اللواء منصور عيسوي وزير الداخلية زعلان من الصحافة لأنها لا تكف عن الكلام في مسألة الانفلات الأمني . وهو يري أن البلد لا فيه انفلات امني ولا دياولو، وان الحياة في مصر بعد الثورة لونها بمبي .. الناس آمنون علي عيالهم وحياتهم ومالهم ، والأمن مستتب وزي الفل، واللي يقول ان البلطجية ضربوه وسرقوا فلوسه ، أو خطفوا بنته واغتصبوها، أو سرقوا سيارته وباعوها في غزة .. اللي يقول كده يبقي كداب ومفتري . حقك علينا يا عم عيسوي وهات راسك أبوسها . كان نفسي أزورك في مكتبك واطيَّب خاطرك بنفسي .. بس خايف البلطجية يصطادوني في الحتة الضلمة اللي ورا الوزارة ويسرقوا الموبايل بتاعي .