مساحة للرأى

سحر ناجي: ارحب بكل مشاهدينا ولقاء يتجدد في مساحة للراي بنحاول ان نرصد فيه احوال الشارع المصري والقضايا السياسية المطروحة حاليا الى جانب انصار المرشحين في جولة الاعادة للرئاسة وهناك من يدعو الى مقاطعة الانتخابات او من يدعو لابطال صوته والمبرر ان ايا من المرشحين لا يستحق صوتهم كيف يمكن محاسبة الرئيس القادم وهم لم يشاركوا في اختياره وحقهم السياسي لا يمارسوه سواء ابطال الصوت اوالمقاطعة هذا لا يمنح الرئيس القادم الشعبية التي يستند اليها ويخرجوا عليه في اي وقت هذا الزعم مردود عليه لانه لجنة السياسات بتقول ان الرئيس بعد انتخابه لكل الشعب لمن يصوت ولم لم يصوت الحقيقة دعاوى المقاطعة وابطال الصوت قضايا تستحق التوقف امامها في مساحة للراي مع ضيفنا الاستاذ احمد ايوب مدير تحرير مجلة المصور اهلا بيك .. استاذ احمد كيف ترى هذه الدعوات سواء بابطال الصوت او المقاطعة
أ.أحمد ايوب: خلينا نقول الاول ان احنا داخلين على تجربة هي الاولى في مصر المرحلة الاولى منها تمت بنجاح كبير واثبتت قد ايه المصريين عندهم قدرة على ممارسة الديموقراطية بشكل فعال وانتهت الى 2 مرشحين واحد يمثل التيار الاسلامي والاخر مستقل لكنه متهم بانه من بقايا النظام السابق
سحر ناجي: ولكنه بيمثل التيار المدني
أ.أحمد ايوب: ولكنه بيمثل التيار المدني هناك من يمثل مايحدث بانه معركة بين الثورة والنظام السابق او معركة ما بين الدولة القديمة والجديدة انا مش عايز ادخل في هذه المسميات لكن عايز اقول انه ايا كان نوع المعركة فمن سيحسم المعركة هوالمواطن المصري وبالتالي مفيش حاجة اسمها الاتنين لا يصلحوا لو الاتنين ما يصلحوش يبقى انت معناه انك بتقول ان المواطنين المصريين ما بيفهموش امال مين اللي جاب الاتنين دول...؟ اغلبيية الناخبين عندما يجمع الناخبين على ان الاتنين دول هما اللي في انتخابات الاعادة يعني الاغلبية جابت الاتنين قد اكون مختلف مع واحد قد اكون مختلف مع اتنين لكن في النهاية انا ملزم ان الصندوق اللي احترمته والصندوق الي جاب لي اغلبية في البرلمان هو نفس الصندوق اللي الاتنين دول جابهم وحطهم في مشهد الاعادة وبالتالي لما اقاطع عشان الاتنين مش عاجبني دي انا بعتبرها انها بدعة نكراء لانها بتضع قاعدة انا بعتبر انها بتهدم كل ما وصلنا اليه من ديموقراطية مفيش حاجة اسمها ابطل صوتي ولا اقاطع لازم اختار واتحمل اختياري ويدرس اخوانا احنا بنخوض تجربة ديموقراطية جديدة مش في اول مرة كلنا عارفين دا وكلنا اقرينا قبل ما تبدا الانتخابات الرئاسية والانتخبات البرلمانية ان الصندوق ما بيكدبش ابدا لكن في النهاية بيجيب الاكثر قبولا ودا مش في مصر بس مش معنى ان اوباما جه امريكا ان اغلب الامريكان عايزينه لكن اغلبية الامريكان
سحر ناجي: طيب خلينا في نموذج فرنسا الفرق بينهم كان 1%
أ.أحمد ايوب: ومع ذلك لا حد قاطع ولا الرئيس السابق ساركوزي ابطل الانتخابات هما اختاروا الصندوق لا قاطع ولا طالب انصاره ان هما يقاطعوا
