دعت رابطة مشجعى الأهلى -ألتراس أهلاوى- عبر صفحتها بموقع التواصل الاجتماعى "فيس بوك" كل أعضائها لاقتحام ستاد برج العرب غداً، الأحد، أثناء مباراة الأهلى أمام إنبى فى كأس السوبر. وكانت الدعوة كالآتى: "إلى كل أعضاء جروب ألتراس أهلاوى فى جميع مناطق القاهرة.. وجميع سكاشن المحافظات بنها - المنوفية - طنطا - المنصورة - دمياط - بنى سويف - الفيوم - أسيوط .. وباقى أفراد الجروب فى مختلف المحافظات التجمع أمام مسجد الفتح بميدان رمسيس الساعة 7 صباحا يوم الأحد للسفر إلى برج العرب لاقتحام الاستاد المزمع إقامة مباراة السوبر على أرضه. مهددين: "قلنا مفيش مسابقة هتتلعب قبل القصاص ألا على جثتنا.. وإذا كان قدر الموت تأجل ل7 شهور يبقى الأحد القادم كل واحد منا هيروح يموت قبل ما الماتش ده يتلعب.. الدعوة لكل أسر الشهداء وأى حد لسة شايف إن دم اللى ماتوا لسة رخيص فى بلدنا".