اتكلم

لميس الحديدى: مساء الخير من سنة تقريبا أو علشان أكون دقيقة من سنة وشهرين تقريبا بدأت الأزمة المالية فى العالم وأبتدينا نسمع أخبار غريبه جدا زى أفلاس بيرسترنز وأسامى كبيره جدا فى العالم وبالذات فى الولايات المتحدة سقطت بعد أزمة الأئتمان الشهيرة لحد هذه اللحظة يعنى منذ عام تقريبا حوالى 100 بنك أمريكى أفلسوا أو أعلنوا أفلاسهم وخرجوا خارج السوق كرة الثلج أتحدرجت من أمريكا لى أوروبا لى أسيا فى البداية الحكومة قالت لا لأ أحنا كويسين جدا زى الفل ولا هنتأثر أحنا ناس كويسين أقتصاد متين وكده غير مندمج جملة لطيفه غير مندمج ثما بدأت التأثرات تظهر علينا رويدا رويدا وأحنا مازالنا أقتصاد غير مندمج لكن تأثرنا طبعا جزء كبير من دخلنا كان قائم على السياحة وعلى قناة السويس وعلى العاملين بالخارج يعنى لابد مفيش حاجة أسمها أقتصاد غير مندمج لابد أن نتأثر بالأزمة المالية دول الخليج مثلا خسرت 350 مليار دولار الحلقة النهارده على ذكرى عام على مرور الأزمة المالية ماذا حدث لنا ؟ماذا حدث للأقتصاد؟ ماذا حدث للمواطن ؟ خسرنا كام ؟ المواطن ده الأنسان المصرى البسيط والغنى خسروا كام ؟ المستثمر خسر كام ؟ الأقتصاد خسر كام ؟ وكيف تعاملت الحكومة مع هذه المؤشرات مع هذه الأزمة هل تعاملت بحكمة ؟ هل تأخرت فى الرد هل كان الرد كافى؟ هل أستطعنا أن نستوعب الأزمة ؟ هل متوقع أن نخرج من الأزمة قريبا ؟ فى بوادر أنتعاش فى سوق المال فى مصر وهناك بوادر أنتعاش فى أسواق المال فى الخليج وهناك أيضا بوادر أنتعاش النهارده الدو عالى يعنى هنشوفبعض المؤشرات دلوقتى قدامنا بنلاقى أن معدل النمو مثلا أنخفض من 7,2 لى 4،7 الأستثمارات أنخفضت من 13 مليار دولار لى 8 مليار دولار البطالة زادت من 8% من 8 وحاجة فى % يعنى لى 9,4 أما معدل الفقر فأرتفع من 19% لى 21% 3% أرتفاع فى معدل الفقر وأرجوا أن نقف كثيرا أمام هذا الرقم دا معناه من عدد من ملايين المواطنين المصريين دخلوا ضمن دائرة الفقر طبعا رسم البيان التانى بيتكلم على رأس المال السوقى البورصة خسرت كام ؟ خسرت القيمة السوقية يععنى البورصة خسرت أو الشركات المدرجة داخل البورصة المصرية خسرت 37 % من قيمتها من فبرايرا 2008 لى سبتمبر 2009 مؤشرات زى (إيجى سرتى أو إيجى 30 ) من مايو 2008 سبتمبر 2008 خسرت حوالى 30% من قيمتها وكذلك مؤشر إيجى أكس سرتى أيضا خسر حوالى 30 % ماذا يعنى ذلك؟ الأرقام دى كلها ماذا تعنى بالنسبة للمواطن المصرى 3% أرتفاع فى معدل الفقر دا رقم مهم جدا أرقام أيضا وزير التنميه الأقتصاديه المصرى قال أن هذا الأقتصاد فقد 20مليار دولار وتراجع فرص التشغيل 600 ألف فرصة عمل يعنى أن فيه 600 ألف بنى أدم مصرى خارج التوظيف بشكل أو بآخر آما عن الطريق التسريح آما معرفناش نشغله هنفهم بالظبط ماذا يعنى هذا الرقم ؟ وتراجعت أيضا تحويلات المصريين بالخارج أعتقد حوالى 23% تقريبا تراجعت تحويلات المصريين بالخارج كيف مر العام على الأقتصاد المصرى ؟ كيف مر العام على المواطن المصرى ؟ كيف مر العام على المستثمر المصرى ؟ وكيف تعاملت الحكومة مع هذه الأزمة دا هو موضوعنا النهارده يمكن ناس كتيرة تفتكر أنوا موضوع معقد لكنه هو دا أكل عيشنا هو دا حياتنا وهو دا أللى بنصحى نتكلم فيه وبنام نكلم فيه كيف سنتعامل مع الأيام القادمة ؟ والحقيقه يشرفنى أن يكون معى فى هذه الحلقه الدكتورة فايقة الرفاعى وكيل محافظ البنك المركزى الأسبق والدكتور هانى ثرى الدين رئيس هيئة سوق المال الأسبق وهو صديق عزيز علينا ورجل يعنى له باع دكتورة فائقة كيف مر العام على المصريين ؟
د/فائقة :الحقيقه عام قاسى زى ما حضرتك أتكلمتى وقلتى التضخم أبتلع أى زياده فى الدخول
لميس الحديدى:يعنى أيه التضخم أشرحلنا بس ؟
د/فائقة :معدل أرتفاع الأسعار وخاصتا أسعار الغذاء وأسعار السلع الأستهلاكيه والملابس والمنتجات الجلديه الجزم وملابس المدارس حتى للأولاد كل السلع الأستهلاكيه سواء كانت غذائية أو غير غذائية ناهيك طبعا عن أرتفاعات أسعار العقارات بالرغم من أنهم هما بيقولوا أن الأسعار أنخفضت لكن الواضح حاليا أنخفضت لفترة قصيرة جدا وبعدين أرتفعت مره أخرى تانى طبعا التضخم بيلتهم جزء كبير جدا من الزياده فى الدخول وبالتالى الشخص أو الفرض بيحس أن هو حقيقى دخله النقدى زاد لكن لما بتحولى هذا الدخل النقدى إلى سلع بتشتريها نتيجة لأرتفاع أسعار السلع دى عدد السلع أللى بتقدرى تحصلى عليها بيقل
لميس الحديدى:كام معدل التضخم دلوقتى يا دكتورة ؟
د/فائقة :حاليا وصل لى 9،9 دا آخر رقم تقريبا يعنى لو الدخول زادت لى 10% يبقى أكننا معملناش حاجه
لميس الحديدى:هى هذه الزياده ألتهمتها الأسعار؟
د/فائقة :بالظبط وبالتالى طبعا عملية إعادة الهيكلة فى الأقتصاد المصرى أللى ماشينا فيها كبرنامج إصلاح هيتم بيؤدى إلى أزدياد الطبقات الفقيرة فقرا وأزدياد الطبقات الغنيه غنا
لميس الحديدى:أنا هقف بقى توزيع الدخل
د/فائقة :ودى بتشير برده إلى نقطه مهمة جدا جدا وهى المسئولية الأجتماعيه فى قطاع الأعمال يعنى أحنا قطاع الأعمال بيدفع 20% ضرايب بعد ما كان بيدفع 42% من صافى الدخل وبندلعهم قوى فى حاجات كتيرة جدا وبندعمه وبنديله مسانده وبنعمله كله الخدمات المطلوبه ولكن الحقيقه محتاجين نظره ومحتاجين أسلوب نتعامل مع القطاع الخاص من خلال الجمعيات الأهليه أو من خلال المنظمات غير الحكوميه أن أحنا نتعامل مع قطاع الأعمال بحيث أنوا يتحمل مسئوليته الأجتماعية
