عنوان الحلقة واهم ما جاء بها : الوضع الاقتصادى فى مصر والنهوض بالاقتصاد الاعداد : سكينة حمدى اسماعيل عمرو توفيق : اهلا بكم وحلقة جديدة من 45 دقيقة نتحدث فى تلك الحلقة عن الاوضاع فى مصر والعامل المصرى والسياحة نشوف تقريرونرجع نكمل هذه الحلقة تقرير : السياحة والعامل المصرى يمثلان احد الاعمدة الرئيسية فى الاقتصاد لهذا تقام العديد من الفاعليات للنهوض بالسياحة وتنمية الصناعة فى مصر مواطن : احنا فى مرحلة لابد ان احنا نمد ايدينا كلنا لبعض نتجاوز عن اخطاء كانت موجودة نقدر نعمل شكل من اشكال التعاون وهى مبادرة بيننا وبين اصحاب الاعمال فى صالح المجتمع بالكامل فى صالح اقتصادنا فى صالح العمال المسئولية الاجتماعية اللى علينا كلنا مش عمال بس مواطن : التشجيع بالنسبة للاقتصاد فى اى بلد فى العالم عمل مشروعات صغيرة الاستثمارات اللى جاية من الخارج هذا يدعم الاقتصاد المصرى مذيع : ولان تقدم الشعوب يقاس بحجم اقتصادها لهذا فلابد من وضع الخطط الاستراتيجية لتنمية الاقتصاد المصرى حفاظا على هذا الكيان وضمانا لتحقيق مطالب الشعب المصرى عمرو توفيق : مؤسسة standers and balls كما قلنا ونكرر رفعت التصنيف الائتماننى لمصر الى b- استاذنا الدكتور طارق حماد عميد كلية تجارة – جامعة عين شمس يعنى ده تاثيرة ايه على البورصة سمعنا ان البورصة بدات تحقق ارقام جيدة فى المكاسب ولكن فجاة بنلاقيها نزلت وفجاة بتطلع تانى ايه القصة دى مش فاهمينها احنا عارفين ان كان فى راى شهير للدكتور كمال الجنزورى ان البورصة ليس ارتفاعها مؤشرا على ان عندنا اقتصاد كويس وليس انخفاضها مؤشرا ان اقتصادنا وائع .. الدكتور / طارق حماد : هى البورصة مؤشرا للاقتصاد القومى فمثلا اذا جاءت اخبار جيدة مفروض ان البورصة بترتفع الاسهم اذا جاءت اخبار سيئة او اى امور بتضر بالناحية الاقتصادية فى البورصة بنتخفض اسعار الاسهم اووجدت اضطرابات او اى حاجة البورصة دائما هى مراة للاقتصاد القومى كان رئيس بورص نيويورك جاى فى رحلة لمصر وبعدين حصل ان بورصة نيويورك انخفضت انخفاض شديد جدا الراجل رجع فى نفس الطيارة واول كلمة قالها قال الاقتصاد الامريكى بخير واحنا كل المقومات الاقتصادية عندنا سليمة حصل ان الزعر اللى كان سايد فى البورصة زال بسرعة والبورصة استعادت عافيتها بسرعة فهى ده بيدل ان الاقتصاد او البورصة هى مراة للاقتصاد وبعدين بنقول البورصة بعض الناس بتبص لها انها قمارلأ هى مش قمار عمرو توفيق : هذا ما اردت الا اذكرة الدكتور / طارق حماد : مش قمار هى عبارة عن مكان نباخذ فيه الناس اللى عندها مدخرات زيادة عايزين يستثمروها بيشترى اسهم وسندات على قدر طاقتة يشترى 10 اسهم 100 سهم 10 الاف سهم 100 الف سهم البورصة مكان ان احنا نعبأ مدخرات الافراد ونبتدى نستثمرها فى مشروعات المشروعات اللى بتنشا جديد بتيجى عايزة اموال فا بتطرح فى مجموعة من المؤسسين بيؤسسوا مشروع او شركة كبيرة ويطرحوا بقية الاسهم على المساهمين فى البورصة والناس كلها بتشترى افراد ومؤسسات ونبتدى نعمل مشروعات جديدة فى البورصة لها دور مهم جدا فى الاقتصاد القومى لا يمكن انكارة عمرو توفيق : احنا مازلنا فى مجتمع فيه درجة من