تبدأ محكمة جنايات امن الدولة »طورئ «أولي جلسات محاكمة المتهمين في قضية التجسس والتخابر والرشوة الدولية لمصلحة الموساد الإسرائيلي والمتهم الاول فيها مدرب ال »كونغ فو« طارق عبد الرازق عيسي حسن وضابطي الموساد الإسرائيليين ايدي موشيه وجوزيف ديمور. تحقيقات النيابة كشفت أن الجاسوس كانت تحركاته عديدة من وإلي الدول العربية والأوروبية. حيث سافر من بكين إلي القاهرة وعاد بنفس التاريخ 21 نوفمبر عام 9002 ومرة أخري وبتاريخ 41 نوفمبر سافر من الصين إلي أبوظبي ثم إلي دمشق وغادر دمشق إلي أبو ظبي عائداً للصين ومن بكين إلي مدينة مكاو بالصين ثم العودة لبكين.. الموساد طلب من الجاسوس تجنيد مهندس اتصالات ومسئولي خدمة العملاء في شركات موبينيل وفودافون واتصالات لمساعدتهم في التجسس علي كبار الشخصيات ورجال الاعمال. كشف الجاسوس أنه عقب لقائه بضابط الموساد ايدي موشيه في دولة مكاو طلب منه تجنيد عملاء مهندسين ومحامين من الشيعة عبر إنشاء موقع لكتروني لجذب راغبي العمل في أحدي شركات الاتصالات هناك واضاف أن الهدف من اختيار عملاء من الشيعة كان لاختراق حزب الله اللبناني بعد ان تفاقمت ازمته مع إسرائيل وازاح طارق النقاب عن جاسوس جديد يعمل مع الموساد منذ 02 عاما ويدعي سعد وأخبره أنه يعمل باحثاً في مركز الاهرامات للدراسات وحضر للتوسط لاقناع رئيس تحرير جريدة الديار اللبنانية باجراء حوارات ولقاءات مع الشركة التي اسسها الموساد للجاسوس طارق بتكلفة 005 الف جنيه. وكشفت التحقيقات والتحريات واعترافات المتهم بأن ضابط الموساد طلب منه التقرب للعاملين بالسفارة المصرية ببكين وحدثهم علي شراء أجهزة كمبيوتر جديدة باسعار مخفضة من شركته وذلك لانها مزودة ببرامج تسمح لهم بالتنصت علي كل ما يتداول عليها من معلومات وذلك اثناء قيام السفارة بتنفيذ خطة إحلال وتجديد تلك الاجهزة. باشر التحقيقات المستشار طاهر الخولي المحامي العام تحت إشراف المستشار هشام بدوي رئيس الاستئناف لنيابة أمن الدولة العليا. كان النائب العام المستشار الدكتور عبد المجيد محمود قد وافق علي احالة المتهمين إلي محكمة أمن الدولة »طواريء« وتحدد جلسة 51 يناير لمحاكمتهم. »التهم المنسوبة« س: ما قولك فيما هو منسوب إليك من اتهام بالتخابر لصالح دولة اجنبية بقصد الاضرار بالمصالح القومية للبلاد بأن أتفقت بالخارج مع ضابطي الموساد علي العمل معهما لصالح المخابرات الاسرائلية وامدادهما بالمعلومات عن بعض المصريين؟ ج: أيوة حصل. »تجنيد عملاء شيعة« س: قررت سلفا بأنك عقب لقائك: مع ضابط الموساد إيدي في دولة مكاو في شهر 3/0102 في تنفيذ ما كلفت به من إنشاء موقع الانترنت بطلب عاملين في مجال الاتصالات في مصر عدت بعدها إلي دولة الصين فما الذي فعلته عقب ذلك. ج: بعدما رجعت من دولة مكاو الي الصين في شهر 3/0102 فعدت في الصين أمارس حياتي الطبيعية وفي شهر 6/0102 لقيت الضابط إيدي بيكلمني وبيقول لي تعالي