لميس الحديدى:دكتور هانى كيف مر العام على المستثمر المصرى ؟ والحقيقه لازم نقول أنوا دول وجهان لعمله واحده المواطن والمستثمر المواطن من حق الدوله عليه وحق القطاع الخاص عليه أنوا يشتغله ونأكله ونشربه ونعالجه ونعلمه ونوفرله الخدمات ويعمل لكن فى الجانب الآخر المستثمر أيضا يجب أن توفر له الدوله مناخ يستطيع من خلاله أنوا يشغل الناس كيف مر العام على المصريين ؟
د/هانى :طبعا هو كان عام قاسى على الجميع
لميس الحديدى:بما فيهم المستثمر ؟
د/هانى :بطبيعة الحال لأنوا كل عوامل التأثير أصابت المستثمرين فى مقتل فيما يتعلق بالأرباح فيما يتعلق بالنمو بتاعهم فيما يتعلق بمعدلات التشغيل عندهم بس تأثر القطاعات كانت مختلفه
لميس الحديدى:أنهى أكثر القطاعات تأثرا ؟
د/هانى :بطبيعة الحال كثير من القطاعات أهمها يمكن القطاع العقارى تأثر بشكل كبير جدا بالذات فى النص التانى من العام الماضى وبداية النص الأول من هذا العام بدأت هناك تحسن فى المؤشرات لكن دا كان واضح فى أنخفاض المبيعات بشكل كبير جدا فى هذه المرحله كان مسئلة طبيعيه لأن الناس كلها أرصدتها
لميس الحديدى:الأسعار هبطت ؟
د/هانى : هى الأسعار ما هبطتش لكن بطبيعة الحال المبيعات قلت كتير
لميس الحديدى:يعنى أنا مش زعلانه أوى أن المبيعات تقل طب طالما الأسعار ما بتنزلش طب نظرية العرض والطلب ليه ما بتميش بسهوله
د/هانى :إذا كانت الخامات منزلتش أيضا خلى بالك التعقدات بتم على 3 سنين من عملية البناء وبطبيعة الحال مبتقدريش تعملى تعقدات جديده بأسعار 20% 30% أقل فى حين أن فى ذات الوقت تعقدات أللى لسه شغاله تحت فى التسليم بأسعار أعلى أيضا قطاعات التصدير أللى هى مرتبطه بى أوروبا على وجهة التحديد وبالتصدير إلى الولايات المتحده تأثرت بشكل كبير جدا وعمل معناه ضخمه جدا دى كانت من القطاعات المهمه أللى تأثرت قطاع السياحه إلى حد ما فى هذه المرحلة أو الربع الأخير من السنه دى كانت من أهم القطاعات بعض قطاعات التجزأه زى قطاعات السيارات كان فيه تأثر كبير جدا على المستثمرين فى هذا المجال
لميس الحديدى:طب أنا هقف هنا عند قطاع التصدير فيه معونة ما ذهبت لقطاع التصدير يعنى ننتقل إلى كيف تعاملت الدولة مع هذه الأزمة الدولة أتعاملت بباكتش أو بحزمة قالت 15 مليار جنيه طبعا دا كان بعد 6 تشهر يعنى من الأزمة يعنى خرجت متأخره شويه 15 مليار جنيه هتخرج من الموازنة العامه بشكل أو بآخر بأستلاف أو مش بأستلاف المهم هى 15 مليار جنيه وهتوزع فى عدد من المجالات جزء منها كان دعم الصادرات فيه جدل واسع دار على دعم الصادرات هل أنا بدعم الأغنيه ؟ ومبدعمش المواطن يعنى فى أمريكا الدعم راح كاش للمواطن راح للبيت راح يعنى سداد ضرايب حاجات مباشرتا للمواطن وللمؤسسات الماليه هل فى رأيكم دعم الصادرات دا كان خطأ؟ دكتورة فائقة
د/فائقة :لأ هو مش خطأ الحقيقه ولكن أنوا دعم الصادرات ده من قبل الأزمة موجود لأن الصادرات المصريه الحقيقه مازالت بتقابل منافسه شديده جدا فى الأسواق العالميه ولابد من دعمها ودول كتير جدا بدعم صادراتها بطرق غير مباشرة بدعمها أنها أحيانا بطبق سعر صرف أقل من سعر الصرف الرسمى لصادرات معينه علشان نشجعها على أنها تقدر تواجه المنافسه فى الخارج أو دعم نقدى أو بتديها خفض فى الجمارك على مستلزمات أنتاجها اللى بتوجهها للتصدير إلى آخره فالحقيقه دعم الصادرات مهم جدا أنا فى رأيى ومعتقدش أنوا خطأ أن أحنا نوجه جزء من هذه الأموال لدعم الصادرات وعلى أى حال هو الجزء مش كبير قوى من الأنفاق
د/هانى : أعلق أنوا من أفضل أنواع الدعم أللى حصلت هو دعم الصادرات لأنوا برده منساش لأنوا فى الآخر كله ميضاعف عملية الصادرا دا معناه عمله بقوى التناقس فى سوق من الأسواق الخارجية بشغل عمالة أكتر داخل مصر
لميس الحديدى:أه بس فيه رأى تانى بيقول أن فى النهاية أنا ما ربطتش هذا الدعم بعدم تسريح العماله بنتائج أستطيع أنى أنا أقولها للناس أنى أنا أديت الناس دى فلوس علشان متقفلش مصانعها علشان متسرحش العماله؟
د/هانى :ماهو طبيعى ما حدش أخد شغال ودعمتوا قفل دا الهدف الأساسى أنى أنا أعدم القدرة التنافسيه أدعم قدرتها على الأستمراريه ومن ثما أنها تظل تشتغل وتظل تشغل عمال وإلى آخره فأعتقد دا الهدف من
د/فائقة :الحقيقه يمكن دا برده واضح من الصادرات يعنى الصادرات غير البتروليه منخفضتش كتير يعنى أنخفضت السنه بحاهلها بحوالى 300 مليون دولار فقط
لميس الحديدى:جزء دعم الصادرات ده فى رأيكم ؟
د/فائقة :جزء مهم جدا وضرورى
لميس الحديدى:باقى بقى الباكتش أو باقى حزمة ال15 أو هى بقت أعتقد دعم الصادرات 13 تقريبا وحاجه مليار جنيه دكتور فائقة شايفه أنها أتوزعت توزيع سليم؟
د/فائقة : هو الحقيقه كان ممكن أن هى تركز فى مجالات أقل شويه يعنى هى أتبعترت يعنى راحت لى حكم محلى وتنمية القدرات فى الحكم المحلى ومنعرفش دى راحت أزاى يعنى راحت شوية رواتب وحوافز و يعنى مش عارفه صرفوها أزاى ؟ لكن جزء راح للحكم المحلى جزء راح للطرق جزء راح للصرف الصحى والميه جزوء راح للصادرات جزء راح تعليم وصحة يعنى راحوا يمكن لى 6 ، 7 أوجه تعليم وصحه وطرق ورى وصرف صحى ودعم صادرات لو أنوا تم التركيز على حاجتين أو تلاته من هذه المجالات كان ممكن أن أحنا نوصل لى نتائج ملموسه يشعر بها المواطن أكتر ونحل المشكله
لميس الحديدى:فى رأيك ليه الناس ما حستش بال15 مليون ؟
د/هانى :نفس المشكلة دى الناس ما حستش بتحسن أقتصادى وتحسن معدلات النمو الأقتصادى لكن كانت فى 2005 و 2006 و 2007
