تهكمت الناشطة والكاتبة نوارة نجم على صفحتها على "الفيسبوك" على عدد من المسئولين السابقين والحاليين والساسة، ودافعت عن الدكتور البرادعي. وقالت نوارة: "لما هانز بليكس يقول إن امريكا كانت تراقب هواتفنا وتهددنا بتلويث سمعتنا أنا والدكتور البرادعي كي نبرر حرب العراق يبقي اكيد "البرادعي عميل فحت"" وقالت: "مش مهم ان مصطفى بكري "بيلحس بيادات العسكر" وحسان ضيع الفلوس اللي مش عارفين هما كام، واخت ابو اسماعيل امريكية .. بس المهم ان "البرادعي عميل فحت" وأضافت: "لما السفيرة الامريكية هي اللي اتصلت بالبرادعي وطلع حكى كل نص المكالمة بقى عميل بس لما خريت يستأذن الامريكا يبقى برضه "البرادعي عميل فحت" ده حتى لما جون كيري جه المقطم حازم ابو اسماعيل قال ده فتح من الله، يبقى "البرادعي عميل فحت" وأضافت: "ولأنه مش بيعرف يزغط دكر البط ولا يعرف عدد عيدان ربطة الجرجير وميعرفش حاجة عن مصر ف "البرادعي عميل فحت" انا كل ما افكر ان البرادعي قعد كل ده بره مصر واشتغل المناصب الفظيعة دي وماخدش اي جنسيه تاني غير المصريه بحس ان "البرادعي عميل فحت" الغاز بيتباع لإسرائيل بشوية فكة و الأنابيب إلي جوه مصر بيخبوهة فالجبل. بس سبحان الله "البرادعي عميل فحت" الشيخ حسان لم الفلوس ومنعرفش سكتها فين يبقى أكيد أكيد أكيد "البرادعي عميل فحت" واحنا معتصمين عند سفارة اسرائيل وبننضرب والاخوان كانوا بياكلوا بالهنا والشفا في السفارة الامريكية، وده معناه ان "البرادعي عميل فحت" عمر سليمان اسمه الرسمي في الصحف الامريكية "رجل اسرائيل في مصر" انما الشهادة لله... "البرادعي عميل فحت" اي حد يربي دقنه مش عميل.. وساعتها يقدر يعمل علاقات مع اسرائيل وامريكا بما لا يخالف شرع الله "البرادعي عميل فحت" قبل موقعة الجمل الاخوان واحزاب الكارتون وشخصيات محسوبة على المعارضة قعدت مع عمر سليمان ..بس البرادعى رفض ..يبقى اكيد "البرادعي عميل فحت" وحازم ابو اسماعيل كان عايش في امريكا ومامته معاها الجرين كارد واخته معاها الجنسية الامريكية "البرادعي عميل فحت" "البرادعي عميل فحت" لانه وقف قدام الرئيس الوطنى الشريف مبارك ..وابنه حبيب الشباب والمنتخب الوطنى جمال مبارك وغزلان قالك:احنا ما وعدناش البرادعي بحاجة وما استأذناش الامريكان، احنا قلنا لهم على ترشح خريت وهم ما مانعوش "البرادعي عميل فحت" البرادعى يطلب بتفعيل اتفاقية الدفاع العربى المشترك ضد اى اعتداء اسرائيلى ..بس اكيد "البرادعي عميل فحت" لما نورمان فلنكستاين المتهم بمعادة السامية واليهود فى امريكا ..يقول ان اسرائيل تخشى وصول البرادعى لحكم مصر يبقى "البرادعي عميل فحت"