درجات الاضطراب السياسى احنا بعد بكرة انشاء الله ذكرى محمد محمود دعوة لمظاهرات ووقفات احتجاجية تاثير المظاهرات والوقفات الاحتجاجية ايه على الاقتصاد القومى احنا عايزين نبتدى نتحرك وتبتدى العجلة تدور القلاقل السياسية مش بتكون عقبة اداة فى طريق اى اقتصاد فى الدنيا الدكتور / طارق حماد : اكيد طبعا لو فى مستثمر جاى ولقى شوية حرائق وشوية ضرب فهو ما بيخدش بالة ان دى فى منطقة موحدة معينة فا يقول البلد كلها كده فاتبص تلاقى فى ناس فى الشوارع عملوا كام طوق او كام كوتش ولعوا فيهم فا يقولك عمرو توفيق : كاوتش وطوب ومولوتوف فا يقولك يتهيا له ان البلد كلها مولعة وان الناس مش عارفة تعيش هوميعرفش ان دى مركزة فى عدد محدود ومنطقة محدودة بياخد كل عاطل فى باطل ويقولك لأ انا دى منطقة اضطرابات السائح نفسة يخاف يجى فا تبص تلاقى ان احنا بنخسر استثمارات علشان نقدر نشغل الشباب بنخسر دخل من السياحة كبير جدا كان بيساعدنا بنخسركمان الناس المحليين حتى يبتدى يخاف يخرج يقع ويخاف يزاول انتاج يقولك ليطلع عليا حد مثلا بلطجية ياخدوا العربية بالبضاعة اللى فيها تبص تلاقى كل الاقتصاد او كل الحاجات اللى هى بترفع من الاقتصاد تبتدى تسقط الاستثمارات والسياحة الاستثمارات المحلية والناس كلها تبتدى تخاف تخرج من بيوتها او تسهر او او او فده بياثر على كل مواطن كل مواطن هيتاثر يعنى حضرتك توافق مع من يقولون ان تطبيق قانون لتنظيم التظاهر من الممكن ان يدفع الاقتصاد الى الامام لان دلوقتى المسالة بلا ضابط ولا رابط اللى عايز ينزل الشارع بينزل يتظاهر يقول اللى عايز يقولة يحدف الطوبتين بتوعة يرمى كام زجاجة ملوتوف ويمشى الدكتور / طارق حماد : انا باقول بس كنوع مش فى القانون بس اوفى الحلول الامنية بس انا لازم تسويات وحوار ومشاركة وتعايش ومصالحة لازم يحصل ما بيينا احنا كمواطنين مصريين حوارات وتعايش ومصالحة اى حاجة بحيث ان احنا نوصل لتسويات مقبولة ولانحاول اقصاء طرف خالص او ان احنا نهاجمة لازم يبقى فى تهدأه فالتهدئة دى انا حتى كان فى قول زمان يقولك ايه لو كنت حتى قادر ان انت تعمل انتصار صح بنسبة 100% على خصمك ما تعملوش اعمله بنسبة 70% وادى له فرصة ان انت تتعايش معاه لان ممكن انت عملت انتصار صح وضربت واحد وموت وعملت فيه اللى ما يعمل بعد كده هتلتأم الجراح وبعد كده هيحاول انه ينتقم منك فا احنا مش عايزين احنا كمصريين بينا وبين بعض تكون احنا العدو الاسرائيلى بتنفاوض معاه ونتحاور معاه فى ناس بتهاجم اللى بعمل تصالح او تعايش انا من انصار ده انا باقول ان احنا لا نترك عمرو توفيق : تصالح ولكن لا تصالح فى الدماء الدكتور / طارق حماد : انا باقول اللى هو متهم فى جرائم يحال الى العدالة والعدالة تاخذ مجراها لكن اللى هو يقدر ينبذ العنف ومكنش مرتكب اى جرم ده ممكن نتحاور معاه ممكن نتعايش معاه ممكن نتصالح معاه ونحاول نحل المشكلة لان مش هنفضل فى الحلول الامنية الحلول الامنية لاتكفى انا شايف انها غير كافية عمرو توفيق : نحمل الامن فوق طاقتة ونحمل الدكتور / طارق حماد : هتستمر العملية كده احنا حضرتك الجامعات النهاردة جامعة عين شمس كان فيها مظاهرات عمرو توفيق : استاذن