لميس الحديدى:يعنى العيب فى الناس يعنى
د/هانى :لا بالعكس العيب فى أنوا يعنى زى ما أتقال أو زى ما هو معروف لأ هو أكيد العيب مش فى الناس
لميس الحديدى:ما أحنا ما بنحسش لما نوصل لى 7،5 % و 8% ؟
د/هانى :العيب أنوا زى ما أتقال دكتورة فائقة قالت فى الأول أنوا فكرة برنامج الأصلاح الأجتماعى كان يجب أن يكون مصاحبا للبرنامج الأصلاح الأقتصادى وكان لابد أنى أنا أزاى أوجه الطبقات الأكثر فقرا أللى هى كانت غير قادرة على الأستفاده من هذا التحول ومن هذا النمو فمستفادتش الراجل موظف الحكومة ماذا عاد عليه ؟ بالعكس حصل تضخم فساءت قدرته الأنفاقيه الراجل البسيط المزارع أو الفلاح فى قريه نائيه ماذا عاد عليه ؟ بالعكس
لميس الحديدى:ما هو بقى توزيع ثمار النمو أللى هو كان مختل تماما
د/هانى :علشان كده بنقول أهمية الأصلاح الأجتماعى وأنى أنا أوجه فكرة الدعم العينى إلى مستحقيه أنى أنا أحسن خدماتى إلى هؤلاء أزاى نوصلهم بشكل مباشر أللى هى القضية أللى بنتكلم فيها بقالنا 40 سنه
لميس الحديدى:طيب أنا معايا على الهاتف دكتوره نجلاء الهوارى نائب المدير التنفيذى لكبير الأقتصاديين فى المركز المصرى للدراسات الأقتصاديه مساء الخير يا دكتوره
د/نجلاء:مساء النور
لميس الحديدى:يعنى أنا قريتلك الحقيقه دراسة شديدة الأهميه فى التشغيل فى مصر بين أنصار الأزمة وأختلاف الهيكليه أنا وقفت عند أنتقادات لى حزمة ال 15 مليار لو تلخصيلى كده فى 3 نقط هذه الأنتقادات
د/نجلاء:يعنى هو أهم الأنتقادات الحقيقه أن الخطوه جات متأخره شويه يعنى على ما الحكومة قررت هذا البرنامج الحافز المالى ونفذته كان زاد أكتر من 6 ، 7 تشهر المبلغ نفسه ألأنا بعتبره أنوا غير كافى علشان يعوض الأنخفاض أللى حصل فى النمو يعنى معدل النمو فى الأقتصاد القومى أتخفض بأكثر من حوالى 2،5 نقطه مئوية من خلال الأزمة فعلشان أحط أعتماد أضافى ب 15 مليار أنا بتعبره أن هو ماهواش كافى لكن الأهم من دا كله الطريقه أللى تم بيها توزيع هذا المبلغ يعنى زى ما حضرتك ذكرتى 13،3 مليار دول تم توجيه الجزء الأكبر منهم لمشروعات الميه والصرف الصحى والطرق والكبارى مشروعات الميه والصرف الصحى مهياش مشروعات بتخلق فرص عمل إلا إذا كنتى بتنفيذيها فيه أماكن شعبيه فقيره ضيقة فبتحتاجى أنوا العماله تدخل تحفر وتعمل هذه المشروعات فتخلقى فرص عمل أما أنما تتعمل فى أماكن يعنى متحضرة وتعتمد على الألات وخصوصا مستورده فدى ما بتخلقش فرص عمل مشروعات الطرق والكبارى برده المفروض أنها نظريا بتخلق فرص عمل لكن أللى حصل أنها أتوجهت للطرق الرئيسيه يعنى جزء كبير من المبالغ أنفق على الطريق الصحراوى الطريق المحور وأحنال عندنا المناطق الريفيه والوجه القبلى والريف والصعيد كل دول محتاجين مشروعات طرق وبعدين المفروض برده أن دى المشروعات أللى بتخلق فرص عمل الطرق والكبارى هى المشروعات أللى بتربط التجمعات السكانيه بالطرق الرئيسيه لكن أنا أقصد أن الطريقه أللى تم بيها الأنفاق المبالغ بتاعة الميه والصرف الصحى محققتش الغرض منها زى ما بقول أتصرفت على أماكن محدده مش هى دى أللى أحنا محتاجينها
لميس الحديدى:مشروعات آخرى أو أستكمال مشروعات قائمة
د/نجلاء:هى مشروعات قائمة بتعتمد على رأس المال مهياش مشروعات كثيفة العمل بتعتمد على ألالات مستورده وبالتالى الهدف الأساسى أللى من أجله تم تخصيص هذه المبالغ أنا ما أعتقدش أنوا جاب نتيجة أنوا متمش صرفه بالصورة المطلوبه وزى ما ذكرت برده استاذتنا الدكتورة فائقة مساء الخير يا دكتورة فائقة أنوا بردوا أتبعتر المبلغ فى أوجه كثيرة فأعتقد أنوا المبلغ مهواش كافى أنوا متمتش أنفاقه بالسرعة المطلوبه ولا فى الوقت المناسب وتخصيصه على المشروعات كانت كلها مشروعات مهياش كثيرة العمل وإنما كثيرة رأس المال وبتعتمد على الألات المستورده وهذه المشروعات قائمة بالفعل وبالتالى ما أعتقدش أنوا المبلغ دا يعنى حقق الهدف منه وزى ما حضرتك بتقولى أنوا معدل البطالة أرتفع من خلال هذه السنه 1% ومعدلات الفقر أيضا زادت زائد أنوا الهدف الأساسى من هذا الأنفاق أنوا يساعد على تأهيل معدلات البطالة وعلى خلق فرص العمل ودا ما أعتقدش
لميس الحديدى:طب أنا الحقيقه عايزه أبشرك بخبر لطيف أن ال10 مليار التانيه هتنفق بنفس الطريقه ودا الحقيقه على لسان وزير الماليه يعنى يعنى ال10 مليار الأخرى برده ماشيه فى نفس السكه 2،5 خدهم المهندس المغربى وزير الأسكان للصرف الصحى وما إلى ذلك ودا من المشروعات المهمه لكن هو أن أحنا ماشين فى نفس السكه طب هى الحكومة مبتقراش الحاجات دى ولا مبتسمعش
د/نجلاء:يعنى الحقيقه أحنا قولنا أن الباكتج الأولانى تم أنفاقه على هذا النحو على أعتبار أنو وقت الأزمة الأم على ما أخده قرار جه متأخر وكان لازم يدرج دون أعتماد موجود أصلا للموازنه فملحقوش زى ما بنقول أن هما
لميس الحديدى:ملحقوش يفكروا
د/نجلاء:يعنى ملحقوش يشركوا المحليات لأن هما المفروض يشركوا المحليات فى أنها تختار أفضل المشروعات أتمنى أنوا الباكتج التانى
لميس الحديدى:أبعتلهم بس الدراسه دى والنبى يا دكتورة ألله يخليكى أبعتلهم كده فى باكتج أحتمال يقروها يعنى يبقى فيه تفكير
د/نجلاء:وألله بنبعت كله
لميس الحديدى:شكرا دكتورة نجلاء الهوارى الحقيقه بشكر جهدك فى هذه الدراسه يعنى دكتورة فائقة تعليقك
