اعدته للنشر: نهى حمودة مسعد ابو ليلة: اعزائي المشاهدين اهلا بحضراتكم في هذه الحلقة الجديدة من برنامج اتجاهات .. الخروج من الوادي الضيق لمواجهة مشاكلنا السكانية والغذائية وغيرها حلم طالما انتظرنا وعجزنا حتى الان عن تحقيقه .. نصف قرن من الزمان انطلقت الدعوة لتعمير الصحراء وفي مصر بدات في الصحراء الغربية لتحويل مسمى الصحراء الجنوبية الى محافظة الوادي الجديد تيمنا بانشاء وادي جديد في صحراء مصر الغربية يوازي النيل .. تجربة التنمية في الصحراء الغربية وخاصة التوسع الزراعي بالتاكيد مرتبطة بتوفير مياه الري اللي بيتناقص بشكل مستمر كل اللي تحقق ناحية هذا الطموح بالتاكيد لا يتناسب الان ناحية هذا الطموح يكفي ان نعرف ان مساحة الوادي الجديد تمثل تلت مشاحة مصر وعددالسكان 200 الف نسمة من هنا تاتي اهمية المشروع الذي نطرحه في حلقة اليوم وهو نيل جديد يسمى نيل الواحات موجه من بحيرة ناصر جنوبا ليصب في النهاية في منخفض القطارة في الشمال شرقا ومن المتوقع منه ان يروي 7 ملايين فدان حول مشروع نيل الواحات يدور حلقتنا ويسعدنا ان نستضيف الاستاذ مدحت خفاجي الاستاذ بجامعة القاهرة وهو عضو اللجنة القومية للري .. نرحب بيك دكتور مدحت والمشاريع الكثيرة الطموحة التي تستهدف الخروج من الوادي الضيق والخروج الى الصحراء دراسات كثيرة للانطلاق الى الصحراء الغربية لاقامة مجتمعات عمرانية جديدة لجذب الكثافة السكانية والتقليل من الضغط على الوادي الضيق فيه ايضا مشروع قرانا عنه وهو متمثل في اقامة سد جديد بالاضافة الى السد العالي الموجود امام بحيرة ناصر فكرة هذا المشروع واهميته د.مدحت خفاجي: هو الحقيقة من اكتر من 40 سنة من سنة 65 لم تزد مياه النيل في حين ان الزيادة السكانية كانت من الضعف ولحسن الحظ توجد دراسات في وزارة الري لزيادة موارد النيل لاكتر من 40 مليار من اكتر من 60 سنة مسعد ابو ليلة: يعني الدراسات موجودة د.مدحت خفاجي: الدراسات موجودة لزيادة الحصة 34 مليار فالزيادات دي كلها في اعالي النيل في جنوب السودان الحقيقة الحقيقة انا بحمله مسئولية وهو لسه راجع من اثيوبيا المسئولية لتنفيذ هذه المشاريع لزيادة مية النيل ويجب عدم الوقوف عند الحد وزارة المالية لانها اللي هتدفع والصحة لان المدخل الى افريقيا هو الصحة لان عدم وجود اطباء ولا مستشفيات فالخدمة الصحية متدنية وانا بحمل الدكترهشام قنديل رئيس الوزراء مسئولية تنفيذ هذه المشاريع للحاجة القصوى للشعب المصري للمياه خصوصا ان الاستهلاكات المدنية بقت عشرة مليار متر مكعب من ال55 بحيث بعد شوية مش هنلاقي مية نروي بيها الزرع نتيجة للاستهلاكات المدنية والبشر اللي بيزيدوا .. حصة الانسان المصري وصلت 700 متر مكعب يعني دخلنا في الفقر المائي اقل من 1000 مسعد ابو ليلة: هناك نظرة جديدة لافريقيا وبالتاكيد من تواصل افريقي بين مصر والدول الافريقية دا مبشر وطبعا عشان ما يفوتناش ان المشروع فكرة الدكتور عبد الفتاح مطاوع د.مدحت خفاجي: فكرته انه فيه ضخ من بحيرة ناصر اكتر من 10 مليار متر مكعب لانها شديدة الحرارة يعني 20% من مصادر المياه التلتين الضخ دا في ال120 كليو جنوب السد العالي والتلت ورا لان بحيرة السد العالي بتوصل 40 كيلو في العرض واحيانا توصل 60 واضيق حتة في البحيرة كيلو وربع.. السد دا هيقوم يقلل الضخ في الجزء الشمالي مسعد ابو ليلة: عشان المشاهدين يبقوا معانا في الصورة دلوقت اضيق مكان في البحيرة عرضه كيلو وربع يبعد كام د.