علي هونج كونج وفعلا رحت هونج كونج لقيته بيقول لي احنا عايزين نجند ناس من لبنان بس من الشيعة وراح مطلع خريطة للبنان وقعد يشاورلي علي اماكن وجود الشيعة بلبنان وقال لي أحنا هنزل إعلان علي الانترنت لشركة زي اللي عملناه مع الاتصالات في مصر وهنعمل موقع كبير جداً عايزين موظفين من الموارد البشرية من اللبنانيين ومعلومات عامة عن الشركة وهيبان من الناس اللي هتتقدم الديانة التي تعتنقها واحنا هنديك الباس ورد أو الموقع علشان لما تيجي لك الايميلات هنفرز الطلبات ونقدر نشوف مين اللي يصلح يشتغل معانا فقلت له أنا موافق وقال إحنا هننشيء الموقع وهي بقي أبعت لك الرقم السري بتاعه فقلت له خلاص أنا هستناك فبعث لي الرقم السري ولقيت الضابط ايدي بيقول لي انت هترجع تاني علي بكين بعد كده لغاية ما أبعت لك الموقع والباس ورد بتاعه وقعدنا نتكلم. س: هل إبلغك الضابط إيدي باسم الموقع وسلمك الرقم السري؟ ج: أيوه انا لما رجعت بكين لقيت الضابط إيدي باعت لي الأيميل علي الموقع وأنا مش فاكر اسمه وبعت لي الرقم السري للدخول علي الموقع علشان أشوف طلبات الباحثين عن عمل في لبنان. س: وهل قمت بإلاطلاع علي هذا الموقع علي شبكة المعلومات الدولية؟ ج: أيوة س: وهل تلقيت ثمة طلبات عبر الموقع المشار إليه للباحثين عن وظائف شاغرة في دولة لبنان؟ ج: أيوة أنا لقيت في طلبات كتير جداً مش من لبنان بس ومن دول عربية كثير جداً. س: وهل قمت بفرز تلك الطلبات لبيان مقدم الطلبات هل هم من معتنقي الفكرالشيعي من عدمه حسب توجيهات الضابط أيدي لك؟ ج: أنا فتحت الطلبات بس مش فاكرها. س: ألم يبلغك الضابط إيدي ماهي الغاية من تجنيد عناصر لبنانية من معتنقي الفكر الشيعي؟ »اختراق حزب الله اللبناني« ج: الضابط إيدي قال لي إحنا مهتمين جداً عايزين نشوف عناصر نقدر نجندها منتمية للفكر الشيعي علشان مشكلة إسرائيل مع حزب الله علشان هما عايزين يخترقوا حزب الله اللبناني. س: ألم يبلغك الضابط الإسرائيلي خلال لقائه معك بدولة تايلاند بالاتصال برئيس تحرير جريدة الديار اللبنانية المدعو شارل أيوب والمرتبط بعلاقة مع حزب الله اللبناني وايران مدعياً من أنك تعمل بإحدي الشركات العاملة في مجال الإعلان لتوثيق الأحداث في الشرق الاوسط وترغب في إجراء لقاء أو اتصال تليفوني معه حيث قمت بالاتصال بسكرتارية الجريدة وتترك عنوان بريدك الالكتروني الذي أنشأه لك ضابط الموساد إيدي في هذا الغرض كما كلفك باستخراج أوراق تلك الشركة واستئجار مكان لها بالصين وسلمك مبلغ 5 آلاف دولار تكاليف تلك المهمة؟ ج: أيوه الضابط إيدي كلفني أن أكلم شارل ايوب أما بخصوص الضابط إيدي قال لي أنشيء شركة إعلانية في الصين الكلام ده مش مضبوط. س: وما هو قولك فيما ورد بأقوالك ان ضابط الموساد الإسرائيلي إيدي موشيه طلب البحث عن بيانات بعض اللبنانيين الشيعة العاملين في مجال المحاماة أو المهندسين في مجال الاتصالات والحصول علي بياناتهم كاملة؟ ج: ايوه حصل. س: ما قولك من أنك التقيت بضابط الموساد إيدي موشيه القائم بتشغيلك بتاريخ 12/6/0102 بمدينة مكاو بالصين حيث طلب منك تجميد نشاطك الاستخباراتي للفترة الحالية لحين صدور تعليمات أخري لك مما أصابك بالخوف والفزع تواكبت عقب الإعلان بتاريخ 62/6 عن القبض علي عناصر يتجسسون لصالح المخابرات في لبنان مما دفعك للتقدم ببلاغ للسفارة المصرية في بكين في محاولة منك لتأمين نفسك. ج: الكلام ده مش مظبوط علشان أنا رجعت السفارة المصرية في بكين علشان أتقدم بالبلاغ في 12/6/0102 قبل الإعلان عن شبكة التجسس في لبنان - اللي حصل علي ما أتذكر بالضبط لقيت الضابط ايدي تقريباً في شهر 4/8002 بيكلمني وبيقول لي تعالي علي بانكوك وبالفعل أنا سافرت علي بانكوك وأنا كنت نسيت أقول ان أول مرة سافرت علي بانكوك مع الضابط إيدي انا كنت جددت التأشيرة بتاعتي من ثلاثة شهور الي خمسة شهور وده إجراء للناس اللي بتحب ترجع تاني بانكوك وبالفعل أنا سافرت بانكوك في بداية شهر 4/8002 بناء علي تكليف من الضابط إيدي موشيه لي وكان هو باعت لي علي الأميل بتاعي قال لي انزل في فندق في شارع سيلوم في بانكوك وهو فندق 4 نجوم وانا أول ما نزلت في الفندق اللي الضابط إيدي قالي عليه وأول يوم نزلت مكلمنيش وتاني يوم الضابط أيدي كلمني وقال لي أنت كمان ساعة تاخذ تاكسي وتيجي علي فندق في شارع سو 7 وتخش تشرب حاجة وأنا ها اكلمك وبالفعل رحت علي الفندق اللي هو قالي عليه ودخلت المطعم وقعدت مستني وبعدها بفترة كلمني وقال خد تاكسي وتعالي علي فندق في شارع سو 22 في بانكوك وبالفعل وصلت لهذا الفندق وقابلت الضابط إيدي ورحنا قعدنا في ستار باك وبدأ يسألني عن أحوالي بشكل عام والشركة اللي أنا اسستها وفي اليوم ده قالي أحنا عايزينك في جريدة اسمها الديار اللبنانية ورئيس التحرير بتاعها اسمه شارل ايوب رئيس تحرير جريدة الديار اللبنانية وحكي لي عن شارل أيوب وقال ان هو علي علاقة وثيقة بإيران وحزب الله اللبناني والقيادة السياسية بسوريا وأن شارل أيوب بيتلقي دعم مالي من إيران ومن القيادة السياسية بسوريا وقال لي أن شارل ايوب ما بيسافرش غير مكانين سوريا وإيران وقالي إن ربما يكون شارل أيوب حلقة الوصل بين القيادة في إيران والقيادة في سوريا وقال كمان حزب الله في لبنان وانهما محتاجين علشان يقدروا يأخدوا من شارل أيوب أي معلومات عن إيران أو حزب الله وقال كمان الضابط إيدي ان هما حاولوا مع شارل أيوب من خلال أنهما عملوا موقع علي الانترنت وبعتوا له علي البريد الإلكتروني بتاعه أيميلات كثيرة علشان عيازين يستضيفوه في برنامج بكين شارل ايوب ومردوش علي الإيميلات بتاعتهم والضابط إيدي ضابط الموساد الإسرائيلي طلب مني أن أكلم شارل أيوب في التليفون وأقول له إن إحنا بعتنالك مرات عديدة علي الأميل بتاعك ومبتردش وأن أحنا شركة بتشتغل في مجال الإعلام والإنتاج وإن احنا عايزين نقابله بحديث تليفزيوني