نادر دياب: بسم الله الرحمن الرحيم اهلا بحضراتكم في حلقة جديدة من مساحة للراي.. حول دور القوات المسلحة والشرطة في تامين الاستفتاء ونجاح الاجراءات الامنية في مكافحة الارهاب تدور حلقة الليلة من مساحة للراي ويسعدنا ان يكون ضيفنا وضيفكم الاستاذ احمد ايوب مدير تحرير مجلة المصور.. مبروك لمصر النتيجة الرائعة في الاستفتاء وعايز اعرف كيف تابعت الدور الذي لعبته القوات المسلحة والشرطة في تامين اللجان الكاتب الصحفي/ أحمد ايوب: هو دا الجيش المصري ودا اللي اتعودنا عليه منه انهه حائط الصد الاخير لحماية المصريين.. اكتر من 160 الف ضابط وصف جندي امنوا 3317 لجنة وبجانبهم 200 الف رجل شرطة يعني بتتكلم في رقم غطى الجمهورية والاهم انه وانت داخل مش حاسس بعبء التامين..حتى الاقبال اكتر من 20 مليون فكان فيه نوع من الراحة النفسية للناخبين وماوجدش اي مشاكل وكبار اسن بيتم معاونتهم في اللجنة والفكرة انه ايه هي عقيدتك في التامين والجيش عقيدته انها مهمته المقدسة انه يامن المواطن المصري من اي عداءات خارجية او داخلية وخلي بالك ان شعةور المصريين بالامان مرتبط بالمشاهد دي ونسبة كبيرة للمصريين انها كانت خايفة تنزل ولذلك كانت ارسالة للقوات امسلحة انها توري مشاهد تكثيف التامين نادر دياب: اعتقد ايضا تصريحات الفريق السيسي انه امان المصريين مهمته الاولى الكاتب الصحفي/ أحمد ايوب: الامان جزء من الجيش وجزء من الشرطة والحقيقة انت كنت عايز امان من نوع مختلف انه انت بتتكلم عن جماعة تهدد بتفجير لجان وحرق وقتل ومكانش فيه مشكلة انه يقوموا بعمليات تفجير بدليل انه في اول يوم سمعت انفجار عبوة ناسفة عند محكمة امبابة فدا الهدف منه انه الناس ماتنزلش ولكن الشعب المصري نزل.. التامني الحقيقي كان بتوافد المصريين على اللجان نادر دياب: عايز اعرف سلوكيات المصري العظيم والنساء والفتيات في هذا الاستفتاء الكاتب الصحفي/ أحمد ايوب: انت بتتكلم على اعلى نسبة مشاركة على مدار تاريخ مصر نادر دياب: يمكن اعلى من الاستفتاء الماضي استفتاء الاخوان الكاتب الصحفي/ أحمد ايوب: ترتيب الاقبال على صناديق الانتخاب بيترتب تنازليا في الانتخابات البرلمانية باعتبارها اعلى نسبة وكل مرشح بيحشد انصاره بعدها على طول الانتخابات الرئاسية نادر دياب: وشفنا الاعلام مرفوعة الكاتب الصحفي/ أحمد ايوب: انت كنت في يوم وطني مش في استفتاء عادي وكل مصري كان بيعلن انتماؤه للبلد دي والعالم كله متوقفش عند فكرة انك تروح تصوت العالم توقف عند الاحتفالات بره اللجان والناس احتفلت بقى يدخل يصوت ويكمل ويحتفل والاهم على الفيس بوك كم الناس اللي راحت صوتت وطلعت تتصور مع القوات المسلحة والشرطة لان المؤسسة العسسكرية نجحت انها تخلق فكرة المصداقية والناس بتحبه وواثقة بقدرته على تامنيها نادر دياب: شفنا فرق قتالية جديدة الكاتب الصحفي/ أحمد ايوب: الشرطة بدات تستعيد قوتها ولكن انا بتكلم عن بعض التجاوزات الفردية اللي بدات تسئ الى الشرطة بمعنى انه انت الشرطة موجودة تحت ضغط شديد جدا والله يكون في عون الشرطة اللي بيتشتموا بابوهم وامهم وبيستفزوا بانواع كتير من الاستفزاز ولكن ايضا مطلوب من الرجل الامني انه يكون عنده اقصى درجات ضبط النفس نادر دياب: يوم الاتنبين كان فيه تصريحات لوزير الداخلية في تخريج دفعة جديدة من الشرطة في احتفالات 25 يناير وستكون على نفس المستوى الكاتب الصحفي/ أحمد ايوب: احنا مابقناش نخاف من امناء الشرطة بسبب انه الفعاليات الاخيرة اثبتت ان الشرطة استفادت من الدروس والاخطاء الماضية وثانيا ان رجل الشرطة تغيرت عقيدته الى حماية المواطن مش التكبر على المواطن ولا قمع المواطن.. الامر التاني انه الجيش بقى في ضهر الشرطة فبقى فيه تكامل في الاجهزة الامنية والحاجة التالتة انه المواطن عندما شعر ان هناك معاملة جيدة من الشرطة