د/فائقة :أنا بوافق طبعا على هذا الكلام فى الحقيقه أو أتمنى أنوا ال10 التانيين أو ال15 التانيين أللى هينفقوا ينفقوا على يعنى مشروعات لها عائد مباشر على التوظيف لأن دى أكتر مشكلة أحنا بنعانى منها فى هذا الوقت
لميس الحديدى:100 ألف فرصة عمل فقدت هل دى من تسريح عماله ؟ ولا فرص عمل لم يتم توفيرها
د/فائقة :فرص عمل لم يتم توفيرها بالأضافة إلى بعض تسريح العماله سواء من الخارج أو من الداخل الحقيقه الحكومة برده بذلت مجهود ضخم وزيرة القوى العاملة زارت دول كتير جدا دول عربيه ودول أوروبيه وإيطاليا وليبيا للأبقاء على العماله وعدم تسريحها لكن طبعا تأثير الأزمة أدى إلى تحويلا العاملين أنخفضت حوالى 400 مليون السياحه برده أنخفضت حوالى 600 مليون قناة السويس أنخفضت 400 مليون الأستثمارات المباشرة أنخفضت إلى 8،4 مليار بدل ما كانت 11 وشوية مليار الصادرات طبعا أنخفضت لى 300 مليون أيضا السنادى الصادرات الغير بتروليه والصادرات البتروليه أنخفضت فالأجمالى مليار وشويه الصادرات أنخفضت 4 مليار وشويه والوارادات أنخفضت 2 مليار وشوية وبالتالى الميزان التجارى وصل لى 25 مليار السنه اللى فاتت دى 8 ، 9 يعنى 25 و2 مليار دولار عجز فى الميزان التجارى فقط أحنا مازالنا الأقتصاد بتاعنا يعانى من عدد من الأختلالات الحقيقه أختلال فى الميزان التجارى أختلال فى ميزان رأس المال تجى أن البنوك فى النص الأول من العام سحبوا من الخارج من أرصدتهم بالخارج حوالى 8,4 مليار دولار كويس ممكن دا يشغل ناس ويدعم سوق الصرف إلى آخره الغريبه جدا أن فى النص التانى بعد حطوا 2,4 فى الخارج
لميس الحديدى:تفسيرك أيه للقصه دى ؟
د/فائقة :أن هم بيخدوا قرارات لا ترتبط أطلاقا بإحتياجات الأقتصاد القومى لكن بترتبط بى الربحيه بترتبط بى المضاربات والأستثمارات إلى آخره لكن ما بترتبطش أطلاقا بى بقضايا الأقتصاد القومى
د/هانى :لأ أنا مقدرش أقول أن البنوك ترجع بقى تانى للمضاربات البنوك لابد أن تبحث عن مصالحها الأقتصاديه مصالحها الماليه الأستثمار فى الخارج مهواش بالضرورة أنا أعتقد أنها محطوطه فى ودائع ولكن فيه
لميس الحديدى:أنت عارف أن معدلات الأقراض للمشروعات الصغيرة والمتوسطه معدلات شديدة الأنخفاض
د/هانى :خلى بالك أنا مقدرش أحط كل اللوم على البنوك الهيكلة نفسها بتاعة قطاعتنا وبتاعة هذه المشروعات إلى آخره ضعيفة جدا وبالتالى بدأنا نفكر لأول مره جديا فى المشروعات متناهية الصغر بدأنا لأول مره نفكر فيه كل دلوقتى بدأت موضه المشروعات الصغيرة والمتوسطه لكن لغاية دلوقتى مش شايفيين فى عملية الهيكله فى معاييرها يعنى لكن طبعا مقدرش أللوم البنوك على أنها لاتقرض ما هى البنوك برده مش هتحط فلوسها فى مشروعات قد تعرض أموالها للخطر ونرجع تانى للسيد القديم
د/فائقة :أنا مش عارفه إذا كانت الودائع أللى حطوها برا بالخارج فى أزمة وفيه تدهور للمؤسسات الماليه فى الخارج مش هيعرضهم للخطر ولا لأ أكتر من هيعرضهم للخطر أنا ما بلومش البنوك بس أنا بقول فيه توجهات معينة المفروض أن أحنا ناخد بالنا منها ونغيرها ونحاول أن أحنا نخلى البنوك تتصرف تصرف يدعم الأقتصاد القومى أه حقيقى البنوك هدفها الربح أساسا لكن أيضا من الضرورى جدا أن هى تلعب دور فى عملية التنمية الأقتصاديه وأللى أنا بقول هنا أن عندنا أختلال فى ميزان المدفوعات والميزان التجارى بشكل كبير جدا وعندنا أختلال فى سوق العمل عندنا أختلال فى هيكل الأسعار عندنا أختلال فى الموازنه العامه للدوله إذا عندنا مجموعه ةمن الأختلالات أن لابد من معاملتها بالسياسات
لميس الحديدى:طب التوزيع الغير عادل للدخل فكرة أن الناس ما حستش بال7% أللى هى كانت معدل النمو الحقيقه كل الأٌقتصاديين كانوا بيقولوا أن مش المهم معدل النمو الدولة والحكومة لازم تطلع السيد رئيس الوزراء فى خطاباته أمام مجلس الشعب يطلع يقول أنا عندى 7% نمو فالناس بتسقف يفتكروا أن 7% دى هتكسر الدنيا والناس تقولك أنا مش حاسس حياتى صعبه مش عارف أعلم عيالى مش عارف أعالج أهلى فالبلتالى القضية مش قضية معدل النمو ولكن معدل التشغيل قدرة الأقتصاد على توفير فرص عمل وتوفير دخل أضافى للمواطن أختلالات توزيع الدخل دى حلها أيه فى رأيك ؟
د/هانى :لأ هى أولا علشان أكد على كلامك أنوا فعلا هذا ما حدث لما حصل النمو الأقتصادى فى فرص عمل أنشأت هذه الفرص كانت لم يتم توزيعها على الشعب المصرى بأكمله إنما كانت لفئة يمكن 5 أو 6 %
لميس الحديدى:بالتحديد كانت 10% من قوة العمل حوالى 2 مليون ودا أيضا فى إدارات حكوميه يعنى أللى أستفادوا من ثمار النمو
د/هانى : هو رقم جيد لأنوا كثير بردوا مش كله راح لكبار المستثمرين راحوا لكثير من الشباب فى قطاعات معينة زى قطاعات الأتصالات فى أسواق المال فى البنوك إلى آخره ولكن زى ما قلت لحضرتك الباقى راح فين مقدروش يستفيدوا من هذه الفرص قدرتهم على أستغلال هذا النشاط مفيش واحد موظف زى ما بيقولوا بأمكانياته المحدوده عامل بسيط فلاح أسرة فقيرة وهنا بقى أهمية دور الأصلاح الأقتصادى أهمية المشروعات الصغيرة والمشروعات متناهية الصغر أهمية أن أنا أشغل صناعات كثيفة العماله حتى أنى أنا أقدر أشغل فى القرى أهمية أنى أنا أستهدف القرى الفقيرة والأحياء الفقيرة لمشروعات مهمه تفعيل الدور المدنى فى الجمعيات وأعتقد أصبحت هذه المسائل أصبح فيه وعى كبير قوى بالمسأله سواء من الجمعيات سواء من المؤسسات الماليه لأول مره نتكلم على الإصلاح أو دور فكرة المسئولية الأجتماعيه مهياش مسألة رفاهية ولا منظرة وإنما جزء من الأمن الأجتماعى .