حضرتك نذهب سريعا لنستمع الى بيان وزارة الداخلية حول احياء ذكرى محمد محمود بيان : (( بسم الله الرحمن الرحيم )) فى ظل دعوات العديد من التيارات السياسية والحركات الثورية لاحياء ذكرى شهداء محمد محمود فان وزارة الداخلية وهى تقوم بدورها فى حماية مقدرات الوطن وتضحى بزهرات شبابها من اجل امنها واستقرارة وامان ابناءة فانها تؤكد على احترامها لاحياء ذكرى جميع الشهداء تخليدا لدورهم فى مسيرة العمل الوطنى وحرصها على اتمام فاعليات الاحتفاء بتلك الذكرى فى الاطار الذى يتناسب مع وعى وتحضر المشاركين فيه كما تؤكد على انها تعمل لصالح ابناء الشعب دون تفرقة تحت مظلة القانون الذى يحكم اداء رجالها وتعلن وزارة الداخلية اتخاذها الاجراءات اللازمة لتامين المشاركين فى احياء تلك الذكرى وتدعو الكافة لشدة الانتباه واليقظة حتى لا يندس بينهم من يكدر سلامها او يحيد بها عن اهدافها وبهذه المناسبة فان وزارة الداخلية تقدم تعازيها لكل شهداء الثورة اللذين سالت دمائهم الذكية لتروى شجرة النضال الثورى والذى يسطرة التاريخ فى تلك المرحلة الفارقة من عمر الامة عاشت مصر حرة ابية والمجد لشهدائها عمرو توفيق : استمعنا الى بيان وزارة الداخلية حول احياء ذكرى شهداء محمد محمود وما تنوى الوزارة اتخاذة من تدابير حفاظا على الاموال والارواح والممتلكات معنا على الهاتف الاستاذ ماهر عباس نائب رئيس تحرير جريدة الجمهورية استاذ ماهر مرحبا بك اولا وكيف تقرا بيان وزارة الداخلية الذى استمعنا اليه منذ لحظات وشايف تاثيرة هيكون ايه على الوضع العام وعلى الاقتصاد الاستاذ/ ماهر عباس : بيان وزارة الداخلية غطى جميع الاشياء التى تحذر فيها من يخرج عن سيادة القانون حق التظاهر مطلوب لكن التصدى لمحاولة الخروج عن القانون وحماية المنشات احنا مع الاحتفال بالثورة لكن يجب يوم 19 لا يستغل من اى فئة اخرى لانى اعتقد بعض هذه الوقفات يندس فيها من يعوقون العمل والانتاج نحن فى مرحلة الانتهاء من دستور جديد لمصر فيجب ان نحترم صياغة الدستور ونعمل على المشاركة فى الاستفتاء وليس فى التظاهرات يجب ان تخرج مصر كلها للانتخابات للدستور لان مثل هذه الوقفات يعرقل مسيرة الاقتصاد احد البنود المهمة فى خارطة الطريق وخريطة المستقبل انا اعتقد على شباب مصر وابناء مصر جميع شهداء الثورة نحن معهم ومع اسرهم ومع حقوقهم لكن يجب ان نعمل وقفة للانتاج والاقتصاد خاصة ان مصر فى التصنيف الدولى اصبحنا فى موقع متقدم لم نصل به منذ ثورة 25 يناير عمرو توفيق : تفتكر استاذ ماهر البعض من القوى الثورية يضع ما تقولة فى الحسبان هناك اراء لمحللين سياسيين تقول ان المسالة ليست مجرد احتفال بذكرى شهداء لهم كل الاحترام والتقدير والا كان الاحتفال اخذ مسار اخر سرادق كبير يقام يقرا فيه القران الكريم تلقى فيه الكلمات تتردد فيه الهتافات كما كان يحدث فى مناسبات على مدار تاريخ مصر الذى سقط فيه العديد من الشهداء ولكن هناك من القوى الثورية التى تريد ان تقول نحن هنا وتحاول ان توجد لها شرعية مرة اخرى فى الشارع هل ترى هذا الكلام صحيح ام انك تنظر الى المسالة من منظور اخر الاستاذ/ ماهر عباس : يجب ان نحتفل بالشهداء لكن فى صورة