السبت*25/2/2012 مفيد فوزى : أسعد الله مساءكم ضيفى اليوم هو متخصص فى علم النفس الإبداعى وقد شغل موقع وزير الثقافة فى مصر كتبت مرة أقول أريد أن يعرفنى بنفسه فلما دخلت مكتبه عرفنى بنفسه ن طريق كتبه سيكولوجية فنون الأداء مترجم الخيال تأليف الغرابة المفهوم وتجلياته فى الأدب إنه وزير ثقافة مصر الذى ببساطة شديدة يقول لن أقدم إستقالتى إلا إذا فرضت عليا إملاءات سياسية اسأل وزير ثقافة مصر الأن ما هى نوعية هذه الإملاءات السياسية ؟ شاكرعبد الحميد : أولا أنا سعيد جدا إنى أكون معاك ثانيا الإملاءات السياسية بمعنى أى شيىء ضد قناعتى أنا قناعتى إن أعمل لصالح الشعب المصرى وأنا بعتبر نفسى مش بس مكلف من الدولة المصرية ولكن أيضا من الشعب المصرى إن إحنا نستعيد قيم الإبداع وقيم الإستقرار وقيم الأمن والأمان للشعب المصرى اللى هو شعب حضارى شعب بنى الحضارة أسس الحضارة بدأ الحضارة الإنسانية وأعتقد إن هو جدير أن يستمر فى هذا البناء وفى الإعمار وفى هذا الإبداع فأنا لو شعرت إن فيه حاجة تتناقض مع مفيد فوزى : زى إيه مثلا ؟ يعنى بتقول إملاءات سياسية ضد قناعات الشعب الناس اللى بتشوفنا تحب إنك تتكلم وأنت مفتوح المسام شاكرعبد الحميد : بالتأكيد بالتأكيد يعنى مثلا إن أنا أقول حاجة عكس الواقع مفيد فوزى : بمعنى ؟ شاكرعبد الحميد : بمعنى إن أشوف حاجة غلط وأقول لأ دا صواب مفيد فوزى : زى ؟ على فكرة ما تضيقش من الإلحاح شاكرعبد الحميد : لا أبدا حضرتك معروف إن أقول الأمن مية مية وهو مش مية مية أنا طبعا بقول فى سياقات أخرى إن اللوا محمد إبراهيم يوسف عمل دورمهم جدا فى إستعادة الأمن والذين معهم يعرف إستعادة الأمن فى مصر بعد توليه الوزارة وفيما يشبه المعجزة ولكن ليس معنى ذلك إن أقول الحدث الخاص بمذبحة بورسعيد دا ضعف فى الأمن منه منقدرش بالتأكيد يعنى لازم يحاسب المقصر فى هذا الموضوع مش كل حاجة نلفيها على الوزير يعنى أنا عندى 450 موقع ثقافى فى الثقافة الجماهيرية فى الهيئة العامة لقصور الثقافة لوموظف فى الصضعيد قصر إحاسب أنا ؟ لماذا إحاسب ؟ لماذا تحملون الناس أكثر من طاقتهم ؟ مفيد فوزى : لو حصل حريق لقدر الله فى دور الثقافة ؟ شاكرعبد الحميد :يحاسب المقصر لأن كل مسئول عن مكان مسئول عنه كلكم راعى وكلكم مسئول عن رعيته دا القصر بتاعته ودا رعيته رعيته مش معناها البشر بس البشر والحجر يحمى المكان إذا قصر فى حماية المكان يحاسب مفيد فوزى : إنت الإبداع همك بمعنى إيه ؟ شاكرعبد الحميد : الإبداع طبعا إن فيه عندنا مجموعة من المتغيرات أو مجموعة من المفاهيم مجموعة من التعريفات للإبداع أنا هاخد أبسطها يعنى أبسطها إن الإبداع إنتاج جديد مفيد 3 كلمات مفيد فوزى : إنتاج جديد مفيد شاكرعبد الحميد : إنتاج بمعنى إيه ممكن يبقى إنتاج أدبى إنتاج فنى إنتاج علمى ممكن يبقى إنتاج فى أى جوانب من جوانب الحياة مفيد فوزى : تصورت إنك هتقول إنتاج شيىء جديد مفيد مبتكر شاكرعبد