مدحت خفاجي: 130 كيلو مسعد ابو ليلة: يعني يعتبر في تلتين المسافة د.مدحت خفاجي: التلت اه ووراه التلتين فبالطريقة دي هيقل الضخ بمقدار مليار متر مكعب هنستفيد احنا بمليار . مسعد ابو ليلة: انا اوفر مية ازاي د.مدحت خفاجي: انه مستوى الضخ في الشمال هيبقى واطي فما يبقاش عرض البحيرة 40 كيلو هيقل ل5 او 6 كيلو والزيادة في حجم البحيرة بعد السد قليل جدا لانه مش هيزود عن 182 متر وهيوفر 2.5 مليار احنا في حاجة لل2.5 مليار انا بقول انه نص مليار هيستعمل لتغذية المياه الجوفية و2 مليا رهنستفيد منهم و400 مليون ميجا وات مسعد ابو ليلة: هيبقى المناسيب مختلفة يعني منسوب السد القديم الي هو السد العالي والسد الجديد ومنسوب تاني ما بين السد وجنوب البحيرة والمنسوبين دول ممكن يولدوا كهربا د.مدحت خفاجي: اكتر من بتاعة السد العالي 400 ميجا زيادة السد العالي هيدي جوالي 2000 ميجا وات .. السد دا المية هتعلى وراه والمية وهي ناازلة هتشغل كهربا فهو المشروع اكمنه لابد من دراسة جدوى اقتصادية ليه البنك الاهلي او بنك مصر يمولها مسعد ابو ليلة: لكن فيه دراسة اقتصادية كاملة د.مدحت خفاجي: ازاي مسعد ابو ليلة: طيب احنا عايزين نوري هنستفيد منه ازاي بقى د.مدحت خفاجي: الزراعة في الاراضي المستصلحة اولا يجب ان احنا نزرع في الشتا فقط لانه استهلاك المية في الشتا اقل من الصيف بالذات في الساحل السمالي يعني ال2 مليار دول في بحيرة ناصر مسعد ابو ليلة: ولا حوالين المنطقة د.مدحت خفاجي: انت لا تستطيع ان تستعمل المية دي في حرارة جامدة لانه استهلاك الفدان في توشكى مثلا 23 الف متر مكعب في حين ان الساحل الشمالي 8 وفي الدلتا 6 فاحسن تستعملهم في شمال مصر انك تزرع 3 مليون فدان قمح ونستعملهم في رية واحدة في الشتا فقط مسعد ابو ليلة: طيب هنوصل المية ازاي د.مدحت خفاجي: جوه النيل والفرعين موجودين وترعة ناصر موجودة ماهو انت هتمشي المية دي في النيل .. اما تيجي انت تشوف الدراسات بتاعة وزارة الري وزارة الزراعة قام ان الزراعة في شمال مصر اكسب من جنوبها مسعد ابو ليلة: خلينا نقف عند النقطة دي ومعانا سيادة اللواء طارق المهدي محافظ الوادي الجديد سيادة اللواء طارق مساء الخير احنا معانا دراسة في اقامة سد جديد في بحيرة ناصر ودراسة تانية لانشاء نيل للواحات بالنسبة لمثل هذه الدراسات وكيف تسهم في مزيد من التعمير في محافظة الوادي الجديد اللواء طارق المهدي محافظ الوادي الجديد: اولا اهلا بيك استاذ مسعد ومش شايف مين مع حضرتك في الاستوديو مسعد ابو ليلة: الاستاذ مدحت خفاجي من اللجنة القومية للري والصرف اللواء طارق المهدي – محافظ الوادي الجديد: اهلا بحضرتك .. هو الحقيقة فيخ مقترحات مثيرة جت لوادي وشرف لينا ان الحنا عملنا 92 مؤتمر علمي بين تعليم وطاقة شمسية وري من ضمنها كان فيه 3 مقترحات موجودين على الارض واحد للدكتور ابراهيم مصطفى كامل بخصوص مزاره عملاقة بتاخد من نهر النيل في حدود 200 الف فدان ونقل المية بمواتير بحيث انها تنزل بالجاذبية الارضية ..