وهيبقي المقابل المادي كبير وأن احنا كمان هنستضيفه في فندق 5 نجوم وهنتحمل مصاريف الاقامة واقترح عليه ثلاثة بلاد نقدر نسجل معاه الحديث التليفزيوني ده أما بالفلبين أو في كوريا أو في هونج كونج وبالفعل اخذت تليفون شارل ايوب من الضابط إيدي وهو اخذ تليفون مكتبه في لبنان وأنا كلمته علي التليفون رد علي سكرتير شارل أيوب وأنا قلت له إن أحنا شركة إعلانات وعايزين نعمل لقاء مع الاستاذ شارل أيوب وأن الشركة عندنا بعتت لكم أكثر من إيميل ومردتوش وسكرتير الأستاذ شارل أيوب قال لي أبعت كل التفاصيل دي علي إيميل عن الشركة بتاعتكم ومكانها وتاريخ انشائها وأنا هاعرضها علي الأستاذ شارل أيوب وكلمني بكره وأنا هاقول لك الرد والكلام ده كله حصل وكان الضابط إيدي قاعد معايا وانتهت المكالمة علي كده والضابط إيدي قال لي سيبني وأنا ها أبعت له علي الأميل وهنستني الرد بتاعه وانتهي اللقاء بيني وبين إيدي علي كده وتاني يوم اتقابلنا أنا والضابط ايدي في فندق في شارع سو 7 في بانكوك وعلي باب الفندق الضابط إيدي قال لي أنت هتدخل تقعد في مكان في الرسيبشن وأنا هقعد في مكان بعيد عنك وهتلاقي واحد عربي حاول تتعرف عليه أقعد علي الترابيزة اللي جنبه وبالفعل دخلت قعدت علي الترابيزة اللي جنبه ومعرفتش أعمل حوار معاه لحد ما الضابط إيدي جه وسلم عليه وبعدها بدأ الراجل العربي ده يقولي تعالي أقعد معانا وقالي أنت خايف ليه أول ما تدخل علي واحد عربي قاعد في مكان قول له سلام عليكم رد أو مردش مش مهم حاول الموضوع بسيط وبعد كده الضابط إيدي نبه أنه شخصيته الدكتور المصري الجاسوس الثاني مهمة جداً عندهم وأنه شغال معاهم بقي له اكثر من 02 سنة والدكتور المصري ده قعد يعرفني بنفسه وحكي لي عن نفسه وعن العمليات اللي قام بها بأوروبا ولاحظت احترام إيدي الشديد له ويبدو أن الراجل المصري ده علي علاقة وثيقة بالمسئولين الكبار بجهاز الموساد الإسرائيلي وقالي ان هو بيفكر يستعين بي للدخول وسط جماعات إسلامية وأنا رفضت لان الموضوع له علاقة بالدين وأنا أرفض العمل مع الجماعات الإسلامية وانتهي اللقاء علي اساس أن احنا هنتقابل بالليل علشان اتصل بجريدة الديار اللبنانية وأعرف رد شارل أيوب علي الأميل وهل يوافق علي الاشتراك في تصوير لقاءات بالخارج ولالأ وبالليل اتقابلنا وفي حوالي الساعة 03.7 كلمت جريدة الديار ورد علي مازن سكرتير رئيس التحرير فقلت له أنا كلمتك أمبارح وبعت لك إميل علشان كنا عايزين نعمل لقاء مع شارل أيوب رئيس التحرير وها أحول لك التليفون عليه تكلمه بالفعل حول التليفون علي نائب رئيس التحرير وأنا مش متذكر اسمه ولقيته بيقولي أيه اللقاءات اللي عايزين تعملوها مع الاستاذ شارل ايوب والموضوعات التي هتطروحها عليه قلت أنا معايا وأحد زميلي متخصص يفهم أكثر مني. وهيكلمك ورحت مدي له الراجل المصري اللي اسمه الدكتور وأنا معرفش إلا الاسم ده وكان إيدي قاعد وحاضر الحوار كله