سحر ناجي: وفرنسا دولة مؤسسات بالعكس
أ.أحمد ايوب: احنا عاوزين نوصل لدي .. حضرتك بتسمعي كلام غريب يقولك اصل شفيق عودة للنظام السابق شفيق سوف يمثل انتقام من الثوار والمعارضين .. محمد مرسي اخوان في الدولة المدنية محمد مرسي هيعتبر احتكار الاخوان والتيار الاسلامي للسلطة .. انا اؤمن انه بعد الثورة لن يكون لدينا الرئيس الديكتاتور لن يكون لدينا احتكار سلطة ولن يكون لدينا انتقام لسبب بسيط ان الرئيس القادم ليس رئيس العمر الرئيس القادم هو رئيس منتخب لمدة 4 سنوات والاربع سنوات هتمر وهو عارف انه لو ما ارضاش الشعب المصري هيخرج وبعد ما يخرج ويقعد في البيت ممكن يتعرض للمحاكمة مفيش حصانة ماحدث مع الرئيس السابق مبارك قد يحدث للرئيس القادم .. ما يمارسش الديكتاتورية ما يمارسش اي شئ خارج عن اطار القانون بالعكس المحاسبة اشد واكثر انا بقول انه ننزل كلنا سبت وحد اذا لم يصدر حكم المحكمة الدستورية بشئ يعطل انتخالبات كل واحد ينتخب الافضل مش بالضرورة يكون افضل بالنسبة له 100% مكن الافضل بالنسبة لي 50%
سحر ناجي: ومش لازم ينتخب شخص في حد ذاته ولكن ينتخب فكر
أ.أحمد ايوب: انتخب اتجاه انتخب برنامج انتخب وعود انتخب التزامات والتعهدات
سحر ناجي: وانسى ان دا عودة للنظام السابق
أ.أحمد ايوب: انا مش عايز ادخل في دا خالص لا النظام السبق ولا الدولة الدينية اناعايز في هذا البرنامج انت ملاحظة حاجة .. ان احنا بنتكلم عن الديموقراطية بنتكلم عن دولة المؤسسات وبنتكلم على اسس وقواعد يتكلموا على الكلام دا يتكلموا على شفيق ومرسي اشخاص برضه ..لا.. انا مش عايز اشخاص انا عايز ان مرسي يمثل 1 2 3 4 اما شفيق يمثل 1 2 3 4 هل دول هيؤدوا طلبات ي ولالا .. هيؤدوا طموحاتي ولا لا ..
سحر ناجي: عايزة اقف عند نقطة هامة برضه ان البعض بيؤمن بالديموقراطية لو جت في صالحه لكن لو جت في غير صالحه يكفر بيها دا اللي بيتقال في التصريحات المختلفة
أ.أحمد ايوب: أ.أحمد ايوب: دي يعني يا اكسب يا ابوظ اللعبة ودي كنا بنعملها زمان واحنا صغيرين وللاسف موجودة ودي ضد قواعد الديموقراطية ان لا اعترف بنتيجتها طالما الصندوق قال "س " علينا ان نحترمه او قال "ص " علينا ان نحترمه او " س" او" ش" لان في النهاية هي دي الديموقراطية ما ينفعش العب ديموقراطية على مزاجي في العالم كله مفيش ديموقراطية على مزاجي ولا فيه ديموقراطية باهواء شخصية مفيش ديموقراطية بشروط معينة انا بحطها والعب على هذه الشروط الديموقراطية معروفة في العالم كله
سحر ناجي: القبول بنتائج الصندوق
أ.أحمد ايوب: الاغلبية قالت اوكي على "س " اوكي على" ص " اوكي لكن فكرة اني العب بشروطي هذا الامر غير موجود خالص وعايز اقولك حاجة من يريد ان يطرح هذه الشروط ومن يريد ان يلعب بهذه القواعد لازم نكون احنا كمواطنين يكون عندنا من الكياسة والفطنة ان احنا نتاكد ان دا مش هيبقى ديموقراطي لو نجح وان الديموقراطية هتتكسر على ايديه
سحر ناجي: ما نراه في المشهد من ينجرف وراء هؤلاء بكثرة