مستوى البحيرة 200 متر ودراسة اخرى للدكتور ابراهيم غانم كان في نفس الاطار بس في الارض مش في مواتير والموضوع التالت اللي اتكلمنا عليه في الفترة الاخيرة ان المياه الجوفية من 55 مليار متر مكعب مية بيجيلنا في السنة انما التقدير في المية الجوفية في الوادي الجديد 55.5 الف مليار مسعد ابو ليلة: طيب مدى استغلال هذه المياه الجوفية اللواء طارق المهدي – محافظ الوادي الجديد: احنا بنستغله دلوقت في الاتي احنا بنستغله في 3 اشياء توشكى اداريا بتقع في الوادي الجديد وتوشكى حاجتين مضيق توشكى ودا مضيق طبيعي والموقع اللي هنروي عليه في توشكى اللي هو 540 الف فدان اللي جاهز منهم دلوقت 340 الف فدان والمياه الجوفية اللي حضرتك بتسال عليها هي مية العوينات وهي اكثر ملوحة وبنتكلم عن 247 الف فدان يعني الاستثمار اللي تم في العوينات ربع مليون فدان رقم طكبير واللي اتزرع 170 الف فدان يعني كل المتاح طبقا لوزارة الري .. الوادي القديم 250 الف فدان يعني انتا لو لغيت توشكى عيبقى 500 الف فدان مسعد ابو ليلة: طب سلة غذاء وفمح للعالم كله اللواء طارق المهدي – محافظ الوادي الجديد: المرحلة التالتة اننا نزرع 800 فدان الارض الجديدة اللي تم عليها وتقريبا من شهر 8 وفيه لجان بتعدي وكنا بنتكلم عن 221 الف فدان والدكتور ممدوح حمزة هو اللي انا احتكيت بيه باسلوب ادارة هذا العمل تعاونيا عن طريق مزارع تعاونية يبقى الشباب ليها دور فيها وهناك اكثر من مقترح بين كيفية التوفيق بين ماهو مستثمر وبين ماهو اسلوب تعاوني في الصحرا بيتكلف كتير قوي ف221 الف فدان والارض فيه ابار موجودة فيها والاراض حلوة وكم التليفونات والناس اللي بتعرض عروض لزراعة القمح انت عارف المفهوم اللي انت بتقوله قمح ونخل بيس وان احنا نعمل مجتمعات واحدى المقترحات اننا نعمل مجتمعات يعني هو شغال في الزراعة لكن له 200 فدان ولو اتزرعت 36 نخلة في الفدادين بتوعه وفيها شوية قمح ال36 نخلة يدوله 1200 جنيه في الشهر مسعد ابو ليلة: يعني مشاريع للشباب.. يعني الدراسة ممكن تغطي كام شاب اللواء طارق المهدي – محافظ الوادي الجديد: طبقا للدكتور ممدوح وطبقا لوزارة الزراعة وطبقا للدكتور خالد بيتكلموا على رقم المليون انا بحكي لانهم هما اللي قالوا وعملوا دراسة تفصيلية وازاي اعمل 50 الف فدان وببقى شكلها ايه انها تبقى بالطاقة النظيفة يعني عاملنين حلم مسعد ابو ليلة: حلم مبني على دراسة اللواء طارق المهدي – محافظ الوادي الجديد: طبعا طبعا دا دكتور من جامعة اسيوط مسعد ابو ليلة: هل نحن بصدد دراسة للتنفيذ اللواء طارق المهدي – محافظ الوادي الجديد: انت فعلا طرحت 4 ابار وكل بير يزرع فدادين بمعنى اني بختبر الاراض عمليا والناس كلها اللي راحت شافت المكان شايفة انه مكان واعد جدا يصنع مجتمع جديد يعني خليني انا في الرقم اللي هو 221 الف فدان مسعد ابو ليلة: سؤال اخير مشروع فوسفات ابو طرطور ايه اخباره اللواء طارق المهدي – محافظ الوادي الجديد: مشروع ابو طرطور مالوش مشاكل غير انه كان فزاعة وانت بتعمل غلطة رئيسية انك بتبيعه خام مش عايز اقول جريمة لانه الاصل انك تقلب الخام الى قيمة مضافة انك تصنعه احنا ووزارة اقتصاد مصر ووزارة البترول وابو قير للاسمدة شغالين في المشروع مش عايز اقول ان الدكتور محسن البطران كان بيقول انا مشارك يعني بالبنوك الوطنية 1.7 مليار دولار عشان الفوسفات اللي طالع وبتحكي