رمزية فى سرادق اوفى شئ من هذا القبيل عمرو توفيق : احتفال يليق بجلال الموت كمان الاستاذ/ ماهر عباس : يليق بالشعب الذى خرج 34 مليون مصرى اللى خرجوا فى 30 يونيو نحن اليوم امام مرحلة دقيقة فى تاريخ مصر فى علاقات دولية حادة كانت تريد الانقضاض على هذه البلد اليوم يجب ان نبحبث عن وظائف للشباب يجب ان نوجه الشباب للعمل والانتاج الوقفات الاحتجاجية او مثل هذه الاحتفالات لم تضيف جديدا كلنا كما قلت لك مع الشهداء ومع شهداء الثورة وهم قيثارة هذه الثورة ولايمكن ان ننساهم وحقوقهم ونعزى اهلهم وزويهم عمرو توفيق : وصلت الفكرة يا افندم ولها كل الاحترام والتقدير الاستاذ ماهر عباس نائب رئيس تحرير جريدة الجمهورية شكرا جزيلا لحضرتك نرجع لشغلنا الشاغل وهو الاقتصاد لاسياسة ناجحة بدون اقتصاد ناجح والعكس صحيح دلوقتى فى ناس ممكن تفكر بعقلية يقولك والله دا احنا بتيجى لنا مساعدات مالية من الدول العربية طيب ده شئ جميل ولطيف جدا بس ناجل قصة الشغل دى شوية مادام ربنا فتح لنا باب اخرى يعنى حضرتك شايف هذه الدعوات والاتجاهات السلبية تاثيرها ممكن يكون ايه على المناخ العام وعلى الاقتصاد المصرى عموما الدكتور / طارق حماد : لابد ان احنا كشعب مصر واحنا شعب عظيم ان احنا ننتج لا ننتظر مساعدات ممكن المرحلة الحالية مرحلة دقيقة ومرحلة صعبة ممكن نتلقى مساعدات لكن لايمكن ان البلد تقدر تعتمد على المساعدات طول عمرها عمرو توفيق : وعيب علينا الدكتور / طارق حماد : وعيب علينا اه احنا دولة عظيمة وشعب عظيم وشعب ذكى واحنا طول عمرنا كشعب مصر متحدين واحنا الشعب المصرى قادر على صنع المعجزات بس احنا محتاجين نهدأ محتاجين ما يبقاش فى عنف فى البلد والتظاهر والكلام ده كله عمرو توفيق : والزايدات السياسية التى لا تنتهى الدكتور / طارق حماد : اه وفعلا احنا ممكن ننتج ممكن نصنع ممكن نعمل افكار كويسة جدا بس لازم انا هقول لحضرتك حاجة لو انا مسئول وبعدين فى مظاهرات على باب الوزارة مثلا انا وزير مش هقعد افكر استراتيجى مش هبص للمستقبل انا هبص دلوقتى عمرو توفيق : عايز تؤمن المنشات الدكتور / طارق حماد : اللى واقفين لى تحت وعمالين يتظاهروا ولهم مطالب فادحة او مطالب عاجلة ومشاكل كثيرة جدا انا باقول لحضرتك انا عميد مشاكل ضخمة جدا فما بال حضرتك المسئول اللى اكبر منى والاكبر والاكبر حاجات كثيرة جدا يعنى يعنى عمرو توفيق : نذهب الى زميلنا محمود عمر هو بيقدم من خلال تقريرة دعوة للعمل والانتاج واحنا فى اشد ما نكون للعمل والانتاج لان عيب زى ما قال ضيفنا الكريم ان احنا نفضل نستنى مساعدات من ناس لهم كل الشكر والتقدير على ما قدموة فاصل مذيع : خطوات قطعت واخرى على الطريق لدفع عجلة الانتاج ودوران حركة العمل لبناء الاقتصاد القومى المصرى وفى هذا السياق انتقلت كاميرا 45 دقيقة الى مناطق العمل والانتاج مواطن : احنا فى حاجة ملحة للعمل لان الشعب المصرى مستواه عمال بينخفض يوم عن يوم احنا عايزن العمل ده علشان العمل ده هيخلينا نتقدم لقدام مواطن : ياريت نتكاتف ونبقى كلنا ايد واحدة نبعد عن المظاهرات عشان البلد دى تقوم احناعايزين نشتغل مواطن : باقول لكل الشباب اللى من سنى واللى