أ.أحمد ايوب: عايز اقولك حاجة اللي بيحاول يفرض شروط ديموقراطية هل يتخيل بعد ما ينجح انه يبقى مش ديموقراطي ماهو الجواب باين من عنوانه انا بقول عايز الديموقراطية اللي تجيبيني
سحر ناجي: يعني دا اختبار صغير
أ.أحمد ايوب: انا النهاردة اجي اقول انا بتكلم عن مشاركة لا مغالبة واجي في اختبارات صغيرة اقولم لا انا.. طب دا هينفذ اللي قال عليه بعد الانتخابات هي شخصية واحدة ما بتتغيرش والتركيبة واحدة ما بتتغيرش انا مش بتعامل مع ديموقراطية راسخة اوديموقراطية بق انا اللي جوايا التجارب السابقة هتؤكد اني احترم الديموقراطية
سحر ناجي: طيب خلينا نقف عند النقطة دي ونتابع التقرير اللي هنشوفع دلوقت
تقرير
يقول نبيل عمر في اوراقه الخاصة في الاهرام اننا في حيرة شديدة من امرنا فهناك من يقول انني لا اعترف باي نتيجة لا تاتي في صالحه والاخر يقول انه يحترم حكم المحكمة الدستورية ولكن التنفيذ شئ اخر ويتساءل ويتساءل الا يوجد تشابه بين ماكنا فيه وما يحدث الان
اما عماد الدين حسين في الشروق فيقول عندما نصر على وجود دولة مدنية ديموقراطية فاننا نفعل ذلك حتى لا يتولى اي شخص تصنيفا بين مؤمن وكافر لمجرد اننا نتحدث عن الحرية والاستنارة وتداول السلطة
ويرى السيد ياسين في فيتو ان النخب السياسية على اختلافها تمر لفي مرحلة من اللامعقول السياسي بعدما اظهرت نتائج الانتخابات الرئاسية في مرحلتها الولى استحالة التنبؤ بالسلوك التصويتي للجماهير
وغفي نفس السياق سعد سليم في الجمهورية يطالب الجميع الى الجهاد باصواتهم والا يقاطعوا او يبطلوا اصواتهم لان ذلك يعطي لغيرهم الفرصة في تقرير مصيرهم وربما لا يختاروا الانسب لمصر
رؤية صبري غنيم في الاخبار يقول فيها يتوهم من يعتقد ان مقاطعة الانتخاب اوابطال الصوت سيكون مؤدي الى اعادة الانتخابات
وفي بيت القصيد يذكر سليم عزوز في الدستور بالقول الماثور اطليوا الخير شبعت ثم جاعت ولا تطلبوا الخير من بطون جاعت ثم شبعت فان الشح باق فيها ...
وعلاء عريبي في الوفد يتساءل ماذا لو قضت المحكمة الدستورية بعدم اختصاص لجنة الانتخابات الرئاسية باحالة قانون العزل هل ستعاد الانتخابات واذا قضت بحل مجلسي الشعب والشورى هل ستصبح كمن تجرد من ملابسه في ميدان التحرير عام ونصف من الثورة
فاصل
سحر ناجي: استاذ احمد نتوقف عند اللامعقول السياسي واستحالة التنبؤ بالسلوك التصويتي للجماهير مثلما قال السيد ياسين هل ترى في واقعنا فعلا حالة لا معقول سياسي
أ.أحمد ايوب: اولا احنا فعلا في مرحلة اللامعقول وعجبني قوي المصطلح فعلا احنا في مرحلة اللامعقول احنا عارفين ان الديموقراطية لها قواعد رامينها وبنتكلم عن حاجة تانية خالص تيار عايز كلامه يمشي بس وتيار عايز يركب على المشهد السياسي وتيار يحاول اقصاء الاخرين وتيار لا يعترف باي شرعية الا اذا كان هو طرف فيها دا اللامعقول .. المعقول السياسي بيقول ان الجميع امام الصندوق سواسية وبالتالي اللي بياخد 50 زائد واحد هو اللي بينجح .. انا شايف ان النخبة هي اللي غرقت الشارع هي سبب الكارثة اللي احنا فيها انا هدي مثال بسيط