لميس الحديدى:معلش أنا هقف هنا بعد الفاصل وأقول لما الدولة تقوم بدورها الأول نقول للقطاع الخاص يقوم بدوره يعنى أنا قطاع خاص هناك قطاع خاص بيقولك أنا بدفع ضرايب لدوله لا تقدم لى أى شىء هسمع بس رأى وزير التنمية الأقتصاديه الدكتور عثمان محمد عثمان مساء الخير يا دكتور
د/عثمان :مساء الخير أهلا وسهلا
لميس الحديدى:يعنى هناك أنتقادات لحزمة الباكتج الأولانيه أللى تم أنفاقها لمساندة الأقتصاد المصرى فى الأزمة الماليه وقيل فى دراسات عديده أن هذه الحزمة أنفقت على مشروعات كانت قائمة بالفعل أنفقت على قطاعات غير كثيفه التشغيل وبالتالى لم تؤتى الأثر المطلوب رد حضرتك أيه ؟
د/عثمان :أولا بحيى ضيفتنا الدكتورة فايقة رفاعى والدكتور هانى وأنا موافق يعنى من حظى أنى أنا تابعت البرنامج من أوله فبحييهم وبوافقهم على الكلام أللى أتقال كله الحقيقه يعنى تحليل الموقف من الأزمة ويمكن أنا بس عايز أوضح بعض الأمور فى النقاط أللى أثيرت فى مثلا أن الحكومة خدت 6 تشهر
لميس الحديدى:آمال أنتم خدتم قد أيه ؟
د/عثمان :أحنا مخدناش على الأطلاق 6 ساعات
لميس الحديدى: يا دكتور 6 ساعات من أمتى
د/عثمان :هقول لحضرتك الأزمة زى ما هو معروف خدت أزمة الصيف واخده شكل الأزمة الماليه بالذات فى التمويل العقارى فى الولايات المتحده الأمريكيه والبنوك ويمكن رد فعل الحكومة المصريه فى الوقت ده كان حاجتين الحاجة الأولانيه أنوا الجهاز المصرفى فى مصر كان يعنى شهد عملية تطوير وبالتالى قلنا يعنى كان تقديرنا أنوا إذا الأزمة ظلت فى الولايات المتحده الأمريكيه وحتى إذا أنتقلت إلى أوروبا فى القطاع المالى فقد فالأسعار بالنسبالنا الأزمة الأقتصاديه وأنتقالها إلى الأقتصاد العينى بدأت فى الولايات المتحده الأمريكيه وفى العالم أبتداءا من الخريف سبتمبر أكتوبر فى الوقت دا الحاجتين كانوا قدمنا أحنا يعنى مبكرا جدا يوليه وأغسطس الحكومة أعدت دراسات حاولت ترصد الأزمة وملامحها فى الولايات المتحده
لميس الحديدى: يعنى أنتم عملتم أيه ؟ يعنى ال15 مليار ده أمتى ؟
د/عثمان :فى شهر فى أواخر سبتمبر أوائل أكتوبر وبدأنا كان فيه مشكله حتى دستوريه أنوا هل نقدر كحكومة أن أحنا نبتدى نصرف هذه الأعتمادات للمشروعات أللى أتقررت قبل موافقة البرلمان ؟ ويعنى كان كده فيه توافق أن هذا الأجراء أجراء أقتصاديا مطلوب فنثق أن مجلس الشعب لما هنروحلوا بطلب الإعتماد الأضافى هيوافقنا عليه والرد الفعلى بدأ قبل حتى فأكتوبر نوفمبر كانت بعد أنتهاء الربع الأول من السنه الماليه كان بدأ الضخ الإعتمادات الأضافيه
لميس الحديدى: يعنى ضخينا فى نهاية الربع الأول من السنه الماليه
د/عثمان :بالظبط كده يعنى أللى هو مع بداية الأزمة ما تنعكس على الأحوال الأقتصاديه فى العالم كله
لميس الحديدى: طيب الأعتراض التانى أو النقطة التانيه هى الأوجه التى أنفقت فيها هذه الأموال أن معظم هذه المشروعات أما قائمة بالفعل أو مشروعات غير كثيفة فى أستخدام العماله بصراحة يعنى ما بتجبش عمال ما بتشغلش عمال أنت عارف فى أمريكا طبعا لما كانت الولايه لما يبقى عندها مشكلة كساد يروح مكسر الطرق ويعملها من أول وجديد علشان يشغل ناس أحنا مقلناش نكسر الطرق
د/عثمان :أنا موافقك على المثال فى حالة الأقتصاد الأمريكى لأنوا الأزمة وطبيعتها الحقيقه المفروض أن أحنا لو عايزين نعرف الأجراء أللى أتخذته الحكومة المصرية كان أقتصاديا سليم ومفيد للوضع الأقتصادى فى مصر نشوف أيه أللى حصل فى الصين مش أللى حصل فى الولايات المتحده الأمريكيه لأنوا أنا عندى فى الأقتصاد المصرى معنديش حالة تشغيل كامل للأقتصاد وبالتالى محتاج مجرد الأنفاق لحسم الطلب الأستهلاكى
لميس الحديدى: أنا عندى مشكلة أنا ما نتش أقدر أستحمل 1% أ،خفاض يا دكتور
د/عثمان :خلينا برده من أحد المعايير لتقييم أثر الأنفاق الأضافى يعنى فيه حاجتين لازم نحطهم فى الأعتبار الحاجة الأولانيه أنوا ماذا لو لم يكن هذا الأنفاق قد تم ؟
لميس الحديدى: لأ لأ لأ أحنا كده بنرجع لزيرو خالص لأ أحنا بنقول أن أحنا كنا عايزين هذا الأنفاق ولكن فى أوجه أخرى
د/عثمان :أختيار الأوجه لطبيعة الأقتصاد المصرى يعنى النمو أللى كان بيحصل فى الأقتصاد المصرى والنمو حتى فى الربع الأول والربع التانى مع بداية الأزمة الأنفاق الأستهلاكى ما تأثرشى بشكل ملحوظ بحيث أنى أنا المسئول عن النمو الأقتصادى كان أستمرار زياده الأنفاق الأستهلاكى والأنخفاض أللى حصل فى الطلب الكلى كان فيه الأنفاق الأستثمارى بالذات من القطاع الخاص ودا كان قرارنا أنوا تعويض النقص أللى هيحصل سواء القطاع الخاص سواء المحليه أو الأستثمار الأجنبى وبالتالى من ناحية المبدأ أن أحنا نضخ الأعتمادات الأستثماريه بصفة أساسيه ال 15 مليار كان منهم 15 للمجالات الأستثماريه
لميس الحديدى: أه بس أللى حصل يا دكتور حاجه تانيه أللى حصل هو أرتفاع فى معدلات الفقر 3%
د/عثمان :لأ خلينى بس الأول يعنى ما وضحتش ليه أحنا قررنا أنوا10 % الحقيقى أكتر من 10،10 ونص مليار من ال15 راحت لمشروعات أستثماريه فى مجالات أحنا فى كل الأحوال هذه المشروعات مطلوبه علشان نربط للصرف للطرق لتحسين أحوال المعيشه هذه المشروعات هنعملها هنعملها الأزمة حصلت كنا هندخلها فى برنامج 10 ، 11 ، 12 وبالتالى أنا كان عندى أنفاق أضافى من غير ما أثر على عجز الموازنه ودا النجاح الحقيقى لبرنامج ال 11 مليار الأضافيه أللى أضيفت فى موازنة 2008 ، 2009 ظل نسبة العجز هى هى فى الجدول أللى حضرتك نشرتيه على الشاشه ودا أحد السيمات الأساسيه لبرنامج الحافز المالى
