تنظم جماهير الاسماعيلي "الالتراس"مسيره حاشده الاثنين المقبل في الرابعه عصرا لشهيد الالتراس عمر احمد محود مرسي والمطالبه باستعاده حقه من الجهات المسئوله عن استشهاده ووجهت الدعوه لكافه القوي الثوريه والاحزاب السياسيه ومواطني الاسماعيليه جاء ذلك خلال بيان رسمي لجماهير الالتراس الاسماعيلاوي قالوا فيها "عمر احمد محمد محمود مرسي ، اخونا و صاحبنا و قضيتنا الحالية و اللي مش هيشغلنا عنه حاجه . احنا بدانا رحلة استعادة حق عمر بمسيرة في القاهرة يوم الخميس ، و طالبنا بحقة في الجهة الرسمية و الشرعية بالنسبة لدولة المفروض بيحترم فيها القانون ! علي الرغم من اهدار حقة اللي القانون بيكفله له و لكل المصريين بالشكل اللي كل الناس شايفاه . و عليه احنا مكملين معاه للاخر لحد ما حقه و حق كل اللي زيه يرجع .. و بناء علي كدا قررنا عمل مسيرة يوم الاثنين 11/2/2013 هنا في اسماعيلية ، للمطالبة بحقة و للتأكيد علي ان اسماعيلية كلها وراه لحد ما حقة يرجع ، و لاننا عمرنا ما نسيب حقنا لان اللي حصل لعمر دا ممكن يحصل لاي حد فينا و يستحيل اننا نسكت عن دا . المسيرة هتبدأ من شارع ابراهيم سلامة ، التجمع ان شاء الله هيكون الساعه 4 عصرا عند كافيتيريا ابن البلد ، التحرك الساعة 5 ان شاء الله ، وخط السير يبدأ من ابراهيم سلامة ، مرورا بدوران رضا ، شارع البحري ، شارع المستشفي ، شارع السكة الحديد و تنتهي المسيرة عند ميدان الممر . الدعوة لكل الناس بلا استثناء ، مش هنقول التراس بس ولا هنقول لجبهات ولا نشطاء سياسين ، ولا قوي و حركات ثورية ، لا الدعوة لكل الناس ، و ببساطة اي حد فينا ممكن يكون مكان عمر . معادنا الاثنين ان شاء الله ، و مطالبنا واضحة .. حق عمر ! نبهنا قبل كدا و بنعيد تاني .. إحذروا غضب الالتراس