1. المتظاهرون يهتفون : “مدنية مدنية مش عايزينها عسكرية ولا دينية” و”واحد اتنين قانون الغدر فين” كتب – عاطف عبد العزيز وعمرو شوقى ومحمود عبد المنعم : وصل عدد المتظاهرين فى التحرير فى جمعة “إسترداد الثورة ” إلى أكثر من مائة ألف متظاهر بعد توافد أكثر من مسيرة إلى الميدان بعد صلاة الجمعة وإنضمام 4 مسيرات شارك بها الآلاف قادمين من الجيزة والسيدة زينب و المهندسين و مسجد الفتح برمسيس إلى المتظاهرين. وتوافد آلاف المواطنيين على الميدان مع حلول المساء, وهتف المتظاهرون من فوق منصات التحرير الخمسة عدد من الهتافات التى تطالب بتنفيذ مطالب الثورة ، وتسليم الحكم للمدنيين ،وابرزها: ” يسقط يسقط حكم العسكر إحنا الشعب الخط الأحمر” و “كلمة واحدة وغيرها مفيش السياسة مش للجيش “و”واحد اتنين قانون الغدر فين “و” مدنية مدنية مش عايزينها عسكرية ولا دينية ” و”طوارئ تانى ليه حسنى راجع ولا إيه “و” يا مشير ساكت ليه حسنى راجع ولا إيه” و” قالوا إمشوا من التحرير وإحنا هانعمل التغيير”و” يااللى بتسأل إحنا مين ؟إحنا شباب 25′′ . وفى سياق متصل, نظم الآلاف مسيرات متفرقة من التحرير إلى شوارع وسط البلد ووزارتي الدفاع والداخلية ومجلس الوزراء. فقد شارك الآلاف في مسيرتين من التحرير إلى وزارة الدفاع مساء اليوم، للمطابة بالإستجابة لمطالب الثورة ، وتسليم السلطة للمدنيين... كما خرجت عدة مسيرات من الميدان الي وزارة الداخلية ومجلس الوزراء ودار القضاء العالي وشوارع وسط البلد لتعريف المواطنيين بمطالب الثورة ودعوتهم للمشاركة معهم .