عبد اللطيف المناوي: السيدات والسادة مساء الخير بعث الرئيس مبارك اليوم اشارة البدء للعمل في انشاء محطة للطاقة النووية في مصر ومعلنا دخول مصر عصر انتاج الكهرباء والطاقة بالطاقة النووية وتنفيذ البرنامج الاستراتيجي لتامين امدادات الطاقة والاستخدامات السلمية في مصر ..السيات والسادة مصر بدات التفكير في الاستخدامات السلمية للطاقة النووية منذ اوائل الستينات وبدأت برنامجها النووي منذ أوائل الثمانينات ولكن توقف المشروع عام 86 بعد حادثة تشيرنوبل وعاد الحلم مرة اخرى عندما أعلنت مصر عام 2007 استئناف برنامجها النووي لاجراء انشاء اول محطة نووية لتوليد الكهرباء اليوم اعطى الرئيس اشارة البدء للعمل في المحطة النووية والسؤال ما هي الخطوات القادمة وما هي اشتراطات الامان بالنسبة للمحطة وهل ستتدخل وكالة الطاقة الدولية النووية في عملها وكيف سيتم اختيار وتدريب الكوادر المصرية التي ستعمل في هذا الموقع وما الذي سيقدمه المفاعل النووي بعد تشغيله عام 2019 في مجال الطاقة الكهربائية؟ السيدات والسادة نفتح لكم اليوم ملفا خاصا حول مستقبل الطاقة في مصر حول اول محطة نووية في مصر مع الدكتور حسن يونس وزير الكهرباء والطاقة اهلا بيك يافندم .. وصفت الاجتماع الذي حدث اليوم بانه اجتماع مهم جدا مع الرئيس وبدا عليك قدر من الارتياح هل لك ان تصف لي لماذا هذا الارتياح؟ ماهي اهمية هذا الاجتماع؟ د/حسن يونس وزير الكهرباء: اهمية هذا الاجتماع سيادتكم عارف انه عشان تنشئ محطة لابد ان يكون هناك موقع تنشئ عليه فالنهاردة الرئيس مبارك اعطى اشارة البدء في تنفيذ اول محطة نووية في موقع الضبعة اعتقد دي خطوة مهمة جدا جدا عشان هذا البرنامج يتحرك بخطوات اسرع وبالتالي الاهمية تيجي من هنا موقع درس قبل كده فالرئيس مبارك حسم الكلام دا واعطى اشارة البدء لتنفيذ اول محطة نووية في موقع الضبعة عبد اللطيف المناوي: احنا من سنة 2007 بنتكلم عن انشاء محطة للطاقة النووية ليه اتاخرنا الوقت دا ؟ليه احتجنا 3 سنين لاتخاذ القرار؟ د/حسن يونس وزير الكهرباء: من 2007 لغاية النهاردة عملنا حاجات كتيرة جدا جدا ودي كانت مهمة جدا لاقامة المحطات النووية اول حاجة لازم تشوف البنية الاساسية عندك في مصر قادرة على انها تتعامل مع المحطات النووية ولا لا نمرة اتنين لازم تعطي دراسة جدوى وتتأكد ان اقامة المحطات النووية في مصر ذات عائد اقتصادي بالنسبة لمصر ثالثا الحاجات الموجودة عندنا سواء كانت مؤسسات علمية او جامعات هل تقدر تخدم على هذا المشروع في المستقبل ولا ل؟ يعني عديد من الدراسات تم عملها التخطيط للقدرات اللي هتضاف للمحطات النووية الشبكة والتعامل مع هذه المشروعات النووية شكلها ايه دي دراسات متخصصة وتم اجراءها وعلى مستوى عالي ومع التعامل مع الوكالة النووية للطاقة الذرية وانتتهت هذه المجموعة من الدراسات الى اختيار الموقع عبد اللطيف المناوي: هناك دراسات حول البنية الاساسية المصرية هل هي قادرة على التعامل مع المحطات النووية ام لا ماذا قالت الدراسات؟ واين هي النقاط التي تحتاج الى البنية الاساسية المصرية لاستيعاب هذه المحطات؟ د/حسن يونس وزير الكهرباء: لو بنتكلم عن البنية الاساسية المصرية انت عندك بشر وعندك مؤسسات والمؤسسات عندك في قطاع الكهراباء 3 هيئات هيئة الوكالة الذرية وهيئة المحطات النووية هذه الهيئات بما فيها من خبرات بالاضافة الى الرصيد من الجامعات اللي موجودة عندنا النهاردة وعندنا في اسكندرية قسم مخصوص للهندسة النووية يقدر يخدم على هذا المشروع والقسم دا للاسف كانت الاعداد اللي بتروح له كانت بتتناقص لانه مكانش فيه عندنا برنامج لاقامة محطات نووية بمجرد اننا بدانا نتكلم عن برنامج لاقامة المحطات النووية رجع تاني هذا القسم بيجذب اعداد من الناس وهناك اجتماع الاسبوع القادم مع السيدة الاستاذة رئيسة جامعة الاسكندرية ومع رئيسة قسم الهندسة النووية ان احنا نعمل علاقة تعاون في الفترة القادمة بحيث ان الطلبة دول لما يتخرجوا ازاي يلاقوا مكان في المشروعات النووية اللي عندنا عبد اللطيف المناوي: تاريخيا كان عندنا اسماء في مجال الطاقة النووية هل يمكن القول ان مصر تمتلك من الكوادر البشرية ما يكفي لانطلاق برنامجها النووي مرة اخرى بشكل مستقر ومطمأن في المستقبل؟ د/حسن يونس وزير الكهرباء: لا استطيع الاجابة بان ما لدينا النهاردة كافي للانطلاق ولكن اللي عندنا يكفي للبدء واحنا عاملين 40 برنامج تدريبي في مجالات مختلفة في مجالات المحطات النووية وفي مجال الامان النووي وتحت المحطات النووية فيه عدد من التخصصات وتحت الامان النووي عدد من التخصصات بحيث انه الشباب الجديد بنديله الفرشة الاساسية او المعلومات الاساسية فيما يخص المحطات النووية بعدين نبدأ ندربهم في الخارج وبعدين اجراء تعاقدات مع عدد من الدول ومجموعة منهم حتى مسافرة في دولة من الدول النهاردة يصل عددهم الى 42 في هذه الدولة ، دول مثل روسيا والولاياتات المتحدة وفرنسا وكوريا والصين برامج تدريبية لانه بنتكلم عن برنامج لاقامة عدد من المحطات النووية مش محطة واحدة وبالتالي لابد ان انا اجهز شبابنا على مستوى علمي معين وعلى مستوى فني معين لهذه الدول اللي عندها هذه التكنولوجيا وقلنا للسيد وزير المالية انه دعم واعداد الكوادر وتدريبهم وكان رد وزير المالية اننا جاهزين لاي شئ لدعم البرامج لاعداد الكوادر البشرية في المحطات عبد اللطيف المناوي: ذكرت انه هيكون فيه اكبر من محطة نووية هل فيه ملامح اكبر للمشروع؟ د/حسن يونس وزير الكهرباء: المدى لغاية 2025 هيكون 4 محطات ولكن لازم يبقى عندك برنامج ولو تفتكر الرئيس في عام 2007 قال انه لازم يكون فيه استراتيجية للطاقة وفيه تنوع للطاقة التنوع دا ييجي منين من الغاز والمازوت الطاقات المتجددة الرياح والشمس والطاقة النووية يبقى بنضيف محطات بحيث يبقى عندك نسبة من الطاقة النووية ونسبة من الطاقة المتجددة تساهم على المدى البعيد في مستقبل مصر عبد اللطيف المناوي: اذن المحطة الاولى للبرنامج هو انشاء هذه المحطات الاربعة في خلا ل عام 2025 طيب دراسات الجدوى تعني امرين التكلفة والعائد السؤال هو الى أي مدى دراسة الجدوى ايجابية؟ والجزء الاخر من السؤال التمويل الخاص بهذه المحطات ماهي المصادر؟ وكيف سيتم الدعم ؟ د/حسن يونس وزير الكهرباء: فيما يخص دراسة الجدوى بنت على الدراسات العالمية في دراسة الجدوى نتكلم عن تكلفة محطة نووية وتكلفة اقامتها وتكلفة بشرية وصيانتها مقارنة بالبدائل الاخرى اللي هي سواء كانت محطات طاقات متجددة اسفرت الدراسة عنه انه محطات النووية ذات جدوى اقتصادية ولو نبص للمستقبل الغاز والبترول طاقة ناضبة فيه دراسات بتقول 50 سنة فيه بتقول 80 سنة لما نتكلم عن محطة 60 سنة شوف بعد السنين الاسعار لازم تزيد حتى النهاردة مع الارتفاع في الاسعار 70 دولار لها جدوى اقتصادية عبد اللطيف المناوي: ماهي تكلفة الانشاء المتصورة؟ والتمويل هيكون ازاي؟ د/حسن يونس وزير الكهرباء: المحطة الاولى هتتكلف 4 مليار دولار فيه حاجة التكلفة الاستثمارية لمحطة طاقة نووية اعلى بكثير من التكلفة الاستثمارية لمحطة تقليدية ، تكلفة التشغيل والصيانة اللي هي الوقود وقطع لغيار والعاملين في المحطات النووية اقل من الطاقة التقليدية فلما احسب التكلفة مقارنة في النهاية بتدي جدوى اقتصادية للمحطة النووية عبد اللطيف المناوي: مصادر التمويل في المحطة الاولى هل تم الاتفاق على كيفية تمويلها؟ د/حسن يونس وزير الكهرباء: لا هو ما تمش الاتفاق في الاجتماع اليوم ولكن هناك مجموعة من الوزراء برئاسة وزير المالية نبحث في طرق تمويل هذا المشروع دا مش معناه انه مفيش تمويل..لا ..دا فيه تمويل وبطرق عالمية ولكن بيتم مفاضلتها عبد اللطيف المناوي: ايه الاطراف العالمية في هذا الموضوع ؟ د/حسن يونس وزير الكهرباء: عندك مصادرك اللي تمولها ممكن تقترض ممكن تطلب من الناس اللي جاية تبني المشروع تطلب تمويل كل دا بدائل موجودة والبدائل اللي في العالم انه يبقى فيه مشاركة من القطاع الخاص ودا مش وارد لانه القانون يمنع هذا في المحطات النووية والدولة اللي قد تبني عندك قد ترى ان لها ملكية في المحطة وبيطرحوا اسهم كل دي تجارب عالمية في التمويل مصر هتدرس الخيارات عبد اللطيف المناوي: اختيار مكان المحطة الاولى وهو الضبعة لماذا كان الجدل؟ ولماذا تأخر الحسم؟ وهل الدرسات الحديثة والقديمة بتؤكد ان هذا هو المكان الافضل؟ د/حسن يونس وزير الكهرباء: الموضوع ان الدراسات في الثمانينات كانت بتقول انه المكان الافضل مع تحديث الدراسات طلع برضه موقع الضبعة هو الافضل طب ليه الجدل انه كان فيه تخوف من تأثيرات المحطة على المنطقة المحيطة لما نيجي نبص للمحطة نرى انه بتفصلها نرى انه كيلو او اتنين كيلو اذن الامان النووي على تكنولوجيات المحطة في العالم عالي جدا جدا جدا لدرجة انه لا يوجد اي قلق من وجود محطة نووية بجانب منشآت سياحية او سكنية وبالتالي هذه الصورة بتوضح ان الناس وبالتالي يزول القلق عبد اللطيف المناوي: هل دا موجود في العالم انه يبقى محطة في وسط الناس واديني امثلة؟ د/حسن يونس وزير الكهرباء: دول كثيرة جدا ودول متقدمة عندها تكنولوجيا عبد اللطيف المناوي: الامان النووي حاجة في غاية الاهمية وغاية الخطورة السؤال هو هل بطبيعتنا احنا المصريين اللي فينا قدر ما من عدم الاهتمام الكافي بمسالة الامان وفيه عندنا في اطار الادارة وليس هناك شكل من اشكال الدقة والحسم ماهي الضمانات لكي نصل بهذه المحطات الى مستوى الامان المعروف عالميا؟ هل نستطيع هذا؟ د/حسن يونس وزير الكهرباء: عملنا عدة خطوات الحقيقة عملنا تشريع نووي بيحدد علاقات كل جهة مسئولة عن المحطة نمرة اتنين القانون دا انشأ هيئة مستقلة للامان النووي وكانا حريصين ان تكون هذه الهيئة مستقلة عن وزارة الكهربا وبالتالي لما يبقى الرقيب هو الهيئة قد يكون فيه مجاملات في الترخيص عشان كده الهيئة تابعة لمجلس الوزرا عشان يكون لها صلاحيات اكبر بحيث يقدر ترخيص أي جهة بلا أي نوع من الحرج ويتم النهاردة للاعداد له بحيث يتم تطبيق المعايير العالمية في مصر عبد اللطيف المناوي: هل يمكن الاطمئنان او التاكيد على ان الدقة ستكون مضمونة؟ د/حسن يونس وزير الكهرباء: احنا بننسى ان عندنا مفاعلين نوويين واحد من الستينات ومفاعل من التسعينات فلما تحط منظومة اعتقد تضمن الاستمرارية بس بشرط ان كل شوية تتاكد ان المنظومة تشتغل بفاعلية والحمد لله لغاية دلوقت المفاعلات وفي المستقبل بنؤكد على اهمية هيئة الرقابة والامان النووي في الانشاءات النووية الموجودة في مصر عبد اللطيف المناوي: ايه هي طبيعة العلاقة اللي هتكون بينا وبين الوكالة الدولية للطاقة؟ د/حسن يونس وزير الكهرباء: طبقا للاتفاقية اللي موقعاها مصر ممكن تيجي الوكالة عندنا وتتأكد ان الابحاث اللي عندنا طبقا ولما نعمل المحطة النووية هيكون لدينا ناس من الطاقة الذرية للتاكد انك انت كل الخطوات طبقا لمعايير الامان النووي عبد اللطيف المناوي: هل هتكون علاقة رقابة فقط؟ ام هيكون فيه شكل من اشكال التعاون اللي موجود؟ د/حسن يونس وزير الكهرباء: اه طبعا فيه برنامج عندنا اسمه التعاون الفني مع الوكالة الدولية للطاقة الذرية سواء كان موضوع الامان النووي او موضوع انشاء المحطات النووية او في انشاء الابحاث ودا برنامج موجود ومستمر وبنحضر لل3 سنين اللي جايين ومصر بتاخد اكبر معونة فنية من الوكالة لاحساسهم ان مصر القادرة على تنفيذ هذا عبد اللطيف المناوي: ايه البرنامج الزمني المتخيل في هذه المسالة؟ هل ما يحدث الان استجابة لما يشعر بيه الناس من ازمة كهربا هل هنجد طاقة في فترة قصيرة قادمة؟ اديني ملامح لهذا المشروع د/حسن يونس وزير الكهرباء: المحطة النووية دي هتطلع كهربا في 2019 اذن انا بتصور ان المحطات النووية مهمة لتنوع مصادر الطاقة نمرة 3 الصناعة بتاعة البلد اللي فيها التكنولوجيا بتبقى افضل فانت بتتكلم عن صناعة عن قوة بشرية مستواها بيعلى عبد اللطيف المناوي: فيما يتعلق بالمحطات الاخرى هل تم الانتهاء منها من مواقعها؟ ام لم تبدا بعد ؟ د/حسن يونس وزير الكهرباء: عندنا برنامج نووي لعديد من المحطات وتم ترتيب المواقع الاخرى عندنا موقع في النجيلة في غرب مطروح وعندنا موقع على البحر الاحمر قرب مرسى علم عبد اللطيف المناوي: الليلة اسئلة عن الواقع الذي نعيشه الان عن انقطاع الكهرباء خلال هذه الفترة؟ د/حسن يونس وزير الكهرباء: علشان نقول للناس ايه اللي هيتعمل قريبا هيدخلنا 550 ميجاوات قبل يوم 10 الشهر القادم والشق التاني ان انا عندي في ديسمبر هيضاف حوالي 1000 ميجاوات ، احنا طرحنا مناقصة سريعة عشان نعمل 1000 ميجاوات العروض هتيحي في الاسبوع الاول من سبتمبر بحيث ننتهي منها قبل صيف 2011 الوضع النهارة بنتكلم عن تخفيف احمال ودي ممكن ساعة على سبيل المثال امبارح كان 3% من اجمالي الاحمال الموجودة لكن عايز اقول قد يحدث خطأ ويتخذ اجراءات عنيفة مع الموظفين اللي بيطول اكتر من ساعة لما بصينا ان الحرارة نزلت كانت 3% فهي مرتبطة بدرجات الحرارة والامور باتجاه الاحسن عبد اللطيف المناوي: قد يكون من العناصر الايجابية انه بيتم حلها ولن توقفنا عن المستقبل وخاصة بعد قرار السيد الرئيس لانشاء اول محطة للطاقة النووية في مصر في موقع الضبعة ودا شكل من اشكال التفكير الاستراتيجي وهذه هي السياسية التي انتهجتها مصر منذ فترة في التفكير في هذا الوطن دكتور حسن بونس وزير الكهرباء شكرا جزيلا لك السيدات والسادة شكرا جزيلا لكم والى اللقاء في مرات قادمة باذن الله
