وجه الرئيس عبدالفتاح السيسي، كلامه لوزير الزراعة الدكتور عبدالمنعم البنا، قائلا: "اللى بيسمعك دلوقتى كل المصريين، لما اجى على القمح أقول يا مصريين إحنا بنطلع من 7 إلى 8 مليون طن، وبنستورد كمان 10 مليون طن، بإجمالى 18 مليون طن بنستهلكهم على مدار السنة، علشان الناس تبقى عارفة تعرف الحجم". وأضاف السيسي، "احنا بنعمل اللقاءات دى مش بس علشان أعرف ولكن الهدف إن إحنا نقول للمصريين إحنا فين، لما أقوله النهاردة بستورد 10 مليون طن ورغيف العيش بيتكلف كذا بإجمالى 300 - 400 مليون رغيف يعرف اذا كانت الحكومة بتاعت بلده واقفه جنب شعبها ولا لأ، وحريصة عليه ولا لأ، والهدف من هذا اللقاء هو بناء وعى حقيقى بحجم تحدياتنا وعاوز المواطن وهو قاعد فى بيته يعرف الحكاية ماشية ازاى وقلبه معايا زى ما أنا قلبى عليه".