لميس الحديدى: أنا هخلى دكتورة فائقة ترد على حضرتك لكن أنا عايزه أعرف فيما ستنفق ال10 مليار الأخرى؟
د/عثمان :منهم تقريبا 9 مليار لأستكمال المشروعات
لميس الحديدى: طب ما أحنا عندنا نفس المشكلة إذا كنتم كنتوا شايفين أن المشكلة الأستثماريه فى المرحلة الأولى أنتم دلوقتى عندك مشكلة بطالة زادت عندك مشكلة فقر زادت أنت ما بتعالجش المشاكل دى أنت مصر على نفس النهج السابق
د/عثمان :أحنا أساسا كأقتصاد زينا زى كل أقتصادات الدنيا مرينا بسنه صعبه جدا الحاجة التانيه أدى قوة دفع للأقتصاد لما الأقتصاد يبتدى يشد يبقى مبنى على مشروعات البنيه الأساسيه أللى زى ما بقول لحضرتك مطلوبه مطلوبه لحاجتين لتحسي مستوى المعيشه فى الخدمات الحاجة التانيه أنها توفر قواعد أقتصاديه لما الأقتصاد يبتدى ينطلق إلى هذه القاعده القويه
لميس الحديدى: دكتورة فائقة
د/فائقة :هو الحقيقه يعنى طبعا متضرين أن هما يستمروا فى نفس الأتجاه لأنوا طبعا مشروعات الصرف الصحى والمياه والطرق وكل الكلام ده مطلوب جدا وله مردوده على الأستثمارات فى المستقبل فحقيقى ما بيعالجش البطالة بشكل مباشر لكن له مزايا أخرى كثيرة ومطلوبه وأعتقد أنوا من السليم أن أحنا نستمر فى هذا بس يا ريت يركزوا على بدلين أو تلاته أو أربعه علشان يعملوا فيه أنجاز يساعد على التشغيل وفى نفس الوقت ويقضى على مشاكل القطاعين الحقيقة الأستثمار المحلى جنبا إلى جنب مع الأستثمار الأجنبى أنا النهارده لما ببص إلى الأستثمار الأجنبى أحنا أكثر من 38 مليار دولارأستثمارات أجنبيه لما تبصى حضرتك على المستثمر فى قطاع الصناعه والزراعه والصناعة التحويليه بتجدى أنوا لا يزيد على 14% من جملة الأستثمارات قطاع الزراعه كله وقطاعات الصناعات التحويليه جميعا فين الأستثمار الأجنبى بيعمل أيه بيروح للأتصالات بيروح للقطاع العقارى بيروح للخدمات وكده أحنا عايزين بقى من النهارده نبص للأستثمارات الأجنبيه أنها توجه جهودها للصناعات التحويليه والصناعات التصديريه الكبيرة وأيضا الصناعات الصغيرة غير طبعا التعاون ما بين الصين وأفريقيا الصين ومصر يعملنا قرى صينيه داخل مصر فى ربوع مصر ننمى الصناعات الصغيره فى مصر أنا بعتقد أن الصناعات الصغيرة مهمه جدا
لميس الحديدى: دكتور عثمان معلش أنا مختلفه مع الدكتورة فائقة ومع حضرتك أنا شايفه
د/عثمان :لأأنا عايز بس أوضح الكلام أللى قالتوا الدكتورة فائقة أن أحنا بالتأكيد سواء فى البرنامج الأول أو البرنامج التانى مركزين على برنامجين أساسيين أللى هما مياه الشرب والصرف الصحى يعنى من بين ال10 مليار البرنامج السابق منهم 7 مليار لصرف الصحى ومياه الشرب تقريبا نص ونص يعنى 3 مليار شويه و3 مليار وشويه
لميس الحديدى: فيه سؤال مهم جدا يا دكتور كان قال عليه دكتور هانى وهو أن الناس ما بتحسش لا حست أيام ال 7% ولا حاسه دلوقتى بال 4% متقوليش الزياده السكانيه لو سمحت
د/عثمان :لا لا البدء فى المناقشه ومحاولة الوصول إلى برامج وسياسات هدفنا هو بس لما بنتكلم عن الناس ومجموعهم يعنى لما بنعمل محطات ميه بنزود الطاقه المتاحه من الميه بالتأكيد القريه أللى معندهاش ميه وزبقى عندها ميه لو سألتيهم هيقولك هو ما يعرفش العلاقه بين النمو الأقتصادى وبين الميه بس بالتأكيد هيبقى مستريح وهكذا فى المجالات المختلفه الدكتورة نجلاء الهوارى أشارت مثلا إلى مسألة الطرق أنها مركزة فى الطرق الكبيره حطينا مليار جنيه أضافيه للتنميه المحليه يعنى حوالى 300 مليون رايحه لطرق إللى بين القرى
لميس الحديدى: لسه عندك 3% زياده فى معدل الفقر كام مليون يا دكتور
د/عثمان :2% يعنى 2% من السكان نقول 80 مليون حوالى 2 مليون واحد فى الحاجات دى المتوسطات متديش لأن أحنا عندنا يمكن حضرتك عارفه والدكتوره فايقة يمكن قالتلك أنوا عندنا خريطة إجتماعيه بنحدثها كل سنتين عن الفئات الإجتماعيه المختلفه زى ما بنتكلم على أن نسبة الفقراء زادت فيه أسر أللى كانت تحت خط الفقر وطلعت فوق خط الفقر زادت أيضا
لميس الحديدى: لأ أزاى يعنى إذا كان الرقم هو رقم واحد
د/عثمان :سواء فيه سياسه إيجابيه أو ترتيبات سلبيه موقف كل واحد فينا بيتوقف على دوره فى العمليه
لميس الحديدى:أيوه يا دكتور بس فى النهايه معدل الفقر 21% طبقا للى أنتم بتقولوه البنك الدولى عندوا معدل أعلى شويه
د/عثمان :أه بس أنا يهمنى أعرف مين أللى أستفاد ومين أللى أضر ؟ زى ما قال الأستاذ هانى بوضوح أن النهارده بقى عندى من خلال هذه الخريطه بقى عندى تحديد لفين هما الأسر الفقيره يعنى حوالى نص الفقرا المصريين مركزين فى ال100 قريه فلما بعمل برامج سواء لتحسين مستوى المعيشه أو لتوفير فرص عمل فى هذه القرى بالأضافة إلى البرامج العاديه لكن بعد برنامج محدد للتعامل مع هذه المشكله أحنا بكل تأكيد البرامج فى الفترة أللى فاتت سواء فى مرحلة النمو أو للأسف فى ظل سنه الأزمة أصبح المطلوب قدمنا لازم نعود لمستويات نمو أعلى وفيه التعامل مع برامج تتعامل مباشرتا مع التنميه الأجتماعيه
لميس الحديدى: سنه الأزمة دى هتخلص ولا مش هتخلص ولا أيه ؟
د/عثمان :المؤشرات بتقول يعنى الربع الأول المعدل حوالى 5% أحنا بالتأكيد الأقتصاد المصرى فى طريقه لى معدلات نمو أعلى دا مش معناه ة
لميس الحديدى: لأ لسه أوعى تقول للناس كده لازم تقولهم لسه كتير كده دايما هتجيبوا الفلوس منين يعنى أعتقد دكتور غالى قال هيستلفهم
د/عثمان :لأنوا برده الهدف أنوا ميحصلش زياده عجز الموازنه هتقترض من الجهاز المصرفى عنده سيوله كبيره جدا مفيش مشكله