سحر ناجي: لانهم يعملون لمصلحتهم ولا لا نهم لا يفهموا الشارع
أ.أحمد ايوب: لا لاننا في مرحلة مزايدة بصراحة كده وهدي مثال حكم القضاء الذي صدر في قضية قتل المتظاهرين ايام الرئيس السابق ووزير داخليته و6 من مساعديه انا اتحدى 80% من اللي طلعوا واتكلموا في التليفزيونات انه يكونوا فاهمين القانون اصلا او ان يكونوا عارفين تفاصيل القضية اصلا دا مالوش دعوة ان الحكم صح او الحكم غلط دا مالوش علاقة قبل ما تغرق الشارع وقبل ما تلبس الشارع موقف وتحشده وتسخنه على موقف اقعد اقرا دا انت راجل بتخاطب ناس بتخاطب شعب لانه انا مسئول عنها للاسف نسبة كبيرة جدا من الذين يظهرون على شاشات الفضائيات لا يراعون ضميرهم على الاطلاق بيراعوا اليات اللي عايزين يلتفوا عليها او اللي عايزين ينفذوها والمصالح اللي هما بصين انهم عاوزين يوصلوا لها اكتر حاجة بتعاني منها مصر هي فكرة المزايدة فكرة البحث عن دور وفكرة اشعال البلد مش مشكلة عنده البلد تتحرق خالص ولا تفرق معاه المهم هينفذ اجندته ولا لا هيوصل للسلطة ولا لا .. بعد صدور الحكم بدقائق كان اهالي الشهداء بيسجدوا شاكرين لله بعد ربع ساعة تغير المشهد ايه اللي حصل معرفش..؟ اللي حصل ان هناك نخبة خرجت تتكلم وتفسر الحكم النهاردة كمان تعالي شوفي الانتخابات المواطن العادي لا علاقة له بما يحدث عارف انه خلاص الاعادة بين مرسي وشفيق وتقبل واستعد للمرحلة الجديدة مين دخل في روع المواطن العادي ان شفيق دا نظام قديم ودولة مدنية واحتكارية و..و..و. الى اخره وان شفيق سوف ينتقم من الثوار وان مرسي سوف يقطع الرقاب والمخالفين معه ادي النخبة اللي قاعدة قدام التليفون دا مش دور النخبة خالص مش دور النخبة انه يتسبب في اشعال البلد او دور النخبة انهم يولعوا الشارع دور النخبة انهم يبصروا الواطن بحقوقه وبواجباته بالاسلوب الصح والخطأ ولكن بما يرضي ضميره وما يحقق مصلحة البلد واستقراره
سحر ناجي: برضه فيه دور للنخبة يمكن ان تلعبه عشان توقع الشارع واحنا بنتكلم على حكم الدستورية العليا اللي ممكن ان يصدر يمكن ان يقول العودة الى نقطة الصفر وهناك من يقول ان هذا ليس على اهواء البعض حضرتك بقى دور النخبة مع حكم المحكمة الدستورية اللي ممكن ان يخرج والسيناريوهات المختلفة
أ.أحمد ايوب: طبعا عملية الشحن حصلت من بدري سواء بشان قانون العزل اوقانون انتخابات مجلس الشعب
هيصدروا الخميس اللي حصل ان المواطن البسيط عاملين اشعال او حشد مبكر انه الحكم لو طلع يتكلم يبقى دا حكم سياسي ولوطلع كذب يبقى فيه صفقة ولو طلع كذا يبقى هما عاوزين يطلعوا الاخوان ولو طلع كذا خلاص عرفوا ان شفيق ناجح بصي من الاسبوع اللي فات هتكتشفي ان النخبة اصدقائنا واعزائنا واسيادنا خلاص حسموا الامر وادولك ال6 او ال7 سيناريوهات يا اما دستورية او عدم دستورية هما حطوا 5 او 6 سيناريوهات وحطوا لكل سيناريو ecual معين السيناريو دا يساوي شفيق والسيناريو دا يساوي حكم سياسي تخيلي