهم تانى انا خلاص ماليش ولا عيال ولا أهل وأخوات». وتابع شقيق بدرية طلبة: «وانتى ي فنانة بدريه ميته بالنسبالى من زمان .. وانشاء الله اللى قولتيه عليا بالكدب هيتقال ع جوزك يوم فرح بنتك بالصدق انشاء الله .. وانتظروا منى احلى مفاجآت ليكم ياللى المفروض كلكم اخواتى ومن بطن واحدة انتظروا منى احلى مفاجآت للكل وانتو اللى بداتو الحرب معايا». واختتم شقيق بدرية طلبة: «بالله عليكم يا جماعة انا عاوز البوست ده يتشير كتير عشان اثبت كذب الفنانة وانا هطلع لايف كمان شويه بصوتى عشان تتاكدو انى مش بكدب وهطلع معايا مفاجآت هتعجبكم اوى». أول مرة تحصل لي| بدرية طلبة توجه رسالة تحذير ل مرضى الضغط بدرية طلبة تنعى الفنانة الراحلة انتصار الشراح بدرية طلبة توجه رسالة تحذير ل مرضى الضغط من جهة أخرى، حذرت الفنانة بدرية طلبة مرضى الضغط من التعامل بصورة خاطئة مع المرض بعدما تعرضت لتجربة خاصة بها كادت أن تضر بصحتها. وكتبت بدرية طلبة منشورا على موقع فيسبوك قالت فيه:" خدو بالكو من موضوع الضغط دا طول عمرى ضغطى واطى وبتعامل وعارفه علاجه اى حاجة حادقه وخلاص". واستطردت بدرية طلبة:" امبارح رايحة للدكتور علشان حساسية صدرى وكنت مرهقة وتعبانه قوى بعد التصوير وكان حد عايز يدينى حاجة حادقه او اى حاجة تعلى الضغط على اساس ان ضغطى واطى رفضت لانى كنت رافضة اى اكل بسبب ازمه صدرى وصلت عند الدكتور الله يباركله اول حاجة عملها قاس الضغط وكان ضغطى عالى جدا ولاول مرة تحصل ان ضغطى يكون عالى فابالله عليكم خدو بالكو من الموضوع دا بلاش تتعامل مع الضغط بالحلول اللى اتعودنا عليها قبل ما تقيس ضغطك وربنا يشفي ويعافي كل مريض".