لميس الحديدى: لأ يعنى هتستلف من جوا برده بتزود نسبه
د/عثمان :لأ للهيئات الأقتصاديه مش للتعامل مع العجز فى الموازنه الدكتورة فائقة يعنى أحسن منى تشرح
لميس الحديدى: بس فى النهايه ماهو دين جديد على الدوله أشكرك وزير التنمية الأقتصاديه الدكتور عثمان محمد عثمان دكتور عثمان دايما متفائل يعنى ونقول صحيح نسبة الفقر زادت بس إن شاء ألله الأزمة هتخلص فربنا يسهل فهنخرج فاصل أجرينا حوارمع رئيس بنك أوف نيويورك كان فى زيارة للقاهرة مؤخرا جورج هاسيل يتحدث لنا فى دقائق قليله عن الوضع فى الولايات المتحده سوق العقار شكل الحاله فى أمريكا أيه ؟
فاصل
لميس الحديدى: سيد جاز هاسيل رئيس بنك أوف نيويورك بعد حوالى عام من الأزمة الماليه العالميه هل نحن فى بداية تعافى فى الأقتصاد العالمى ؟ هل هناك مؤشرات على تحسن الأقتصاديات العالميه ؟
جورج هاسيل:بالتأكيد هناك أمل هناك بالفعل شواهد على التعافى وبدا ذلك واضحا على المؤسسات الماليه الضخمة التى تعافت بعد أن كادت تقع ومن الناحية الفنيه فنحن خارج دائرة الركود فى الولايات المتحده الأمريكيه على الرغم من عدم الشعور بذلك وأنا أقول ذلك لأنه سوف يكون هناك عملية تعافى نحن لا نزال نلاحظ فقدان العديد من الوظائف لكن نظرا لبطء عملية التعافى لكن هناك علامات تدل على الأستقرار الأقتصادى على الرغم من أن سوق العقارات قاربت على المستوى الأدنى فهذه أخبار جيده وبدأنا بالفعل نرى شركات تجنى الأرباح ونرى بوضوح مشاركة السوق المفتوحه فى جنى الأرباح
لميس الحديدى: السيد جاز هاسيل يعنى من هم فى رأيك الفائزون والخاسرون من هذه الأزمة الماليه الطاحنه ؟ إذا كان هناك يعنى رابحون من هذه الأزمة ؟
جورج هاسيل:نعم الخاسرون فى الدرجة الأكبر هم فى الأغلب كل شخص له دور فى عملية الأقتصاد عندما تراقبين شركة مثل جنرال موتورز تعلن عن أفلاسها فى البدايه ثم تستحوذ عليها الإدراة الأمريكيه مما أدى إلى فقدان الألاف والألاف من الوظائف هذه هى الخسارة الحقيقيه التى تضرب الأقتصاد الأمريكى فى مقتل كما تعلمين فأن مؤسسات ماليه ضخمة أعلنت أفلاسها مثل دريبل ستون كما دمج شركات مع أخرى الأمر الذى أدى إلى فقدان الألاف من الوظائف فى جميع الأنحاء وفى هذا القطاع أيضا لذا فالجميع عانى من خلال هذه الأزمة ولهذا فالأمر سيطلب المزيد من الوقت لإستعادة الثقة وأستعادة القدره مع زيادة النمو مرة أخرى أما الرابحون فهم الذيك كانوا يقامرون سعيا وراء الثراء فهناك بالفعل من قام بذلك
لميس الحديدى: فى رحلاتك لى دول منطقة الشرق الأوسط كيف تقيم تأثر هذه المنطقه وأقتصادياتها الناشئة بالأزمة الأقتصاديه هل نشهد أيضا فى هذه المنطقه بوادر بعض التحسن فى الأقتصاديات ؟
جورج هاسيل:بالتأكيد والشىء الجميل هنا فى المنطقه ومصر مثال كبير على ذلك هو أن من الواضح أن مصر تشهد حاليا تدفقا هائلا فى أموال الأستثمار فقد أنخفض معدل سعر الفايده الأن فى العالم ويبحث الناس الأن عن النمو وعن أماكن الأستثمار وأعتقد أن مصر سوف تشهد زياده فى الطلب على الأستثمار فيها فالأقتصاد ينمو بزياده نحو 5% وأتوقع أ يصبح 5,5% خلال السنه القادمة معظم الدول تتمنى أن يكون معدل نموها على هذا النحو
لميس الحديدى: سيد جورج هاسيل إذا كان لديك أنت كمصرفى والبنك الذى كنت تعمل فيه درسا واحدا يعنى تعلمته من هذه الأزمة أو السنه الكبيسه جدا على الأقتصاد العالمى ما هو ؟
جورج هاسيل:ربما درسان أحدهما أنه ليس للمرء أن يتوقع معدل نمو للأبد وأعتقد أن العدين من المؤسسات الماليه أعتقدت أنها سوف تستمر فى الأسواق والدرس الأخر أعتقد أنه إذا لم يفهم المرء أنه ما هو الأستثمار فلا يقوم به فالعديد من الناس قاموا بأستثمار أموالهم فى أشياء ذات أسعار عاليه دون دراسه ومن دون فهم حقيقى لماهية هذه الأستثمارات ونتيجة لذلك تم تتمين هذه الأشياء بأسعار عاليه جدا أكثر من سعرها الحقيقى وأعتقد أن العنصر الثالث يتمثل فى المستهلك فلا يمكن للمرء أن يتوقع سعرا لمسكن مضاعفا عن سعره الحقيقى للأبد لذا فكلنا مذنبون من خلال هذه العمليه من المستهلك حتى كبريات المؤسسات كنا نؤمن أن السماء لا حدود لها ولكن ثبت عكس ذلك
لميس الحديدى: كنا نظن يعنى أن السماء متسعه وليس لها حدود ولكن السما أطربقت على دمغاهم وعلى دماغ الناس أللى فى البورصه يا دكتور هانى ؟ وقعت الدنيا على دماغ الناس أللى فى البورصه عندنا فى مصر ؟
د/هانى :طبعا 2008 كانت سنه كبيسه جدا على الناس بس برده لازم نقول حاجه يعنى أنوا أعتبارا من أول العام حتى هذه اللحظه حصل تحسن كبير يعنى مصر والسعوديه من أكبر الأسواق أللى حققت أرباح وعوضت جزء من خسائرها لكن دا مش معناه أن الوضع مستقر لأننا مرتبطين برده بالعالم كله
لميس الحديدى: بس لما القيمة السوقيه تنزل 37% دا معناه أن قيمة الشركات نفسها قلت يعنى فى السوق
د/هانى :طبعا لكن برده مننساش أن أحنا وصلنا فترة من الفترات إلى ما يسمى بالفقاعه يعنى كان فيه الأسعار كانت مبالغه فيها وكان مضاربه وكان لاتوجد معايير فكان طبيعى أن يحصل جزء من هذه الأزمة وعجلها طبعا الأزمة الأقتصاديه
لميس الحديدى: طب هاخد تليفونات بس عيزاك تقولى ننصح المستثمر فى البورصه بى أيه ؟ يعنى تقولوا يعمل أيه فى الفترة الجايه هاخد أتصالات بقى سامى من الأسماعيليه أتفضل يا سامى
سامى:ألو سلامو عليكم
لميس الحديدى: وعليكم السلام
سامى:لو سمحتى أنا عندى يعنى حاجات بسيطه كده وأن شاء ألله تلقى أعجابكم بالنسبه لحل مشكلة البطالة والفقر فى مصر هى بتعتمد على شقين شق الأول هو التعليم