فبدا يساهم انتوا عايزني اعمل ايه.. والمواطن هو عنصر الامن الاول وانت لو لقيت عربية مركونة وشكيت فيها ايجابيتك انك تبلغ .. نادر دياب: في زيارة الرئيس عدلي منصور ومعه وزير السياحة وتراس المجموعة الاوربية الكاتب الصحفي/ أحمد ايوب: انت عبرت مطب كبير قوي اسمه الاستفتاء وبمجرد ما اعلنت النتيجة ومجرد ما المؤشرات بس بدات الدول تقول تحت امرك انت عايز ايه وتهاني من فرنسا والاتحاد الاوربي وحتى امريكا بدات اتصريحات تتراجع وحتى الست آن باترسون نادر دياب: لازم نتذكر انه لا يؤمن لهم جانب الكاتب الصحفي/ أحمد ايوب: هما اكتشفوا انت بتعارض شعب وواقف قدام ثورة شعب والثورة تاكدت داخل الصناديق وآن باترسون اللي مشيت قبل معادها لما عرفت انها واقفة امام ارادة شعب ولكن الان هناك ضغود شديدة من البنتاجون على اوباما لاعادة تقييم العلاقة بين امريكاوالقاهرة.. وفكرة ان امريكا تمشي بشكل اعمى وراء المخطط الاسرائيلي عشان تحقق فكرة اسرائيل الكبرى اللي مكان بيخطط ان الاخوان يكونوا طرف فيها عن طريق سينا.. يبقى انت امام تغير نوعي نتيحجة الاستفتاء ونتيجة اصرار المؤسسة العسكرية على عدم الرضوخ للضغوط والضغوط التي تغعرض لها الفريق اول عبد الفتاح السيسي كانت ضغوط لا يتحملها جبل من التهيديد بالتدخل وتشويه صورته وتغذية الارهاب في منطقة سينا وهذا الصمود من المؤسسة العسكرية اللي سانده الشعب المصري هو اللي انتج هذا التغير نادر دياب: واحنا بنتكلم على سيناء عايزين تقييم للعمليات اللي قامت بها قواتنا المسلحة وشفنا عناصر من القوات التكفيرية وهي تتساقط كيف تقيم اداء القوات المسلحة في سيناء الكاتب الصحفي/ أحمد ايوب: ماهو دا احد التحديات اللي انت مركز فيها قوي لانه خلق مساحة خارج الدولة ودا جزء من الحرب غير مباشرة والجيش التاني الميداني بيقود هذهالحرب بشراسة وشايفين الفترة الاخيرة تقدم نوعي ملحوظ في اداء الجيش ودا نتيجة انت جففت تقريبا منابع هذه الجماعات واحكمت سيطرتك على كثير من المداخل خاصة الانفاق وقدرت تسيطر ودا لا يمنع ان الارهابلا امان له لانه ممكن عنصر واحد يفجر لك مكان وممكن يحصل في اي وقت وفي اي بلد..لكن النتيجة الاجمالية حتى الان انه انت بتحقق انتصار واضح على الجماعات في سينا وفي داخل القاهرة والمحافظات الاخرى..الاخوان بدأوا يشيروا فيديو عن فكرة المقاومة الشعبية وازاي تقاوم الشرطة عشان تقضي عليها انا انبه ان هذه الفيديوهات محاولة اخوانية لكسب ارضية جديدة ودا معناه انه بيحاول يجند اخرين لان جنوده على الارض ضعفوا وانتهوا فبدا يقولك لما تقتنع بالفكرة حاول تقنع معها خمسة وبعدين يقولك لو ماقدرتش يكيفينا انك وحدك تقاوم ودا مؤشر انه واحد بيصارع عشان يبقى ويبقى نقطة الجامعات واعتقد انه فيه خطأ بيمارس في الجامعات انه رؤساء الجامعات القوا القرى المشتعلة في حضن الشرطة والحل الامني يجب ولكن لا يكفي ويجب ان الجامعات تبدا تناقش الطلاب خاصة انه هناك شباب من تيارات اخرى بداوا يستفزوا فبداوا يشاركوا الاخوان في المظاهرات ويجب البدء في عملية حوار .. ولكن على بقية مؤسسات الدولة انها تبدا في حوار واين دور الاحزاب اللي همها هتاخد ايه في الانتخابات نادر دياب:موضوع التمويل والتنظيم الدولي للاخوان الى اين ياخذهم هذا المسار برغم نجاح الاستفتاء الكاتب الصحفي/ أحمد ايوب: التمويل دا نتيجة حاجة .. التنظيم الدولي المركزالاساسي ليه كان مصر وبالتالي انهيار التنظيم الدولي في مصر يعني انهيار الجماعة وبالتالي كان من الطبيعي انه يحشد كل قوته ويستغل الدعم التركي والتاييد القطري عشان يحاول يقول انا موجود ولكن ما يهمني انا كمواطن مصري اني ابقى يقظ لعمليات الغزو اللي بتحصل وهناك طوائف من الشباب يتم اختراقها الان ومهمة الدولة انها تفتح باب نقاش مع هؤلاء نادر دياب:شكرا لك والى اللقاء