ولم يكن من ضمن السناريوهات ان السيناريو دا لو حصل يبقى دا القانون واتبعدوا فكرة ان دا مخالف للدستور او انه غير قانوني او ان القضاة دول قضاة محترمين اجلاء مستقلين بيراعوا ضميرهم استبعدوا هذا المشهد تخيلي واستبعد المشهد الوحيد اللي ممكن يكون صح ووضعوا كل السيناريوهات اللي ممكن الناس تستنى الحكم وعندهم القرار جاهز في كل الاحوال .. في كل الاحوال هيبقى فيه غضب في كل الاحوال هيبقى يوم الخميس دا هيشهد يومحرج لانه استبعد كل مافيه خسن النية من المحكمة واتيبعد كل مافيه استقلالية للقضاء واستبعد كل مافيه ان دا تطبيق للدستور ووضعوا امام الشعب سيناريوهات كلهاتصب في الحكم السياسي
سحر ناجي: هل هي الرغبة في تقليل القضاء
أ.أحمد ايوب: طبعا
سحر ناجي: بالرغم من ان هذه الرغبة
أ.أحمد ايوب: الرغبة في اسقاط القضاء والجزء الاخر
سحر ناجي: بس عاوزين نوضح حاجة انه الجزء التاني اللي مش فارق معه حين يسقط القضاء هيضر برضه مصلحته
أ.أحمد ايوب: ماهي مش فارقة معاه لاني انا هبني على مزاجي وهبني اللي انا عاوزه اي جزئية فاسدة سواء قبل الثورة او بغعد الثورة هتشال لكن ما اهدش لاني لو هديت معرفش هبني امتى وهبني ازاي وهبني ولا لا اصلا .. الاتنين بيتصارعوا لكن في النهاية الدولة الان المشهد الان انه هناك مؤسسا في الدولة بيتم هدمها خلي بالك عشت برضه دا يمكن ما يعجبش اي حد فيهم يقول انه عاوزين يهدموا انا بقولك انه هدم وخلاص النهاردة انت مواطنة حضرتك مروحة البيت انزلي اسالي في الشارع هتكتشفي ان مواطن بسيط بقت عنده بذرة شك في القضاء دا ناتج عن ايه مش مهم اهدمك زي ماهدمت الشرطة لبس لا ازرع بذرة الشك للمواطن العادي النهاردة اي قاضي يصدر حكم في اي قضية معرض انه الحكم ممضي على دا او مضروب لاني زرعت الجزئية دي لذلك لا اختلف مع لغة خطاب المستشار الخضيري ولكن لا اختلف مع غضبه لانهم يعلموا انه حتى لو لم يستهدف اسقاط القضاء حتى لو مكانش قدر يسقط القضاء لكن زرع بذرة الشك من ناحيته في نفس نسبة كبيرة من المواطنين يقولك اه الحكم دا ما انا عارفه دلوقت من حق اي مواطن قاعد على القهوة يقولك ما احنا عرافينه لانه فعلا كل السيناريوهات اتقققااالت واتحاكمت وكلها فكرة ان هناكك صفقة او ان هذا حكم سياسي وبالتالي لانه مش هتخرج عن السيناريوهات اللي اتحطت فعشان كده المواطن بقى عارف الحكم اللي هيصدر زي قضية مبارك على فكرة كان من ضمن السيناريوهات براءة وسيناريوهات اعدام وسيناريوهات اشغال شاقة وبالتالي لما صدر الحكم الشعب ما احنا عارفين لانه اتقال لانه اتحط لك السيناريو اللي خلاك تولع بمجرد ما يصدر الحكم وهذا سيحكم مع كل حكم بيصدر مع كل حكم هيصدر هذا التشكيك
سحر ناجي: كيف يمكن اقرار دولة القانون
