انفعل الإعلامي أحمد موسى على الهواء، بعد استعراضه لصورة متداولة تظهر تراكم القمامة داخل عربة قطار انطلق من القاهرة لسيدي جابر. حيث قال موسى، خلال تقديم برنامج "على مسئوليتي" المذاع على فضائية "صدى البلد": "ده مشهد ميرضيش ربنا، حجم القمامة اللي اتساب في العربية، صورة لا أتمنى أن أراها في أي مكان، يصعب عليك نفسك لما تشوفها، وتسأل الركاب عملوا كده إزاي". وأرضاف موسى: "كل عربية فيها سلة مهملات، مكسل يتحرك متر يرمي فيها، إزاي سافر ساعتين وسط هذه الزبالة؟". واستطرد: "ده منظر يرضي ربنا؟ ميرضيش حد حافظوا على المكان، القطر ده بتاعك أنت ومن مال الشعب، يجب الحفاظ عليه، دفعنا مئات المليارات حتى يكون المرفق نظيفًا، رئيس الجمهورية بيعمل كل حاجة نظيفة عشان المصريين". وطالب الإعلامي أحمد موسى الفريق كامل الوزير، وزير النقل بشكر العامل الذي يظهر في الصورة ينظف عربة القطار.