رفض الإعلامي باسم يوسف القرارات التي صدرت بإغلاق قناة الفراعين ومصادرة جريدة الدستور، وقال يوسف أنه ضد إغلاق قنوات أو صحف تحت أي عذر، وتابع "حقق مع اللي تحقق معاه، ارفع قضية، لكن لو فرحت في حد النهاردة عشان مش عاجبك بكرة ييجي الدور عليك". وأضاف يوسف عبر حسابه علي "تويتر" أن غلق القنوات والصحف بالقانون هي نفس أفعال مبارك، مضيفا"احنا مقمناش بثورة عشان نقفل على الناس تاني حتى لو كلامهم مدلس الصحف الصفرا موجودة في كل الدنيا"، ولفت إلي أن القنوات الدينية و القاهرة اليوم أغلقوا وقت مبارك بالقانون أيضاً، مؤكداً أننا نعيد نفس الغلط، وطالب بالتحويل للتحقيق دون غلق القنوات لأن هذا خطأ –بحسب قوله-. واستنكر يوسف رضا البعض بقرارات القضاء قائلاً " القضاء بقى حلو دلوقتي عشان قفل قناة مش عجبانا؟مش ده القضاء الفاسد المسيس بتاع مبارك اللي حل المجلس؟ بقى فلة دلوقتي؟". وقال يوسف "لو قفلت قناة بحجة انها تثير الفتنة ممكن تقفل اي قناة بعد كده بنفس الحجة، اون تي في، دريم، الحياة، سي بي سي، لكن القنوات الدينية مش فتنة خالص". واستكمل يوسف "يبقى نقفل جريدة الحرية و العدالة لما دلست على المتظاهرين ونقفل الفجر وروز اليوسف و قناة الناس و الموجز، القفل غلط". وأضاف "نيجي على اخر الزمن نعمل من عكاشة بطل و شهيد رآي؟ اهي دي المسخرة بعينها. الحل مش قفل القنوات، حقق و حاسب على أصول المهنية". Comment *
