بداخل جريدة الأسبوع كان لقاؤنا معه ومع أسرته البسيطة،اسمه أحمد اسامة سيد،طفل فى الصف الأول الإعدادى، يحلم بأن يكون ضابطا فى الجيش المصرى،الفيديو المؤلم لضربه من رجال الإخوان وعلى راسهم وزير الاستثمار يحى حامد يروى عن وحشية ولا انسانية تفوق الوصف،طفل برىء بكل ماتحمله الكلمة من معنى،يحكى لنا عن سبب تواجده هناك فى قلب تظاهرة واعتصام مؤيدى الدكتور مرسى بالقرب من ميدان رمسيس:إحنا ساكنين فى بولاق ابو العلا وانا كنت مع امى فى مستشفى الدمرداش لأن امى بتاخذ حقنة كيماوى،ولما تعبت بعد الحقنة وحجزوها قالت لى روح انت لاخواتك،ركبت الأتوبيس لكن السواق قال لنا موش هاكمل بعد غمرة عشان المظاهرات،نزلت فى غمرة ومشيت لقيتنى وسط المظاهرات قلتلهم وانا ماشى حرام عليكم خربتم البلد،لقيتهم اتلموا على وقعدوا يقولولى انت مع الشرطة ويتهمونى ان حد دافعلى فلوس قلت لهم أنا موش مع حد،كنت خايف قوى وحاسس إنى هاموت من كتر الضرب،وماكانوش راضيين يسيبونى مع ان فيه حد كان بيقول بس ياجماعة دا عيل صغير،وكان واحد معاه زى حبل مشتقة هايحطه على رقبتى لولا ان الناس حاشت عنى وكان واحد معاه 'فرد'فى جنبه ،ضربونى برجلهم وعلى وشى،ولما سابونى طلعت اجرى لقيت توكتوك معدى طلع واحد صاحبى من السبتية ركبت معاه ورجعنى عند مستشفى فاروق،ويؤكد والد احد ان احمد هو احد ابنائه الخمسة وانهم اسرة فقيرة وانه يعمل عامل نقاشة وتعانى الأم مرض السرطان و تؤكد والدته سميرة حسن عزام انها سمعت بضرب ابنها فى المستشفى من الدكاترة اللى كانوا بيقولوا عيل صغير يتعمل فيه كده،وتانى يوم شافت الفيديو وتضيف سميرة: عرفت اول ماعينى وقعت عليه إن ده ابنى ،من البنطلون والتى شيرت فطلبت خروجى من الرعاية وكنت فى حالة نفسية وحشة،وبعد ماروحت حمدت ربنا وكان ابنى بيهلوس وهو نايم سيبونى حرام عليكم وفضل يومين نايم،وتؤكد الأم التى صدمها الفيديو:لو شفتهم دلوقتى هاقطعهم على اللى عملوه فى ابنى،هو ابنى اذنب لما يقول لهم حرام عليكم خربتم البلد؟!. لقد طلبت أسرة احمد الفقيرة التى ينام أفرادها السبعة فى غرفة واحدة بالدور الارضى بمنطقة بولاق ان يكون المنشور ببوابة الأسبوع بلاغا للنائب العام ليسترد لها حق ابنها الذى ضرب بوحشية،وتساءل الأب..هل نجد من يقف معنا لينصف ابنى ويشفى غليلنا من هؤلاء الذين لايعرفون معنى الرحمة؟!
