الرجل هو الرجل.. طفس وعينه زايغة حتي لو كان أوباما رئيس أمريكا، والست هي الست .. نكدية والغيرة في دمها حتي لو كانت ميشيل زوجة الرئيس الأمريكي. أثناء الاحتفال بتأبين نيلسون مانديلا نسي أوباما أن زوجته تجلس بجواره وتفرغ لمعاكسة رئيسة وزراء الدانمارك وتصويرها بهاتفه المحمول.. وبصراحة أوباما عنده حق، فالست زي القمر حتة بسبوسة متغمسة في عسل أبيض، نسّت أوباما نفسه وكانت ضحكته مجلجلة رغم أنه موجود في عزاء.. أما زوجته ميشيل ففضلت تبص عليه من تحت لتحت، وأول ما حست أن جوزها هيطير من إيدها شدته مكانها وقعدت جنب لهطة القشطة الدانماركي، ونكدت عليه وعلي اللي جابوه.. ليلتك سودة يا أوباما!.