ولقيت الدكتور بيقوله أن أسمه سعد بس مش فاكر سعد إيه من مركز الدراسات بالاهرام وأن هو عايز يكلم الأستاذ شارل ايوب ويشوف أيه المشكلة في أن هو يعمل معاهم لقاءات وأن هما استضافوا شخصيات كثيرة ويهمهم استضافة الأستاذ شارل لأنه شخصية مؤثرة في لبنان وأتفقوا ان الاتصال بينهم فيما بعد عن طريق التليفونات الأميل وأنه هينتظر تليفون من الأستاذ شارل علشان يتكلم معاه مباشر ويشرح له كل التفاصيل وانتهت المكالمة علي كده وبعد كده لقيت الضابط إيدي والدكتور المصري ده بدأوا يتكلمو إنجليزي مع بعض والحوار اللي دار بينهم ان الدكتور المصري ده هيسافر لبنان ويعمل حوار مع رئيس التحرير شارل ايوب ولقيت الضابط أيدي بيقولي أنت امشي دلوقتي وهنتقابل بكرة الساعة 01 في ستار باك وبالفعل أنا سبتهم ومشيت ورحت للضابط إيدي في ستار باك ولقيته بيقولي أحنا عملنا لك أميل علي الانترنت علشان هتتلقي عليه بيانات ناس بتشتغل في التجارة والناس اللي بدور علي فرص عمل في سوريا في مجال التجارة في ثلاثة تخصصات زيت الزيتون والحلويات الشامية وسوق العقارات بجانب الموظفين اللي بيبحثوا عن فرص عمل بالخارج. أكدت التحريات السرية انه تم تكليف الدكتور المتهم من الطرف الآخر (الموساد« بالبحث عن بيانات بعض اللبنانيين الشيعة العاملين في مجال المحاماة أو مهندسين في مجال الاتصالات كما طلب منه محاولة الحصول علي بيانات تجار السلاح في مصر. اتصالات وإيميلات س: جاء بأقوالك السابقة عند انتهاء مأموريتك بسوريا تم اللقاء بالضابط إيدي بمقاطعة هونج كونج وأبلغته بمضمون تلك السفرية ثم عدت إلي دولة الصين فما الذي حدث عقب ذلك؟ ج: أنا رجعت من هونج كونج إلي الصين واعتقد ان الكلام ده كان في بداية شهر مارس 0102 وقعدت في بكين أمارس حياتي الطبيعية وكان فيه اتصالات وإيميلات بيني وبين إيدي موشيه ولم يكن هناك تكليفات إلا في أواخر شهر 3/0102 كلمني الضابط إيدي وقال لي تعالي علي مكاو وتاني يوم سافرت من بكين إلي مكاو ونزلت في نفس الأوتيل بس مش فاكر اسمه وكلمت الضابط إيدي موشيه ورحت قابلته في أوتيل تاني ولقيته بيقول لي أنا عايزك تدور علي حد يقدر يشتغل معانا من مصر في شركات التليفون المحمول فودافون أو اتصالات أو موبينيل . والموضوع ده مهم جداً علشان عايزين حد بيشتغل في المجال ده سواء مهندساً أو في خدمة العملاء في الشركات الثلاث دول لان إحنا مهتمين بقطاع الاتصالات في مصر في أي واحدة من الشركات دول وأنا قلت له أنا ما أعرفش حد في مصر بيعمل في مجال الاتصالات في مصر فقال لي إيدي موشيه سيبني أنا هقول لك بكره أنا هعمل أيه لما نتقابل وفعلاً تاني يوم قابلت الضابط إيدي موشيه وكان معاه واحد اسمه جيفري وده اللي سبق قابلته لما كنت في سوريا وقعد يسألني عن الإجراءات الامنية في سوريا ويكتب هذا الكلام ولقيت الضابط جيفري بيكلمني بالعربي والضابط إيدي موشيه كان بيترجم وقال لي الضابط إيدي أنا