كشف الفنان محمد صبحي، عن أول قصة حب عاشها في حياته، وكان عمره 10 سنوات فقط، قائلًا: «كنت بقف في البلكونة وأقف أبص ليها وهيا كمان تبصلي وعمرنا ما اتكلمنا». وأضاف خلال تقديمه برنامج «أعزائي المشاهدين مفيش مشكلة خالص»، المذاع عبر فضائية «CBC»: «كان في حفرة كبيرة في الشارع والناس مغطينها بلوح خشب طوله 4 أمتار وولد بيبيع عيش وسايق بسكلته عدى من فوق لوح الخشب ببراعة . وتابع: «أنا حسيت بالغيرة وقتها أوي بجد وحسيت إن الولد ده خطفها مني قلت أنا لازم أبهرها وهعمل زي ما عمل الراجل ده ونزلت أجرت عجلة وجيت بكل سرعة وبقول يارب تشوفني وجيت في النص ووقعت وأنا بقول يارب ما تشوفني يارب ما تشوفني». وقال: «المهم العجلة باظت وببص عليها وأنا في الحفرة لقيتها بصالي بشفقة اتضايقت زيادة وقمت عامل فيها إني يعني مفيش حاجة ولقيت العجلاتي جاي حاجة ضخمة كده وقالي إيه اللي إنت عملته في العجلة ده وراح ضربني قلم جامد روحت قايل ربنا ياخدها ربنا ياخدها».