اكبر منى محدش ينتظر الوظيفة علشان الظروف الاقتصادية صعبة ونضمن ان كلنا نشتغل ونحط ايدينا فى ايد بعض ونبتدى بنبنى بلدنا من جديد مواطن : ياريت كل الناس تشتغل ويسبهم من الكلام الفاضى كل المظاهرات دى كلام فاضى مذيع : الكل يؤكد على ضرورة العمل والجهد لزيادة الانتاج الا ان البعض من اصحاب المصانع له مطالب من الحكومة المصرية مواطن : حكاية التامينات والضرائب اللى عمالين نشتغل ومش عارفين نسدها ياجلوها لنا شوية يريحوها شوية كده يعنى ما يلغوهاش يدونا فترة سماح تيجى تسد تلاقى المبلغ زاد ومفيش شغل ولا مشغلة زى ماانت شايف البلد مواطن : المفروض الحكومة يبقى فى لفرص عمل للشباب وتحسين الاجور مواطن : خلاص بفى وقت المظاهرات انتهى ونشوف بلدنا عايزة ايه مواطن : اقتصاد البلد وقع نسيب السياسة لناسها ونسيب العمل لناسه مذيع : وهذا تاكيد على انطلاق قطار التنمية والعزم على تنفيذ خريطة الطريق لكل مراحلها دون الالتفات لاى معوقات فاصل عمرو توفيق : اذن العمل ولا شئ غير العمل هو طوق النجاة لهذا البلد وكفانا مزايدات سياسية لانها ارهقت هذا البلد وركعته على ركبتية ضيفى الكريم الاستاذ الدكتور طارق عبد العال حماد عميد كلية تجارة جامعة عين شمس لوحضرتك وزير فى الحكومة وعايز تضع خطة اقتصادية تقيم عمل الحكومة الاقتصادى تقول احسنوافى ايه واساوا فى ايه ؟ الدكتور / طارق حماد : الوزارة الحالية احنا محتاجين كل الشعب المصرى والوزارة نتصالح مع مصر ونعرف ان كلنا جزء من المشكلة وكلنا جزء من الحل .. الوزارة اساءت كل وزير بيحاول يكتسب شعبية على حساب الموازنة العامة للدولة يجى وزير التربية والتعليم يقول هنعفى كل طلبة المدارس الحكومية يعملها مصروفات كنا نحصل مليار جنية اول اسبوعين كان بيدفع 700 مليون واحد المصاريف دى قادرين والغير قادرين كنا بنقعد يتاخروا ومش عارف ايه احنا كنا نسيب اول اسبوعين يعدوا 700 مليون حصناهم ونيجى 300 مليون ونقول كل واحد يقدم بحث اجتماعى ونسيب المصروفات يبقى احنا ما نعفيش كل القادر وغير القادر يجى بعد كده فى وزارة المالية ايام مبارك صدر قانون الضريبة العقارية 65% من العقارات اللى فى مصر معفية من هذه الضريبة و5% هيدفعوا ضريبة كانت الحصيلة المتوقعة 4 مليار قالوا هنرفع الاعفاء من نص مليون جنية للعقار الى 2 مليون علشان فى اصحاب القصورة الفلل عملوا ضغوط على الحكومة هما اصحاب صوت عالى قدروا يرفعوا الاعفاء من نص مليون الى 2 مليون طبعا الحصيلة قلت الى 2 مليار جنية وكانت الحصيلة دى هتروح للعشوائيات وخزانة الدولة 4 مليار نزلت بقت 2مليار بعد كده قال اعفاء طلبة المدن الجامعية من المصاريف مين هيدفع وزارة المالية هتدفع جه قال الحد الادنى للاجور هيكلف 18 مليار جنية فى السنة والموازنة تعبانة اساسا حاجات كثيرة تمثل ضغط على الموازنة نشوف حلول نشغل المصانع المتوقفة الشباب تعمل مشروعات نمولهم نجذب الاستثمارات ندور على تسويات للموقف ونهدئ الاوضاع عمرو توفيق : اشكر ضيفى الكريم الاستاذ الدكتور طارق عبد العال حماد عميد كلية تجارة جامعة عين شمس على هذا اللقاء وانتهت حلقة هذا اليوم من 45 دقيقة غدا حلقة جديدة اشكركم والى اللقاء.
