استنكر الإعلامي أحمد موسى، التخريب الذي يلحق بوسائل المواصلات العامة؛ مرددا: « في ناس بتقطع الكراسي وتشيل الاسفنج وناس بتشيل لمبات القطار!». وأضاف خلال حلقة اليوم من برنامج «على مسئوليتي»، المذاع على فضائية «صدى البلد»، ويقدمه الإعلامي «أحمد موسى»،: « اللي خلع لمبة من القطر ده هيروح يركبها في بيته، اللي بيحصل ده اسمه تخريب ، في ناس عندها هواية تكتب على عربات القطار وتشوه منظرها». وناشد موسى، المصريين بالمحافظة على المرافق: « أرجوكم حافظوا على المرافق العامة، واعتبروا القطار بيتكم وحافظوا عليه وعلى نظافته». وأكد موسى أنه منذ الصباح انتشر بصوره مستفزة لمشهد مؤسف؛ حيث تملأ القمامة عربة قطار سكة حديد كان في طريقة الي محطة سيدي جابر في الاسكندرية. وأضاف ،: « كل دي قمامة .. شوفت الصورة صعبت عليا نفسي، ازاي الراكب خلى القطر كده ومرماش اللي فايض منه في سلة المهملات»، مشيرا الي ضرورة الحفاظ على المواصلات والمرافق العامة. واكد موسي، ان القطارات الجديدة مدفوع ثمنها من أموال الشعب؛ مرددا: « المنظر ده يرضي ربنا يعني .. ازاي استحملت يا راكب ترمي القمامة وتقعد فيها طول المشوار». وأشار موسى، أن الدولة تنفق مئات المليارات على تطوير السكة الحديد، ويجب التعاون مع الدولة والمحافظة عليه من التلف وإلقاء القمامة.