هعمل ايميل علي الأنترنت وهنكتب في الموقع أن أحنا محتاجين مهندسين ومختصين يعملون في مجال الاتصالات أو التليفونات المحمولة وده موقع بيطلب عاملين للعمل جوه مصر وهعطيك الرقم السري بتاعه علشان تشوف الطلبات التي ستقدم من مصر وتفرز الناس اللي تقدمت وتشوف اللي يصلح تشتغل معاه وبعد كده هنقول لك تعمل إيه معاه وكل شوية تبقي تدخل علي الايميل وتشوف الطلبات اللي تقدمت من الشركات الثلاث وقال لي الضابط إيد أن الموضوع ده مهم جداً جداً وعايزك تهتم بالموضوع ده وتركز في الناس اللي متقدمة ويكون سبق لهم العمل في أي من الشركات الثلاث ويكون سبق لهم العمل في خدمة العملاء أوالمهندسين الفنيين وتتابع علي طول الموقع ده وقال لي أكتب أنت الإعلان بنفسك وأنا قلت له أنا هبقي أنزل الإعلان علي الأنترنت وعملت إيميل والضابط إيدي والضابط جيفري أخذ الرقم السري علشان نتعامل مع بعض وبالفعل. وأحنا قاعدين أنا وإيدي وجيفري عملنا إعلان علي الانترنت باسم شركة هوشتك ومقرها هونج كونج وتعمل في الاتصالات والتكنولوجيا وكتبت يسرنا الأنضمام إلينا ولقيت إيدي بيقول لي أنت ترجع بكي نوكل شوية تفتح الإيميل وتشوف الناس اللي قدمت طلبات علشان نقدر نفرز حد منهم يقدر يشتغل منهم معانا في مجال الاتصالات وأداني 008 دولار مرتب الشهر وتذاكر الطيران من مكاو إلي بكين وقال لي ترجع بكين وتبقي تفتح الإيميل وتشوف الطلبات اللي يصلح يشتغل معانا ورجعت بكين وكل شوية كنت افتح الإيميل علشان اشوف الباحثين عن عمل علشان افرزهم. س: هل أبلغك الضابط إيدي وجيفري عن سبب اهتمامهما بتجنيد عنصر من العاملين في مجال الاتصالات في مصر؟ ج: أيو طبعاً لأن الموساد مهتم جداً بتجنيد عناصر في مجال الاتصالات علشان بحكم تعاملي مع ضابط الموساد والضباط ايدي كان فيه تحذيرات في استخدام التليفون المحمول بمعني أن أنا في استخدامي للتليفون المحمول وأنا بكلم إيدي علي المحمول يبقي بيني وبينه فقط وأنا من خبراتي معهم علي مدار الفترة اللي فاتت أن أي تليفون خاصة الحديثة من السهل جداً أن أنا أراقبها وأعرف صاحب التليفون مكانة فين ولذلك التكنولوجيا الحديثة خاصة في مجال الاتصالات متقدمة جداً وعلشان كده جهاز الموساد عايز يجند عناصر من مصر في مجال الاتصالات لأنه من خلالها يقدر يعرف ارقام مسئولين كبار في الدولة ورجال العمال ومسئولين في قطاعات مهمة في الدولة يقدروا يعرفوا أرقام تليفوناتهم خاصة ان التيفونات الحديثة فيها خدمة الانترنت لانه يقدر من خلال الاجهزة الحديثة يخترق شبكة الانترنت لوتوصل الي رقم هاتفه ويقدر من خلالها يعرف مكانه والاتصالات اللي بيقوم بيها والاشخاص اللي يعرفهم ويقدر يتصنت علي التليفون علشان كده كانوا مهتمين جداً أنهم يجندوا أي عنصر من الشركات الثلاث بتاعت الاتصالات. س: وماذا كان رد فعلك حيال ذلك التكليف الصادر لك بمحاولة تجنيد عناصر مصريين من العاملين في مجال الاتصالات في مصر؟ ج: انا قلت للضابط إيدي خلاص نعمل الموقع وبالفعل انا وإيدي وجيفري أنشأنا موقع الانترنت للباحثين عن عمل في مجال الاتصالات وأختارنا اسم شركة وهمي هو هوشتك. س: من الذي انشأ هذا الموقع؟ ج: أنا والضابط إيدي وجيفري. س: ما هي البيانات التي حررتوها علي الموقع؟ ج: أحنا كتبنا علي الموقع أن أحنا شركة هوشتك تعمل في مجال الاتصالات في هونج كونج ونرحب بالانضمام الينا للعمل معنا. س: وماهي الغاية من انشاء ذلك الموقع علي شبكة المعلومات الدولية؟ ج: طبعا الهدف زي ما قلت إن أحنا بنبحث عن مهندسين وموظفين في خدمة العملاء بيعملوا في شركات المحمول الثلاث في مصر لمحاولة تجنيد أي مصري يعمل كمهندس أو في خدمة العملاء. س: متي تم انشاء هذا الموقع؟ ج: في أواخر شهر 3/0102. س: هل تلقيت طلبات للعمل بتلك الشركة؟ ج: أيوه. س: وكم عدد الرسائل الالكترونية التي تلقيتها من خلال هذا الموقع؟ ج: علي ما أتذكر حوالي سبعة طلبات أو عشرة وعلي ما أتذكر أني تلقيت من مصر حوالي أربع طلبات مهندسين وعاملين في مجال الكمبيوتر. س: هل تتذكر أسماء مقدمي تلك الطلبات؟ ج: لا. س: هل أبلغت المدعو إيدي موشيه بتلك الرسائل التي تلقيتها؟ ج: أيوه علي البريد الالكتروني بتاعي. س: وماذا كان رد فعل الضابط إيدي ضابط الموساد؟ ج: قال أنا مش عجباني الطلبات اللي جت لأن مش دي اللي إحنا عايزينها وطلب مني البحث في طلبات أخري أوضح. س: وهل استجبت لطلب المدعو إيدي ضابط الموساد لتغيير البيانات الواردة علي الموقع الالكتروني؟ ج: لا. س: وماهي العلة؟ ج: علشان أنا معرفش كنت رافض ومكنتش مرتاح لتجنيد عناصر من مصر علشان كده مكنتش مهتم. س: وهل قام المدعو إيدي ضابط الموساد بتغيير تلك البيانات علي الموقع؟ ج: أيوه لقيت الضابط إيدي كتب بيانات جديدة علي الموقع - كتب رغب في مهندسين وموظفين اتصالات في خدمة العملاء للانضمام الي شركة هوشتك. س: وهل تقاضيت ثمة مبالغ مالية في هذا الامر؟ ج: لا ملحوظة حيث رأينا الاكتفاء بذلك القدر من استجواب المتهم الان. تحت الملحوظة. س: هل لديك اقوال اخري الآن؟ ج: ولا تمت اقواله وتوقع منه. وأقفل المحضر عقب إثبات ما تقدم وقررنا ألاتي يعاد المتهم طارق عبد الرازق، عيسي الي محبسه ويطلب لجلسة الاربعاء الموافق 02/01/0102 لاستكمال استجوابه. وما قولك من ان الضابط ايدي كلفك بوضع إعلانات جاذبة لتشغيل العمالة في الخارج علي مجموعة كبيرة من المواقع والمنتديات تشمل عدة دول عربية وإيران في مختلف التخصصات وكلفك بفرز تلك المواقع عن المهندسين يعملون في مجال الاتصالات وهي إدارة الدعم الفني لشركات المحمول في كل من مصر ولبنان وسوريا حيث قام المختصون في جهاز الموساد بانشاء موقع لهم لاستقبال بيانات راغبي العمل في هذا المجال. ج: أيوه حصل. س: وما قولك بأن الضابط ايدي موشيه كلفك باستخدام عناوين بريد الكتروني التي انشأها لك عبر شبكة المعلومات الدولية لاستقبال بيانات راغبي