أ.أحمد ايوب: انا بنادي المجلس العسكري لماذا لم يكن حاسما ولماذا لم يطبق دولة القانون لانه حدثت تجاوزات كثيرة جدا وعشان ابقى واضح منذ تنحي مبارك هتكتشفي في اللقاءات التليفزيونية واللقاءات الصحفية والفضائية والمقالات هتلاحظي حاجة غريبة جدا انه كم الشتائم لمؤسات الدولة وتيارت الدولة حتى رؤساء الاحزاب بينهم وبين بعضهم وانت استاذة سحر انت من عائلة قضائية تعرفي هذا مادام هتطبق القانون يبقى تطبقها على الجميع بلا استثناء القضاء هو اللي يستثني اذا وجد ان ذلك يستدعي هذا لكن ما استثنيش ما اقولش موائمة سياسية لما تيجي تبني بيت اذا ما بنتش الاساس صح العمارة هتقع عشان كده انا كشخص لو سالتي على تمنياتي انا اسف جدا انا هقولها انا اتمنى انه لو صدر تطمين لقانون لعزل لو كان المحكمة هتنتهي لقانون العزل انه غير دستوري وانه قانون مجلس الشعب انه غير دستوري اتمنى انه ما يصدروش في وقت واحد اتمنى انهم ياجلوا عشان ما تعملش ازمة مزدوجة وتعملي ازمة في الشارع تولعه لانه بعض التيارت السياسية هيستخدموا دا استغلال سئ جدا لحزب الناخبين وهتبقى مليونية ضخمة جدا يوم الجمعة لحشد الناخبين انهم ما ينتخبوش س او ص عشان كده بقول بداية انا اتمنى ان احنا نصلح اخطاء المرحلة الانتقالية اللي فاتت الاخطاء اللي كلها تحملها المجلس العسكري لكن مش كلها هو مخطئ فيها هناك اخطاء قام بها المجلس العسكري بسبب تيارات سياسية وصراعاته على السلطة فادوا الى اخطاء للمجلس العسكري منها نسبة القيد اللي مطعون عليها اللي المجلس العسكري كان عاملها والتلت للمستقلين الذين ضغطوا بكل الضغوط على المجلس العسكري عشان يغير هم التيارات السياسية واحد قادة احزاب السياسية المدنية من حوالي شهر قال انا كنت " حمار" باللفظ كده لما وافقت ان احنا نغير لانه اكتشفنا ان دي لعبة معمولة لصالح تيار سياسية معين ففيه اخطاء ارتكبتها القوى السياية واتمنى انه يكون حكم المحكمة الدستورية العليا لتصحيح هذه الاخطاء عشان نحاول نلحق اساس لدولة او جمهورية تانية ديموقراطية اكتر
سحر ناجي: طيب حضرتك تحدثت ضمنا عن دور الاعلام وعن دور الناس اللي بتروح تتكلم في اجهزة الاعلام المختلفة دا يخلينا نتطرق الى موضوع الصحافة كجزء من لاالعالم يعني مؤخرا خرجت اعتراضات كثيرة على معايير اختيار رؤساء تحرير الصحف هل هذه الاعتراضات في رايك في محلها ولا هي مجرد مخاوف بعيدة عن الواقع
أ.أحمد ايوب: فيه اعتراضات زي اعتراض انك تفتح باب الطعون لانها هتبقى حرب داخلية
سحر ناجي: يعني نقفل باب الطعون ولا نعمل ايه
أ.أحمد ايوب: اولا فكرة انك تفتح واني اقدم..الصحفي نفسه عزييزة شوية لما اروح اقدم وهاتلي الc.vبتاعك انا لما اروح اقدم بقالي 20 سنة ولا 25 سنة ينفع اقدم زي التلاميذ واقولك دا شغلي عشان ابقى رئيس تحرير اللي لازم مجلس الشورى يفهمه – اولا انا مش هقدم يعني ليست لي مصلحة على الاطلاق – الذيي يجب ان يقال للمجلس الشورى انه رئاسة تحرير صحيفة اومجلة ليست هي كل المنح لاي صحفي ان عندي مواطن مصري واحد يعجبه كلامي اللي انا كتبت عنه بمليون منصب وب20 سنة في منصب رئيس تحرير
سحر ناجي: اعزائي المشاهدين نشكر ضيفنا الاستاذ احمد ايوب مدير تحرير مجلة المصور وبشكرمشاهدينا والى حلقة جديدة ان شاء الله