الحميد : ما هى جديد يعنى مبتكر أنا هشرح لحضرتك وإنت سيد العارفين بس طبعا من أجل أن نوضح للجمهور الإنتاج ممكن انه يكون إنتاج أدبى إنتاج علمى إنتاج فنى إنتاج أدبى قصة أو شعر أو رواية أو مسرحية إلى أخره الفن ممكن انه يبقى موسيقى فن تشكيلى عمارة إلى أخره علمى طبعا فى الفيزيا فى الكيميا الإبداع الخاص بالدكتور زويل إلى أخره فهو إنتاج وبعدين جدبد شرط الجدة أساسى لأن الجده معناها إضافة معناها إن مفيش تكرار مفيش نمطية معناها إن فيه إضافة جديدة للحقل المعرفى مثلا مجال الأدب مجال الكيميا إضيف شيىء جديد الشيىء الجديد بنحكم عليه بالجدة إزاى ؟ المبتكر زى ما حضرتك قلت ومفيدة للمجتمع مفيدة للإنسانية وإضافة مفيد فوزى : يعنى إذنا نصل أن الإبداع هو أن يكون شيىء جديد مفيد مبتكر وإضافة وغير نمطى شاكرعبد الحميد : وأيضا يتفق مع القيم الإنسانية مفيد فوزى : يعنى نجيب محفوظ من المؤكد إنه مبدع بالتأكيد نجيب محفوظ مبدع من الترازالأول حضرتك لما إتهم نجيب محفوظ بأشياء بذيئة حضرتك عملت إسبوع كامل للإحتفاء بنجيب محفوظ شاكرعبد الحميد : مش عملنا بس إسبوع كامل إسبوع كامل للإحتفال بنجيب محفوظ إحنا عملنا مؤتمر عن نجيب محفوظ سينا إحنا أصدرنا 10 كتب نقدية عن نجيب محفوظ إحنا إن شاء الله هنعمل مؤتمر دولى عن نجيب محفوظ فى عيون الأخرين الأخرين هم اللى ترجموا لنجيب محفوظ اللى هى العالمية مفيد فوزى : إذن دا موقف وأيضا موقف مباشر رديت على الذى أطلق هذا التصريح بشكل حاد ومباشر مفيد فوزى : سؤال مباشر عادل إمام فنان مبدع ؟ شاكرعبد الحميد : بالتأكيد عادل مش بس فنان مبدع عادل إمام جزء من مسيرة الفن المصرى عادل إمام جزء من مسيرة الفن العربى عادل إمام فنان من التراز الأول عادل إمام إنتج أو قدم العديد من الأعمال الجديدة والمفيدة مفيد فوزى : تقديمه للمحاكمة موقفك منه إيه ؟ شاكرعبد الحميد :تقديمه للمحاكمة أنا مش هقول بقى مش هعلق على المحاكمات ولا حاجة أنا هقول لأ لا ينبغى أن يحدث ذلك لا ينبغى أن يقدم فنان أو أديب أو مبدع للمحاكمة إن لما يكون لدينا بعض المعارضات على بعض المشاهد أو بعض الكتابات نتحدث عنها بما يماثلها نتحدث عن الفكر بالفكر والفن بالفن مفيد فوزى : أو نقد منهجى شاكرعبد الحميد : نقد منهجى متوصلش لدرجة المحاكمة الإعمال الفنية والإعمال الأدبية أعمال متخيلة يعنى لما عادل إمام بيقدم نمط أو صورة أو شخصية ما بيقصدش شخص معين ولا يقصد مققولة معينة فى الدين مفيد فوزى : انه لو عادل إمام قعد معاك وأنا كنت بناقشه وقلتله ما رأيك فى كذا وكذا ورد بردود من الممكن أن يحاكم عليها إذنا دا أنا بناقش عادل إمام أما وهو فنان شاكرعبد الحميد : دا مستوى أخر منينفعش لازم الناس تفرق بين مستويين مستوى الواقع الفعلى العملى التقديرى المرأوى المباشر ومستوى الفن الغير مباشر المجازى المتخيل الذى يشير ليس صراحتا وينمى ويقول له ربما يكون فيه أشياء فى سلوكياتهم