* د.عادل التابعي: الطلبة المحتجون أصحاب مكتبات ويعطون دروسا خصوصية ومعلوماتهم غير صحيحة * بيان للطلبة الناصريون: محمد كان متفوقا والأستاذ اضطهده والقصة متكررة في كل الجامعات الدقهلية – تامر المهدي ومني باشا: رد الدكتور عادل التابعي في تصريحات خاصة ل«البديل» على اتهامات عدد من زملاء الطالب محمد عبد الغني بكلية الطب البيطري، المتوفى بعد 6 سنوات رسوب في الكلية، وكان الطلاب قد اتهموا التابعي بالتسبب في إصابة الطالب محمد بالاكتئاب، ونظم الطلاب وقفة احتجاجية بجامعة المنصورة عقب وفاة زميلهم، نددوا فيها بما وصفوه ب«تعنت الأساتذة مع الطلاب». وقال الدكتور التابعي ردا على اتهامات الطلاب قائلا:«عايزين تتهموني روحوا الكنترول وشوفوا أنا بدي درجات قد إيه، أنا بدي الطلبة أضعاف ما يستحقون، لأن مفيش بيني وبين أي طالب حاجة شخصية» وأضاف:« محمد انتقل إلى رحمة الله يعني مينفعش الطلبة دول يتكلموا في حاجة موش مظبوطة، اعتقد إن ده حرام عليهم ولازم يتكلموا على بينة روحوا شوفوا النتائج بتاعته وشوفوا الدكتور كان بيديلة كام وهل يستحق ولا لأ؟. وشوفوا محمد سقط في السنة الثالثة واعتذر عن الامتحانات ولا لأ؟ وهل سقط فى مادة واحدة ولا كل المواد ؟ وبعدين أحكموا». وتابع أستاذ علم التشريح بكلية الطب البيطري «مفيش واقعة بعينها لكن ربما سوء الحظ كان بطل القصة لان اللي حصل إني في محاضرة شفت طالب بيتحرك من مكانه فقلتله لو موش عاجبك المحاضرة تقدر تتحرك برة، وده وضع طبيعي جدا، لكني فوجئت بعد كدا إن الطالب ده كان محمد، وده حظه كدا». وحول اتهامات الطلاب للدكتور بأنه لم يعط محمد درجة النجاح في المادة بسبب رفض الطالب شراء الكتاب الجامعي، قال الدكتور:«طيب ليه أستاذ جامعه يعاكس طالب سبع سنين عشان يشترى كتاب بخمسين جنيه؟ دة كلام مينفعش طيب هو دكتور واحد طيب الدكتور التانى والتالت والرابع والخامس بردو كانوا بيعاكسوا محمد.؟ ولو محمد موجود دلوقتى كان هو قال انه والدة ووالدته ميعرفوش فى الكلية غيري، وما فيش معاه تليفون حد فى الكلية غيرى انا بساعده من وهو فى سنة أولى وأنا موش مطالب بالدفاع عن نفسي لكن اللى بيحصل اعتقد انه استغلال لحرية التعبير بطريقة خاطئة، فانا لا اعلم أسم الطالب الذي أصحح كراس الإجابة الخاصة به، والاولاد اللى كانوا واقفين محتجين أمبارح دول بيدوا الدروس وانا عارفهم بالاسم .. دول ببوظوا العلاقة بين الاستاذ والطلاب، وفاتحين مكاتب برة علشان بيدوا دروس لمصلحتهم و دروس في الجراحة بالذات.. ليه؟ لان محدش يعرف يدى الجراحة زى ما انا بديها أنا واخد الدكتوراه من أمريكا مش من جامعة أم درمان». وفي سياق متصل، اصدر طلبة نادي اتحاد الفكر الناصري بجامعة المنصورة بيانا حول وفاة الطالب محمد عبد الغني، وأكد الطلاب في بيانهم أن محمد كان «طالب متفوق بكلية الطب البيطري في جامعتنا بالمنصورة، كان له طموح بسيط جداً هو أن يتخرج من الكلية ويعين بها معيداً كما وعدته أستاذته في الكلية، إلا أن اختلافاً صغيراً له مع أستاذ آخر تسبب في رسوبه لعدد من السنوات يفوق مدة الدراسة في الكلية أصلاً، مما أدى إلى إصابته بأزمة نفسية شديدة توفى على إثرها إلى رحمة الله يشكو له كل هذا الذل وسوء المعاملة، هذا للأسف وضع طبيعي في جامعاتنا وتلك القصة تتكرر في كل مدرج في كل كلية في كل جامعة من جامعات مصر، منذ أصبح تعيين الأساتذة يتم بتدخل الأمن وبالواسطة وليس بمعايير الكفاءة، ومنذ تحول التعليم- المجاني بحكم الدستور- إلى مشروع تجاري لا يستهدف إلا الربح من رفع أسعار الكتب ومصاريف الدراسة، وبعد كل هذا ليس غريباً أن يكون مستوى البحث العلمي عندنا في الحضيض وجامعاتنا لا تعترف بشهاداتها أي دولة في العالم، لأنها تقتل المتفوقين وتكرم الفاشلين وتنهب أموال الأسر المصرية لحساب قلة من الأشخاص وضعهم في مناصبهم الفساد في غفلة من الزمن». مواضيع ذات صلة 1. وقفة احتجاجية بجامعة المنصورة احتجاجا علي وفاة طالب بيطري المنصورة بسبب ظلم أستاذه 2. زملاء طالب “بيطري “المنصورة الذي مات مكتئبا بسبب ظلم أستاذه يدعون لوقفة احتجاجية بملابس الحداد أمام الجامعة 3. عميدا “بيطري المنصورة” الحالي والسابق يمزقان صور معرض إخواني.. ورئيس الجامعة للطلبة: محدش هينفعكم 4. حدث في بني سويف : اتهام طالب بطعن زميلة بمطواة فرد المصاب باستدعاء بلطجية واقتحام المدرسة 5. حبس ضابط شرطة بالزقازيق اعتدي علي أستاذة جامعية داخل المحاضرة