عليه دا نقلبه منتجات الاقتصاد المختلفة .. تمن الخام 100 دولار وتمن ما تتحول الى قيمة مضافة من 900 الى 1000 دولار يعني انت لو تخيلت ان التصنيع بيكلفني من 300 الى 400 دولار فانت كسبت في الطن 500 دولار ودا بتدرسه الشركة الاسترالي وكان مفترض انها تخلص 1/12 دراسة الجدوى ومشروع بالحجم دا لازم يتعمله دراسة جدوى والشركة الاسترالي اللي بتعمل هذه الدراسة شركة برضه قوية في السوق في هذا المجال .. ابو طرطور دا سبع الهضبة والموضوع دا واعد جدا برضه عشان ادي مؤشر مرحلتين ومرحلة منهم بتشغل 2400 موظف عمالة مباشرة او عامل من العمالة المباشرة و30 الف عمالة غير مباشرة فالمشاريع اللي زي دي لما تعمل 1 و2 و4 و5 مسعد ابو ليلة: سيادة اللواء طارق المهدي محافظ الوادي الجديد شكرا جزيلا على هذه المداخلة د.مدحت خفاجي: فيه تقنية جديدة للفوسفات اتعملت في ال10 سنين اللي فاتت اللي هي خام الفوسفات 8% من وزنه مواد بترولية زائد غاز طبيعي بيكسره ببخار مية او مية مضغوطة تحت الارض يقوم يطلع غاز بكميات فظيعة ويطلع بترول بحيث ان الاحتياطي الاستراتيجي بتاع امريكا بيستغل البترول والغاز الطبيعي ولذلك انخفض الغاز الطبيعي في العالم في السنتين اللي فاتوا وطبعا تلوث المياه الجوفية في تكساس نتيجة للتكسير وفي كاليفورنيا مسعد ابو ليلة: نعود للمشروع د.مدحت خفاجي: هي 2 مليار متر مكعب مية في النيل لو احنا زرعنا عليه زرعة في الشتا فقط في الساحل الشمالي هنزرع 3 مليون فدان زرعة واحدة وفي الصيف مانزرعش لان كل فدان قمح بيحتاج 1200 متر مكعب وانت متقدرش تزرع القمح لعدة سنين متوالية انت عارف طريق العلمين هو اللي حواليه دا حوالي 3 مليون فدان شمالا وجنوبا اللي هي ترعة غرب الدلتا المشروع موجود بس ما اتنفذش مسعد ابو ليلة: طب من ضمن ايجابيات هذا المشروع ان هو السد يدي مجال للنقل بقى د.مدحت خفاجي: ايوة بحيث انك تعمل مجتمعات عمرانية وتعمل قطر سريع اللي هو 240 الى 340 كيلو في الساعة يوصل لحد العلمين والشلاتين وبالتالي تمتد شبكة المواصلات ويفوت على السد ثانيا الناحية الامنية مسعد ابو ليلة: طب قبل ما نوصل للناحية امنية قلت ان التكلفة من 7 الى 8 مليار د.مدحت خفاجي: هييجوا من الكهربا في 4 سنين مسعد ابو ليلة: هذا المخطط انه يبقى الجسور والطرق البرية د.مدحت خفاجي: لا دي مش محسوبة .. هي محسوب فيها محطة الكهربا والسد لانه انت هتغطي من الايراد بتاع الكهربا والمية ببلاش ومن الناحية الامنية الكتلة بتاعة السد العالي الي هي 140 مليار هتتقسم بتكنيكية كتلة ورا السد العالي وكتلة تانية ورا السد الجديد كتل المية بحيث لو نضرب السد الحالي ما يغرقش مية او قنبلة ذرية او هيدروجينية لو الطريق بتاع السد الحالي لو احنا زودنا الطريق دا ل200 متر لو قنبلة هيدروينية مش هتجيبه ومش هتكسره وبعدين لازم يكون الارتفاع 140متر عن المية لان القنبلة الهيدروجينية بتدي فوهة 187 متر عرض وحوالي 31 متر عمق لو احنا رفعنا السد دا فوق مية لو حد ضربنا قنبلة ذرية ولا حاجة ما يجيبوش مسعد ابو ليلة: يعني انت بتتكلم من ناحية امن السد الحالي ودا بيديله ظهير امني طيب ارتفاع السد الجديد المقترح قياسا بالسد الحالي د.