قال الرئيس عبد الفتاح السيسي إن احتياطي البنك المركزي أصبح 45 مليار دولار، مشيرا إلى أن هذا النجاح جاء بفضل السير في مسار الإصلاح الاقتصادي الذي تنفذه الدولة. وأضاف الرئيس السيسي - خلال جلسة (إسأل الرئيس) ، اليوم الأحد ، ضمن فعاليات مؤتمر الشباب الوطني السادس بجامعة القاهرة - أن الناس في وقت من الأوقات اعتبرت أن الدولار سلعة وبدأت تحتفظ به وتبيع ما لديها من أراضي وذهب وأشياء أخرى حتى تشتري الدولار، وهو ما فاقم من حدة الأزمة، ودفع الدولة إلى الإسراع في تنفيذ خطوات المسار الإصلاحي بهدف تجاوز هذه السلوكيات المضرة للاقتصاد الوطني. وتابع الرئيس: "كان لا بد أن نمشي في المسار بتبعاته.. مش رغبة مني اتعب الناس، مع الوضع في الاعتبار قولتكم في الأول أنا مش أقدر لوحدي.. قولتوا طيب.. هتتعبوا معايا قولتوا طيب.. وجايين في نص السكة تقولوا لا مش لاعبين". وقال: "زي ما أنا معاكم على العهد والوعد أنا بكلم كل المصريين أنتم كمان على العهد والوعد مش معايا مع بلدكم مصر مضيعوش اللي اتعمل.. صدقوني أنا لو كان الموضوع في شخصي دا أسهل حاجة تتعاملوا معاها.. أنا صادق إن شاء الله معاكم.. ومصر فيها 100 مليون مواطن فيه ولاد ماشيين في الشوارع وبنات وفيه ناس بتروح الجامعة والمدارس والمصانع والمزارع". وقال: "حتقولوا أنا خايف.. أيوة أنا خايف على بلدي وعلى أهلي.. وأخاف على مستقبلهم.. مخافشي؟.. لا أخاف.. وكمان أخاف على اللي اتعمل.. والمطلوب لا يستكمل لأننا لو خرجنا من عنق الزجاجة ده خلاص.. فإحنا في المطلع النهائي لو ربنا سبحانه وتعالى أراد لنا وفقنا وتجاوزنا للوصول منه خلاص تبتدي الأمور تستقر لدولة بكل معايير الدولة بمعالجة كل العوار الموجود في كل شيء".
