سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
حققت في أحداث الفتنة وسألتهم : حنعمل إيه؟! ماما نعم الباز مع الناس في إمبابة
الأهالي: دول مأجورون والأحداث وقعت بعد الحگم علي العادلي
نار الفتنة لو اشتعلت ستحرق المسلم والمسيحي .. والإعدام هو الحل
ماما نعم الباز أثناء حوارها مع أهالى امبابة بلدنا تحترق الأمر لم يعد خبطة صحفية ولا خبر يزين الصفحة الأولي.. ولكن ناقوس الخطر يدق.. مصر تحترق ليس بنار الفتنة الطائفية ولكن بنار تشتعل في قلوب من فقدوا السلطة والسلطان والمال والجاه والسيطرة علي مقدرات أمة.. الأمر جعلني في سني وصحتي التي لم تعد تحتمل المشي ولكن عقلي والحمد لله مازال غير قابل للاحتراق مع مصر.. هل ينسحب اعجاب العالم بالثورة؟ هل نجح الفساد في القضاء علي الرغبة في التغيير؟ أمريكا بدأت تتعافي وتلقي بالتحيات.. مليار دولار من اسقاط الديون.. الغيرة تتساءل بذكائها المعهود لتكون طرفا في احداث امبابة.. هل نكون عراقا آخر.. سألت وهذه هي آراء ناس امبابة. ان الذي حدث ليست مسئولية الداخلية وحدها.. وليست مسئولية الجيش وحده.. انها مسئولية ال08 مليون مصير أطفال وشيوخ نساء ورجال.. سكان المقابر وسكان العشوائيات. سكان الزمالك وسكان المهندسين.. سكان القري والمدن.. نزلت مع الزميل خالد الباجوري احتمي بشبابه وكاميرته في مواجهة الناس.. نسلك الطرق في إمبابة.. السوق مليئة بكل شيء وكأن شيئا لم يكن.. الملابس كأن العيد علي الأبواب الفاكهة.. الحلوي. فكرت في الذهاب لعزاء أسرة مسيحية والحوار مع أسرة مسلمة.. وصلنا إلي سياج من العسكر واحد شرطة وواحد جيش.. سدت الطريق أمامنا إلي كنيسة العذراء.. عرفتني سيدة.، اصطدتها بسرعة. اسمك ايه ايمان السمان وتدفقت دون اسألها يا ماما نعم احنا هنا في امبابة ما عندناش قلق بالنسبة للشرطة ولا بالنسبة لأي حد اللي حصل حاجة غريبة لي أصدقاء مسيحيين وجيران من ثلاثين سنة ناكل مع بعض ونشرب مع بعض. وايه اللي حصل ده؟ ناس من بره والله.. والله فجأة جايين يضربوا نار وعاملين حرايق في الكنيسة الكنيسة »دي يا ما حضرنا فيها افراح وجنازات الكنيسة جزء من الحي. طب نعمل ايه لازم يتمسكوا ويتحكم عليهم.. دول ياخدوا اعدام.. لو ما اخدوا أقل من اعدام حيطلع غيرهم تاني. لا فيه عبير ولا غيرها عاطف ياسر شاب عمره عشرون سنة خريج معهد تعاون بالسيدة زينب تدفق بالكلام متطوعا. أنا من البصراوي.. اللي حصل فيها مصيبة حاسس انها مش بلدنا.. مش طبعنا. والحل ايه؟ حتروق بعد صلاة الجمعة.. لكن لازم حد يقنع الناس بتوع التجمهر اللي في ماسبيرو لازم يفكوا.. هما خايفين واحنا خايفين. نعمل ايه؟ لازم لنا دور يا عاطف. أهلهم بيعملوا حجج لا فيه عبير ولا حاجة لابد يكون فيه تحقيق مضبوط ويكون فيه ردع. والحل في رأيك. الإعدام اللي بيحرقوا مصر الشعب هو المسئول واشعر أن الناس تريد الفضفضة.. تريد الكلام واحمد عبدالباسط عامل في مطعم لتوصيل الطعام. أنا من زمان هنا.. أنا دبلوم تجارة وباكمل تعليمي عالي.. أنا فاهم كل ده لان الفساد مش طايق البلد تنضف. والعمل ايه يا أحمد؟ الشعب لازم يوعي ويفتح عينه.. الشرطة اتأخرت علينا والمطافيء جت بعد 4 ساعات كانت الدنيا ولعت.. اصل الشرطة عاوزة تقول انتم من غيرنا ما تسووش.. دول بتوع العادلي. والعمل ايه؟ لازم نرعي لروحنا وما نصدقش حد الفتنة دي جديدة علينا ونحاول اجتياز السياج المعمول من عساكر شرطة وجيش واحد شرطة وواحد جيش عقد متماسك للحماية ولكن رفض تماما لدخولنا إلي الكنيسة.. ويتسلل خالد الباجوري إلي أحد الضباط.. وبابتسامة هادئة قال لي الرائد أحمد عرفة بعد أن سألته عن رأيه قال وهو ينظر إلي طوق الحراسة والناس تحاول العبور لأماكن الخطر.. وممنوع كلمة واحدة. قصدك البهدلة دي؟ ايوه؟ أنا شايف انها مهزلة لان المصريين لا يعرفون الطائفية دي حاجة جديدة علينا طب ممكن توصل للكنيسة. لازم بإذن الجيش وقائد المنطقة عنده زيارة الفريق سامي عنان جاي. وضربت تعظيم سلام للشرطة في احترام الجيش والتعاون في الحماية. الإسلام يستوعب كل الأديان خالد خليل إبراهيم صاحب مصنع ملابس ومعرض ملابس عرائس »مسلمين« ونور »ملعلع« في آخر الشارع في شارع محمد حجازي متفرع شارع الوحدة. الحالة ايه يا خالد؟ أنا عندي 12 سنة.. شغلي وسكني.. اصحابنا مسيحيين جيرنا مسيحيين.. أولادنا مع بعض في المدارس وفي اللعب.. شركاء في العمل عمرنا ما شفنا الفتنة الطائفية. ايه رأيك نعمل ايه؟ دي ناس متأجرة.. لا سلفيين ولا حاجة السلفي مسلم والإسلام يستوعب كل الأديان. العمل ايه يا خالد البلد تحترق؟ كلنا أصحاب البلد. الناس تتحاسب.. عقاب سريع ورادع ما نطبطبش عليهم. فما رأيك مين علشان نقدر نحل المشكلة. سواء بلطجية.. مسلم مسيحي أو حرامية أو فلول الحزب الوطني. انه في أي حزب؟ عمري ما كنت في حزب. ليه؟ الأحزاب أيام الحزب الوطني مالهاش حس واللي يكلم لا يدبروا له قضية ويتسجن. نعمل ايه. الشارع يضبط.. الشرطة تيجي بسرعة وتمسك الناس دول ولما يتحاكموا حكم رادع إعدام... حيبطلوا ينزلوا.. هيخافوا. ايه الأنوار دي يا خالد؟ فرح.. امبارح بعد الحريقة بتاع الكنيسة اللي ورانا بيوم واحد.. مصر كدة تدي ظهرها للحريقة وتزين العروسة الحياة ماتقفش.. لكن لازم عقاب الناس دول التخريب شغال. اسمعي يا ماما احنا لازم نتحد ونقعد مع بعض رجال الدين الإسلامي والدين المسيحي.. يعملوا لجان من دول ودول ويعقدوا مع الناس ويفهموهم... الناس مش فاهمة حاجة في الأديان وممكن تضليلهم. كان زمان فيه جمهورية امبابة والشيخ جابر لكن قضي عليهم. يمكن بواقي الشيخ جابر. لا.. دول بلطجية وجماعة هجموا الساعة 21 بالليل بقنابل مولوتوف ودخلوا علي الكنيسة يكسروا ويحرقوا واحنا كلنا جرينا وحاولنا نطفي كنيسة العذراء والمطافيء جت متأخرة 4 ساعات مازال خالد خليل صاحب المصنع والمعرض بشارع حجازي متفرع من شارع الوحدة يحكي قاطعته: - طيب ماذا نفعل حنعمل ايه؟ - لابد من توعية الشباب.. لابد من حراسة الكنائس وفيه كلام الجرايد من يوم كنيسة القديسين وحكاية نجع حمادي وكلها تقصير حراسة. الزواج حرية ولا يحرق بلد حاتم سمير كامل دبلوم تجارة يعمل في كافيتريا »مسيحي« عمره عشرين عاما. - أنا شغال هنا.. طفولتي وشبابي.. علاقتي كلها تمام بالناس كلها.. عمري ما سألت ده مسلم ولا مسيحي. - طب نعمل ايه؟ - يلموا البلطجية بتوع الحزب الوطني اهم حاجة نلمهم وهما معروفين طبعا.. وبيقبضوا لغاية النهاردة كمان فيه تقصير.. احنا ضبطنا حادثة سرقة وجبنا المباحث وقلنا لهم عليهم والمباحث قالوا احنا مالنا!! - هل زواج مسيحية من مسلم أو مسلمة من مسيحي كارثة؟ - لأ الزواج حرية واختيار شخصي. - لو اخت احبت مسلم ماذا تفعل؟ - ما دام ده اختيارها ما نعملش مشاكل ونحرق بلد علشان واحدة عملت حريتها حتي لو غلط لكن لابد يكون داخل العائلة ولا يسبب كارثة. - ولو انت حبيت مسلمة ماذا تفعل؟ - اناقش الموضوع معاها ولو نفع ينفع.. لكن لابد من تفكير في المستقبل لان الدين أساسي.. لكن لا نتسبب في كارثة. - ما تصدقيش انها حكاية بنت مسيحية وواحد مسلم.. ده كلام فارغ هم بيخربوا مصر وخلاص. غرفة عمليات لحراسة دور العبادة مكرم منسال باتريوس عبدالملاك وقف يستمع ومتحفز لابداء رأيه تركته يتدفق: - أنا ساكن في شارع منصور زيادة انا مندوب مبيعات.. انا مباخافش واصحابي واهلي كلهم مسلمين ومسيحيين انا مولود هنا من 94 سنة. - نعمل ايه؟ - فيه تباطؤ في الضبط.. الكنيسة كان ممكن انقاذها.. والمسلمين راحوا يطفوا قبل المطافي. - نعمل ايه لانقاذ مصر؟ مصر بتاعتنا كلنا. - اطلب اعدام هذه المرة للمخرب مسلم ومسيحي انا طول الليل اصحابي المسلمين يتصلوا بي يسألوا عني لابد ناخد موقف. - والعمل ايه؟ - لابد من غرفة عمليات لحراسة دور العبادة.. ما انا سمعت ان السلفيين دخلوا مسجد بالقوة.. اطلب اعدام.. اعدام.. اعدام. أصحابي مسيحيين وباحبهم اقترب طفل وقال: عاوز اتكلم. - انا اسمي سعيد احمد حسني.. عمري 11 سنة. - مين اصحابك؟ - كتير.. يوسف وعلي ومينا.. صحابي مسلمين علي مسيحيين بنلعب مع بعض وبنحب بعض.. وزعلت علي الكنيسة اللي اتحرقت. - دخلت الكنيسة؟ - طبعا وفيها رسومات جميلة.. وحضرت فيها قداس فرح والقسيس طبطب علينا. - ايه رأيك في اللي حصل؟ - بيقولوا البلطجية حيضيعوا البلد.. ولازم يتعاقبوا. لابد من حراسة دور العبادة محمد عبده ميكانيكي سيارات.. دخل يتكلم معنا. - احنا طول عمرنا من شفنا الجحيم اللي حصل والناس اللي ماتت كأنها حرب لخراب مصر.. انا هنا من شارع الجمعية وطول عمرنا مع بعض لا مسلم ولا مسيحي يتكلم في دين التاني.. بنحضر المأتم في الكنيسة ونحضر الافراح. - ورأيك نعمل ايه؟ - لابد من حراسة لدور العبادة.. لكن لابد من عقاب شديد للمتسببين لابد من اعدام. المصيبة بعد حكم 21 سنة للعادلي جمال خليل يعمل في مصنع ملابس. - ايه رأيك نعمل ايه؟ - كل ده مبوظ حال البلد كل ما نستقر تطلع حاجة جديدة تحصل.. بالعقل كده.. مين اللي حصل لهم ضرر من ساعة ما حبيب العادلي اتحكم عليه بالسجن 21 سنة بدأت النار طبعا هما في السجن لكن رجالتهم بره والكبار جوه والموبايلات شغالة.. حبيب العادلي عنده صلاحيات جوه السجن.. لان السجان وحتي المأمور هو كان رئيسه ده بيقولوا المأمور بيعظمه كل يوم الصبح. امنعوا الموبايلات عن العادلي في السجن - دي شائعات؟ - لأ اللي بيحصل ده لابد له علاقة بالكبار لان لهم ناسهم بيقولوا احمد عز له ثلاث آلاف واحد لسه بياخدوا فلوس من المصانع بتاعته وشغالين بالموبايلات. - مش يمكن شائعات؟ - طب البلد عمالة تولع ليه؟ ونفس اسلوب كنيسة نجع حمادي وكنيسة القديسين في اسكندرية وكنيسة اطفيح يعني التفرقة بين المصريين هيه هيه.. - والحل؟ - خللي الحكومة والجيش اللي بيحرسنا دلوقت من بره يحرسنا من جوه سجن طره ويشدد علي المحجوزين ويمنع الموبايلات.