العمل في الخارج للمصريين الراغبين في العمل بجميع المجالات وكذا المهندسين العاملين بالدعم الفني لشركات الاتصالات والمحمول المصرية تضمنت البيانات الاساسية وعناوين البريد الالكتروني وأرقام الهواتف والمؤهلات الدراسية وصور شخصية وكلفك بفرزهم وارسالهم وتحديد أنسبهم للاتصال بهم واستكمال اجراءات تجنيدهم لصالح جهاز الموساد الإسرائيلي. ج: أيوة حصل. أكدت التحريات السرية من ان الطرف الآخر »الموساد« وجه »المتهم« للاقتراب من العاملين بالسفارة المصرية ببكين بغرض دفعهم لشراء أجهزة كمبيوتر جديدة وبأسعار مخفضة حيث سيقوم القائم بالتشغيل (الضابط إيدي) بامداده بأجهزة مزودة ببرامج تسمح لهم بالتنصت علي كل ما يتداول عليها من معلومات وذلك أثناء خطة الإحلال والتجديد لاجهزة الكمبيوتر بالسفارة المصرية. اتضح سفر المتهم طارق عبد الرازق للعديد من الدول بناء علي تكليف من القائم بالتشكيل لتلبية احتياجات مطلوبة منه أو لأغراض التدريب كما يلي: 1 - سافر من القاهرة بتاريخ 52/1/7002 متوجها لتايلاند 2- وصل الي القاهرة قادماً من دبي بتاريخ 32/3/8002 وغادرها متجهاً لتايلاند بتاريخ 31/4/8002 4 - سافر من القاهرة بتاريخ 1/7/8002 متوجها الي تايلاند 5 - سافر من بكين متوجها لتايلاند بتاريخ 1/9/8002 ثم سافر من بانكوك بتاريخ 5/01/8002 إلي الدوحة علي الخطوط الجوية القطرية ثم سافر إلي دمشق وعاد بتاريخ 01/01/8002 من دمشق إلي الدوحة ثم غادرها الي بانكوك. 6 - سافر من بكين بتاريخ 91/21/8002 إلي تايلاند وعاد بتاريخ 7/1/9002 من تايلاند الي بكين. 7 - سافر من بكين بتاريخ 2/2/9002 إلي تايلاند وسافر منها بتاريخ 41/2/9002 للقاهرة وسافر منها إلي دمشق بنفس التاريخ وعاد من دمشق الي القاهرة بتايخ 81/2/9002 ثم عاد من القاهرة بتاريخ 62/2/9002 إلي تايلاند. 8 - وصل من تايلاند بتاريخ 8/8/9002 قادما الي القاهرة ثم غادرها بتاريخ 31/8/9002 إلي دمشق وعاد من دمشق الي القاهرة بتاريخ 61/8/9002 وسافر منها إلي تايلاند 81/8/9002. 9 - بتاريخ 51/01/9002 سافر من الصين الي هونج كونج ثم إلي مدينة كاتمندا تريبهوفان. 01 - بتاريخ 21/11/9002 سافر من بكين الي القاهرة وعاد بنفس التاريخ إلي الصين مرة أخري وبتاريخ 41/11/9002 سافر من الصين إلي أبوظبي ثم إلي دمشق 51/11/9002 وغادر دمشق بتاريخ 81/11/9002 إلي أبوظبي عائدا للصين بتاريخ 91/11/902. 11 - بتاريخ 91/1/0102 وصل من دمشق للقاهرة 42/1/0102 وغادرها لبكين الصين. 21 - بتاريخ 01/4/0102 غادر من بكين متوجها إلي ابوظبي ثم إلي دمشق وعاد بتاريخ 41/4/0102 من دمشق الي أبوظبي ثم الي بكين. 31 - بتاريخ 12/6/0102 سافر من بكين الي مدينة مكاو بالصين ثم العودة لبكين. 41 - كان سيغادر البلاد مساء يوم الأحد الموافق 1/8/0102 متوجها الي الصين عبر مطار القاهرة الدولي لاستكمال نشاطه التخابري مع القائم بالتشغيل من المخابرات الإسرائيلية.
