* شبكة 6 ابريل الإخبارية نشرت اللافتة ..وتعليق: بيفكروني بلافتة” الجنين في بطن أمه يبايع مبارك” * تعليق : يبقى كده الجيش انضرب من الشرطة وسقط له 800 شهيد والشعب شاف الثورة فيديو كتب – أحمد سمير : نفى عصام العريان عضو مكتب الإرشاد والمتحدث الرسمي باسم جماعة الاخوان المسلمين علاقة الجماعة بلافتة نشرتها شبكة 6 ابريل الإخبارية على صفحتها على الفيس بوك منسوبة للإخوان وقالت الشبكة أن اللافتة تم تعليقها في مدينة أوسيم بالجيزة.. موقعة باسم اللجنة الإعلامية للإخوان المسلمين كتب عليها ” الجيش حرر سيناء في 25 ابريل وأسفلها عبارة الجيش حرر مصر في 25 يناير .. وقال العريان : أن هذه الصورة لا تخصنا ولا علاقة لنا بها ولا تعبر عن موقف الجماعة “ واستنكر نشر صور من وقت لآخر منسوبة للجماعة على غير الحقيقة معتبرا أن هذا غير مقبول في الصراع السياسي ” وكان أحمد بسيوني أحد الذين علقوا على اللافتة على صفحة الشبكة قد توقع أن يخرج الإخوان للتنصل منها قائلا ” ههههههههههههههههههه تعرفوا أنا بفكر فى حاجه تانيه خالص بكره عصام العريان هيطلع ويقولك دى مش لافته الاخوان الخامة اللي معمول منها اللوحة مش اخوانية .. الاخوان المسلمين تعيشوا معانا ماشى حبايب وزى الفل لكن تحكمنا يوك بالتركي” وقابل متابعي صفحة الشبكة اللافتة بحملة استهجان ولفتت دعاء سعيد لنظر إلى أن اللافتة تم تعليقها فوق لافتة مرشح للحزب الوطني قائلة ” واللافتة فوق مرشح الحزب الوطني ” وأشارت إلى إن الباقي أن يقول من وضعوا اللافتة إن ” الجيش هو اللي بنى السد العالي وحفر قناة السويس .. وأن الجيش ده بابا وماما وأنور وجدي” وقال أحمد النجار ” لولا الجيش كانت أكيد الثورة منجحتش , بس أنا عايز اعرف هما ايه علاقتهم ب25 اصلا , دا كمان القناة بتاعتهم اسمها مصر 25 هو انتو شاركتو اصلا أنا هتجنن” ورد عليه محمد وحيد ” الجيش علي عينا وعلي راسنا بس احنا اللي عملنا الثوره مش الجيش” وسخر علي محمد من اللافتة قائلا ” الجيش هو اللي خطط للثورة على الفيس بوك ونزل وانضرب من الشرطة وراح التحرير واستشهد منه 800 واتصاب منه الاف ... والشعب كان بيتفرج على الثورة دى فيديو ... يخرب بيت ام الهبل والنفاق ... بيفكرونى بلافتة ان الجنين فى بطن امه بيؤيد مبارك ... انضفوا بقى “.
