خلال الساعات القليلة الماضية أثارت الفنانة بدرية طلبة حالة من الجدل بعد أن قامت بالتعليق علي عقد قران ابنة شقيقها ووصفته بالمرحوم ليخرج شقيقها ويؤكد انه مازال علي قيد الحياة وهو ما وضع بدرية طلبة في موقف لا تحسد عليه والتي اختلقت تلك الشائعة عن وفاة شقيقها لعدم حضوره عقد قران ابنته. بدرية طلبة وابنه شقيقها بداية الازمة بين بدرية طلبة وشقيقها البداية كانت بنشر بدرية طلبة صورة لها على حسابها عبر فيس بوك، مع ابنة شقيقها عقب عقد قرانها، قائلة: "كبرتى يا قلب عمتو بنت أخويا رحمة الله عليه، وكتب كتابها النهاردة، ربنا يخليلك أعمامك وخلانك الرجالة المحترمين سندك وضهرك ويرحم أبوكى برحمته الواسعة، ادعوا لمريم ربنا يتمم لها فرحتها وأشوفها أسعد البنات فى بيتها الزفاف 4-9 وعقبال عندكم". منشور بدرية طلبة وبعدها بقليل فوجئ الجميع، برد شقيقها وليد الذي مازال علي قيد الحياة وذلك من خلال منشور آخر على فيس بوك، قائلا "يا جماعة الفنانة بدرية اللى كانت المفروض أختى، منزلة نعى عنى أنى توفيت والمفروض اللى في النص دى كانت بنتى، وعشان رفضت أروح كتب كتابها النهاردة طلعوا عليا شائعة الموت، بجد حسبى الله ونعم الوكيل فيكم، انتوا كلكم ميتين بالنسبالى من سنتين لما سبتوا البيت ونزلتوا الساعة 2 بالليل". منشور شقيق بدرية طلبة وأضاف شقيق بدرية "جايين دلوقتى تحتاجولى فى كتب الكتاب، أنا يا جماعة ماليش عيال، وعيال مين اللى يعلقوا على شائعة على أبوهم إنه مات والله يرحمه وأنا على وش الدنيا، عيال مين اللى أروحلهم تانى، أنا خلاص ماليش ولا عيال ولا أهل وأخوات". وليد طلبة ليوجه وليد حديثه للفنانة بدرية طلبة قائلا "وانتى يا فنانة بدرية ميته بالنسبالى من زمان، وإن شاء الله اللى قولتيه عليا بالكدب هيتقال على جوزك يوم فرح بنتك بالصدق إن شاء الله، وانتظروا منى أحلى مفاجآت ليكم ياللى المفروض كلكم اخواتى ومن بطن واحدة، انتظروا منى أحلى مفاجآت للكل وانتوا اللى بدأتوا الحرب معايا، بالله عليكم يا جماعة أنا عاوز البوست ده يتشير كتير عشان أثبت كذب الفنانة وأنا هطلع لايف بصوتى عشان تتأكدوا انى مش بكدب وهطلع معايا مفاجآت هتعجبكم أوى". وعقب ذلك المنشور قامت الفنانة بدرية بتعديل البوست الذي تسبب في الازمة لتحذف جملة وفاة شقيقها، ليصبح كالتالى: "كبرتى يا قلب عمتو وكتب كتابها النهاردة، ربنا يخليلك أعمامك وخلانك الرجالة المحترمين سندك وضهرك، أدعو لمريم ربنا يتمم لها فرحتها وأشوفها أسعد البنات فى بيتها، الزفاف 4-9 وعقبال عندكم". المنشور قبل وبعد تعديل بدرية طلبة عليه رد بدرية طلبة علي الهجوم عليها بعد تلك الحرب الكلامية بين الشقيقين انتقد بعض المعلقين على السوشيال ميديا تصرفات الفنانة بدرية طلبة، واتهامها باختلاق واقعة وفاة شقيقها للحصول على المزيد من التعليقات والإعجاب ولفت النظر إليها، لترد عليهم فى منشور اليوم، على حسابها عبر فيس بوك أيضا، قائلة: "الخبر اللى بينزل عن الفنان حتى لو ضده فاسبحان الله بردو بيكون لصالحه، وخصوصا لما يكون سمعته طيبة ومحبوب، فا مش كل اللى بيستعين بالصحافة فى تشويه فنان بينجح لأن الفنان لو رد وحكى حيتصدق، وخصوصا لما تكون الحكايات مشوقة وبالدليل وكلها بلاوى وفيها ست سيئة السمعة وفيها فتح أدراج وفيها مهازل، خلى الطابق مستور ومتفرحوش بالحكاوى، ربنا ستركم بلاش تخلو الرد يفضحكم وربنا يهدى". وفى منشور أخر، تم حذفه قالت "مفيش خلاف بينى وبين أبو نور أخويا حبيبى، إحنا إخوات ولو مش مصدقين ممكن نعمل DNA، يا جماعة، اهدوا شوية.. اخوات اهدوا".
للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. اضغط هنا