مدحت خفاجي: هو المية ما تزيدش عن 182 عشان ابو سمبل لانه شمال ابو سمبل لازم يكون 182 متر عن سطح البحر عشان ما يغرقش مسعد ابو ليلة: طيب المجتمعات العمرانية الجدية في هذه المنطقة دي د.مدحت خفاجي: احنا عايزين النوبيين يرجعوا شاطئ البحيرة تاني للمناطق اللي كانو ا فيها فهما مشترطين من وزارة الري يبعدوا 3 او 4 كيلو من الشاطئ عشان ما يلوثوش بالمجاري عشان دا خزان المية بتاعا اللي احنا بنشرب فيه مسعد ابو ليلة: نعود لدراسة الدكتور ابراهيم غانم المتمثلة في نيل الواحات ومقترح انه ياخد من يعني من بحيرة ناصر بينا حوالي 25 كيلو من خط حدود السودان واصل الى شمال شرق منخفض القطارة اديني رؤية حضرتك في هذا الموضوع د.مدحت خفاجي: هو الحقيقة مربوط بالميا ه اللي احنا هنوفرها فهو دا مربوط انه يبقى فيه مية زيادة لانه حاليا احنا عندنا نقص فلازم احنا ننفذ وفيه مشكلة هنا اللي هي منطقة عالية من 200 متر فما فوق فدي حجوالي 100 كيلو فازاي هيرفع المية الى 100 كيلو فهيرفع من 100 متر تالى 100 كيلو مسعد ابو ليلة: طيب ممكن يتفادى الارتفاع دا الى مسار تاني د.مدحت خفاجي: كله عالي ومقفولة مسعد ابو ليلة: طيب بالنسبة الى المية اللي تدير اليها انه هيغذي النيل الجديد هو بيراهن على انه ناخد حصة اضافية نظير من الكهربا اللي هناخدها من هذا المشروع د.مدحت خفاجي: هما اللي عايزين يصدرولنا كهربا يعني انا شفت الموقع بتاع سد النهضة باثيوبيا من سنتين واحنا تبعنا 3 عنبرة والنيل االزرق ونهر الصومال هما عايزين يصدروا الكهربا بتاعتهم لاوربا مسعد ابو ليلة: نتيجة انشاء هذه السدود د.مدحت خفاجي: سدود بقى على 14 نهر 3 منهم بيصبوا في النيل فهو عايز يبيع لنا 2000 ميجاوات من السد العالي تقريبا وعايز يبيع للسودان 1200 ميجا وات لان هما استهلاكهم كله 1000 احنا استهلاكنا حاجة مليون واستهلاكمنا 27 ميجاوات وهما بيستهلكوا واحد ميجاوات يعني استهلاكهم ضعيف جدا يعني التعاون لعمل القنوات دي لمصلحتهم برعني انت لما تشوف جنوب السودان تلاقيها كلها مستنقعات وكلها البعوض والملاربا وذبابة تسي تسي اللي بتعمل مرض النوم ما بيقدروش يتحركوا بين القرى والمدن هناك في جنوب السودان فمفيش مرعى فلما احنا نعمل السدود هتنشف اكتر المستنقعات دي تقوم الحشائش يقوم يبقى عندهم اماكن رعي لكل الحشائش اللي عندهم دي ونعمل كذا مستشفى هناك قصاد ان هما هيدونا على الاقل في المرحلة الاولى حوالي 18 مليار متر مكعب يساووا 18 مليار جنيه مسعد ابو ليلة: دكتور مدحت خفاجي استاذ جامعة القاهرة عضو اللجنة القومية للري والصرف شكرا لتشريفك هذه الحلقة من اتجاهات وبالتاكيد الدراسات كثيرة في هذا الموضوع من ممر التنمية الى الدكتور فاروق الباز وبرضه مشروع مقترح من الدكتور ممدوح حمزة د.مدحت خفاجي: فيه نقطة اخيرة دلوقت فيه فرصة ذهبية ان المشاريع دي اتعملت دراستها من 70 سنة لل3 قنوات فيجب ان احنا نخلصها نعمل مستشفى في كل قبيلة وندي اعانات غذائية وغيرها وفلوس وتعليم ونقولهم ان المشاريع بتاعتنا دي هتغير البيئة فاذا محصلش ارادة سياسية لعمل هذه المشاريع فمش هتحصل مسعد ابو ليلة: لا بالتاكيد موجودة وان شاء الله نلتف حول هذا المشروع وهي من المشاريع اللي هتطرح خلال الفترة القادمة دكتور مدحت خفاجي مرة تانية شكرا جزيلا لك واشكركم اعزائي المشاهدين ودائما نتواصل مع حضراتكم في اتجاهات
