استنكرت حركة شباب 6 إبريل مقتل 4 سيدات من انصار الرئيس المعزول محمد مرسي في المنصورة وأبدت استيائها الشديد من الإعتداء على اي متظاهرين سلميين وطالبت النظام الحاكم بحماية المتظاهرين كما طالبت جمعة الإخوان بالكف عن المتاجرة بالدماء والزج بأتباعهم في معرك خاسرة وقالت عبر صفحتها الرسمية في موقع فيس بوك مختلفين تماما مع مرسى والاخوان لكن دا مش هيمنعنا نقول الحق....الحق ان فيه سيدات مؤيدات لمرسى ماتت النهارده فى المنصورة ...ممك تختلف معاهم او تنزل فى مظاهرة ضد مرسى او ايا كان رايك طالما سلمى....انما مش من حقك تقتل بنى ادم عشان بيعبر عن رايه...دول بنى ادمين...بشر...مش ارقام ضحايا يا قيادات الاخوان....كفاكم متاجرة بدماء اتباعكم والزج بهم فى معارك خاسرة لتحققوا مكاسب على حساب دمائهم يا قادة منظمات حقوق الانسان وجمعيات حقوق المرأة....دم السيدات الاطهار الذى سال اهم من رصد حالات التحرش ....دافعوا عن حقوق اى امرأة حتى لو كانت من الاخوان فى التعبير عن رايها حتى لو اختلفتم معها يا قادة المعارضة والنشطاء السياسيين والحركات الثورية المعارضة للاخوان....لا يجرمنكم شنئان قوم على الا تعدلوا....مش معنى انك هتدافع عن حق الاخوان فى التعبير عن رايهم بسلمية انك تبقى اخوان...قول الحق ومتخافش يا قادة النظام....السيسى وعدلى منصور ومحمد البرادعى ومصطفى حجازى.....الدم اللى بيسيل دا انتوا مسئولين عنه وحماية المتظاهرين السلميين مسئوليتكم وربنا عادل لا تضيع عنده الحقوق