أن أحنا عايزين نستبدل تعليم الثانوى العام إلى ثانوى فنى موجه يكون مده الدراسه فيه 5 سنوات علشان أللى يطلع بعد كده يبقى عنده خبره فى الحياه
لميس الحديدى: والتانى
سامى:بمعنى أنوا بعد ما يخلص الأعدادية يبقى مثلا أيه يدخل ثانوى توجيهى فنون مثلا تمريضيه ومعمليه وأشعه يعنى مثلا ثانوى توجيهى
لميس الحديدى: الأقتراح التانى يا سامى
سامى:التانى أللى هو أعادة تثقيف المواطن المصرى بالحافز المادى فى التعامل مع المخلفات أللى زى الزبالة سواء مخلفات المنازل ومخلفات المطاعم محلات المزارع الصرف الصحى أن أحنا نعمل أيه نخلى المواطن نحسسه بأن أحنا نخصص بأن أحنا بنخصص فلوس نشترى بيها منه المخلفات
لميس الحديدى: شكرا يا سامى طلعت من المنيا أتفضل يا طلعت
طلعت: مساء الخير
لميس الحديدى: مساء النور أتفضل يا طلعت
طلعت: الحقيقه أنا قبل ما أتكلم عايز أشكر البرنامج وكل المقيمين على البرنامج وأنتى قناه يعنى مش أستغلاليه أنتى قوميه أنا عايز أقول لحضرتك حاجة أنا أدخلت معاكى قبل كده وأتهدت بالقتل بخصوص فلسطين فاكرانى
لميس الحديدى: مين أللى هددك أنا ولا مين ؟
طلعت: لأ مش أنتى أللى هددونى التليفونات والأخوان حبايبنا يعنى
لميس الحديدى: قول يا طلعت
طلعت: المهم مش هى دى القضية بالنسبه للبطاله أللى فى مصر الحاليه سببها الرئيسى التعليم أولا مفيش معلم الرئيس حسنى مبارك عمره ما أخطأ فى حياته دايما بيعمل لمصلحة مصر الكادر أللى عطاه للمعلم زور المعلم النهارده مفيش تدريب أطلاقا الدبلومات وألله ما يعرفوا يكتبوا أسمايهم
لميس الحديدى: خدوا الفلوس وحطوهم فى جيوبهم والدروس الخصوصيه شغاله شكرا يا طلعت ومحدش يهددك مين دا أللى يقدر يهددك ؟ عادل أتفضل يا أستاذ عادل
عادل:أنا بوجه كلامى للدكتور هانى ثرى الدين بخصوص برنامج الأصلاح الأقتصادى وأنوا الفقر زاد 3% وكانت فيه دكتورة بتتكلم عن الباكتج الأول والباكتج التانى أحنا عايزين نسمع خبر حلو من الدكتور هانى
لميس الحديدى: نسمع خبر حلو من الدكتور هانى هندور على خبر حلو فى خلال دقيقه عبد المجيد من أسكندريه أتفضل أستاذ عبد المجيد
عبد المجيد:سلامو عليكم
لميس الحديدى: وعليكم السلام أتفضل
عبد المجيد:وألله يا فندم ورد من المؤشرات أللى ذكرتوها أن معدل التضخم فى حدود 9,9 %دا كدب أنا كمواطن شايف أن معدل التضخم دا بسيط المعدل فوق خالص هل دخل فيه زيادة أسعار الكهربا والميه الأسعار دى زادت وأسعار اللحوم زادت من 15 لى 20 % والفواكه والمواصلات وبعدين فيه حاجة تانيه معدل الأدخار فى البنوك نزل دا مش دا برده يعتبر زيادة أسعار
لميس الحديدى: أنا معاك تماما يا أستاذ عبد المجيد لسه فكر فى خبر كويس دكتورة فائقة تحبى تردى على الناس ؟ ليه الناس حاسه أن معدل التضخم أعلى 10%
د/فائقة :هو يمكن يعنى البيانات أللى بيجمعها جهاز التعبئة العامة والأحصاء من الأسواق
لميس الحديدى: بتقوم على الأسعا المنخفضة جدا يعنى عايز أقولكم كده أن معدل التضخم الحقيقى أعتقد أنوا فى حدود 13 كده 14
د/فائقة : بوافقك على هذا ويمكن يكون أكتر شويه
لميس الحديدى: هما بيحسبوها كده يا أستاذ عبد المجيد على معدلات باسكت قليله شويه أسعار منخفضه شويه عندك خبر حلو ؟
د/هانى : يعنى أعتقد أن الفترة الجاية فترة ترقب
لميس الحديدى: يعنى بتنصح المستثمر يعمل أيه ؟
د/هانى : كالعادة من ساعات ما بنقول دايما بقلنا سنوات عديده لا تنزلق وراء الأوهام والمضاربات التى ليس لها أية مبررات
لميس الحديدى: أدخل من فاند أو صندوق أو شركه متخشش لوحدك وتعقد على النت
د/هانى : بنضارب بشكل مبالغ فيع وبنشوف بقى مأسى
لميس الحديدى:دكتورة فايقة متفائلة ؟
د/فائقة : إلى حد ما
لميس الحديدى:إلى حد ما طيب أحاول أكون أنا كمان متفائلة أنهى هذه الحلقه بقليل من التفاؤل يعنى نتمنى أن أحنا يعنى يكون عندنا أساسيات هذا الأقتصاد نستطيع أن أحنا ننطلق منها لكن أرجو من الحكومة أن يكون قدمها دايما معدل البطالة دايما معدل الفقر دايما معدل الأمية والتعليم موضوع التعليم دا موضوع كبير قوى بشكركم لكن أهم حاجه عايز أقولهالكم قبل بس ما أنهى هذه الحلقه فاضل 4 تيام على ماتش مصر والجزائر يعنى أرجوكم كلنا نروح نشجع الناس هناك فى مصر ونشجعها فى الأستاد وموضوع الأخوه بقى أحنا والجزائر أخوه وكده أنسوه شويه 4 تيام ننساه يعنى بلاش كده يعنى أنا بحرضكم بصراحة شديده جدا أحنا ورا فريقنا للأخر هذه معركة هامه جدا ما أحنا ما وراناش حاجة غير الكورة يعنى ما أحنا بما أننا ما بنقدرش نقول رأينا فى السياسه بشكل قوى جدا فى الأقتصاد ساعات نقول وساعات نرجع فعلى الأقل قدمنا الكورة الكورة هى ساحة الديمقراطيه الكبيرة أحنا ورا فريقنا للأخر بس أوعوا تبوظوا الماتش يعنى هما هيستفزونا للدرجة القسوى أرجوكم ما ترموش قزايز ما ترموش حاجات ما تبوظوش الماتش هما مستحلفلنا مستنيين أى خطأ من الجمهور المصرى علشان يبوظوا الماتش أرجوكم ما تبوظوش الماتش موضوع الأخوه دا بقى دا موضوع ممكن يكون على مستويات عليا مستويات حكومات رويسا أحنا ملناش دعوه أحنا نازلين نشجع فريقنا للأخر ونفضل ننكد عليهم للأخر دا شىء طبيعى جدا ومشاعر طبيعيه جدا ننكد عليهم وأحنا نشجع فريقنا شىء طبيعى مشاعر مثاليه جدا ونخلى الأخوه دى للسياسه أحنا ملناش دعوه بالسياسه وأشكركم وربنا أن شاء ألله يكرمنا فى الماتش ونكسب 3 أشكركم وأشكر ضيوفى وهذه لميس الحديدى تحييكم وتصبحوا على خير ..