ما كنش يروى نبتها ولا كنت تعرف يوم تفرق بين ولدها وبنتها ولا كنت تقدر تبقى شاعر إذ كلمتك بيحددولك وقتها تكتب وتسكت وتسكت فتكتب ترعب جموعهم... وإنت مفكر كلامك بيرعب تظبط قصيدتك تنون وترفع وتكسر وتنصب إنت بتنصب فى حته وهما كل واحد فى حته بينصب ودا إسمه نصب ودا إسمه نصب وإنت المعارض وهو إللى حزب حزب الدعاره.... وآه م الدعاره لو تبقى حزب ناس عشان شرفها تحارب وناس عشان تضيع شرفها بتدخل فى حرب ودا إسمه حرب ودا إسمه حرب حاربنا فى سينا مبارك بضربه أصبح حامينا تمر السنين ويصبح حامينا مطلع عنينا مرمل أرامل ميتم يتامى مسمم بدنا ولولا الملامه يقول إعبدونى عبادة سيادته فرض وديانه آمنا ببكره وقومنا وثورنا كسرنا قيودنا وحطمنا سورنا طردنا مبارك بهيبته وعظمته وصفوت وفتحى وعز برخامته وعزمى وغيرهم.. وغيرهم لسه واخد مكانته مكانك يا ثورى بقلمك وفكرك وإنت يا شيخنا بخطبك وذكرك وانت فى بيتك وانت ف كنيستك ويا كل مصرى فى علنك وسرك فكر وطور ونور وغير فى كل نقابه وشارع وحاره مُبارك صُغير فى كل نقابه وشارع وحاره مُبارك صُغير [email protected]