فى أفعالكم فى علاقاتكم ليست جيدة كما ينبغى مفيد فوزى : كأنه مرأة شاكرعبد الحميد : الفن ليس مرأة مباشرة المرأة المباشرة دى خارج الفن الفن مجاز يعنى عادل إمام ما بيقدمش هو بيقدم النمط الذى كان موجود فى المجتمع ككل وبعدين عادل إمام نقد المجتمع وقدم رؤى مهمة جدا لازم إن إحنا نقف عندها دا مسية إبداعية لازن إن إحنا نقدرها نكرمها مش نحاكمها لازم نتوقف عنها أنا أسعدنى الحظ وأنا جلست بجوار عادل إمام فى الكتدرائية وتشرفنا بمقابلة البابا وكانت أمسية يعنى جميلة وتحدثنا عن الفن والحياة الدين وعن مصر وعن المستقبل عادل إمام رمز من رموز الفن فى مصر ما ينفعش يحدث فيها كده أنا أعتقد أن هذه الأمور يجب أن تتوقف فاصل مفيد فوزى : الكورة حرام؟ شاكرعبد الحميد : حرام إزاى الكورة رياضة مهياش حرام والكورة رياضة دى بتجلى العقل وتقوى الجسم وتنمى المجتمع مفيد فوزى : حضرتك سمعت الذى أفتى إن الكورة حرام ؟ شاكرعبد الحميد : والله أنا مش فاكر الفتوى دى بالظبط ولكن معرفش يعنى إيه الحرام اللى فيها مش فاكر لأنها مش المجال بتاعى إنما بالنسبة لنجيب محفوظ أعرف جيدا لكن معرفش إن فيه حد أفتى ما الذى يحدث فى مصر ؟ هل ينبغى إن أحنا نركز على أن نقمع الناس ونعاقبهم ونجعلهم مكتئبين أم ينبغى أن نجعلهم أكثر تفاؤلا أكثر إقبالا على الحياة ما الذى يحدث ؟ الرسول (ص) بيقول تبسمك فى وجه أخيك صدقة إنك مجرد تبتسم تاخد صواب عليها والكلمة الطيبة صدقة بحاجات بسيطة طب ما تقولوا للناس كلام طيب إبتسموا فى وجهم بتجعلوهم مكتأبين ليه مفيد فوزى : هل شح الضحك فى مصر ؟ شاكرعبد الحميد : أعتقد انه شح مفيد فوزى : هل تخاف على المجتمع المصرى من إنيميا الخيال؟ شاكرعبد الحميد : لأ أنا مخفش على الشعب المصرى إنيميا الخيال لأن الشعب المصرى دايما عنده آليات يتخيل ويبتكر من خلالها أساليب لمواجهة الواقع الشعب المصرى بيتخيل الشعب المصرى أكتر شعب حكاك فى العالم الشعب المصرى الحكاية موجودة فى حياته بين البسطاء وبين المبدعين وبين غير المبدعين الشعب المصرى حتى فى المكالمات التليفونية يحكيلك حكايات سيناريوهات ويعيشك فى الخيال لسببين لأن جزء من الإبداع ولانه أيضا وسيلة للهروب من الواقع ومشكلاته وصعوباته مفيد فوزى : هل النكتة فيها خيال ؟ شاكرعبد الحميد : النكتة مش فيها بس خيال النكتة فيها خيال وفيها إبداع وأنا هقول إيه المشترك بين النكتة وبين الإبداع إحنا بنقول إن الإبداع إنتاج جديد ومفيد والنكتة لازم تكون جديدة ومفيدة لو كانت قديمة مش هنضح عليها النكتة لا تحكى إلى مع الأخرين إبداع موجه لخدمة الأخرين الإبداع فيه نوع من كسر المتوقع النكتة فيها كسر يعنى ياخدك فى إتجاه وبعدين تلاقيه محولك فى إتجاه أخر فيه مفارقة فالإبداع فيه هذه المفارقة النكتة فيها طلاقة يعنى فيها التدفق والطلاقة وفيه المستمع وفيه الذى يحكيها فالنكتة إبداع للشعب المصرى وغير المصرى طبعا مفيد فوزى : عايزاسألك عن الألفاظ الخشنة شاكرعبد الحميد :لأ أنا بسميها الألفاظ الفجة فى فجاجة مش بس فى الألفاظ فى السلوك ودا ينبغى إن إحنا نحذر منه مفيد فوزى : دى مسئولية مين ؟ هل هو مسئولية التعليم ؟ لم يكن جيدا يوما ما ولا مسئولية ثقافة مع انه الثقافة شاكرعبد الحميد :سلوك مسئولية الجميع مسئولية الإعلام ومسئولية المدارس ومسئولية البيوت ومسئولية التاريخ التراكم التاريخى إن الناس بستخدمها لحد ما وصلت إلى مرحلة الإنفلات وجزء من الإنفلات يظهر فى السلوك ويظهر فى الكلام والكلام سلوك اللغة سلوك يعنى لما نقول سلوك لفظى وغير لفظى يعنى الحركة فى المكان سلوك غير لفظى لكن الكلام سلوك واللغة زى ما قال عالم النفس الروسى بافلف هى اللى جعلت منا بشرا نحن نصبح بشرا باللغة من خلال اللغة نصبح بشرا اللغة مش مجرد كلام اللغة بتعبر عن إتجاهات وسلوكيات وأفكار وخيالات وذاكرة الحركة اللى بنسميها لغة الجسد يعنى تلاقى حد يقوله حاجة فيزعق ويشوح بى إيده وبعدين ما يراعيش اللى قدامه أكبر منه ولا أصغر منه ولا واحدة ست ولا واحد قد أبوه لأ فيه نوع من الفجاجة مفيد فوزى : هل تعتقد إن الثقافة الإستهلاك يعنى إيه الأمان منها ؟ شاكرعبد الحميد : هى ثقافة الإستهلاك الأمان منها الوعى بيها لأن إحنا عايشين شئنا أم أبينا فى قلب ثقافة الإستهلاك وثقافة الإستهلاك مرتبطة بالعصر اللى إحنا عايشين فيه اللى هو عصر الصورة والإعلانات والتليفزيون مهم جدا فى الثقافة الحديثة طيب فإذنا الصورة مرتبطة بالإستهلاك ليه ؟ لأنك ما تقدرش تقدم البرنامج كل يوم لازم تجدد فيه والصورة بتعتمد على العرض وعلى الإبهار وعلى إنك تأثر على المتلقى طيب ما هو فى نفس الوقت لازم تقدمله الإعلان إعلام يبيع البرنامج يبيع الصورة طيب دا مرتبط بالإستهلاك أه آلية الإستهلاك البيع والشرا طب ما هو الإعلانات دى بتأثر على الأطفال بتأثر على المراهقين طب ما هو هيبقى فيه بيع وفيه شرا طب ما ينفعش الإنسن يفضل يبيع ويشترى على طول لأن إمكانيته مش هتسمح له يدخل فى سلوكيات غير قانونية أو يدخل فى إكتئاب أو إنسحاب مفيد فوزى : هل الحرف موجود فى الحياة مع وجود الفيسبوك الحرف الكلمة ؟ شاكرعبد الحميد : طبعا بالتأكيد الحرف والكلمة هيفضلوا موجودين مفيد فوزى : هل بيتأكل ؟ شاكرعبد الحميد : لأ معتقدش أنا ضد هذه المقولة وأنا عندى وجهة نظر وأنا متابع وعارف انه مثلا على سبيل المثال أشهر مواقع الكتب فى العالم اللى هو شركة أمزون دى بتبيع الكتب الرقمية والكتب الورقية نسبة مبيعاتها من الكتب الورقية أعلى وبنلاحظ لما بينزل كتاب جديد على سبيل المثال ليس الحصر كتابات هارى بوتر دا بيبقى طوابير بيشتروا الكتاب الورقى معظم الناس تحب الكتاب الورقى مفيد فوزى : دا بالنسبة للعالم هل فى مصركذلك ؟ شاكرعبد الحميد : أه طبعا دا إحنا أكتر مفيد فوزى : ليه ؟ شاكرعبد الحميد : لأن إحنا الكتب الورقية مش متوفرة علشان العدد وعلشان أحيانا بعض الكتب بتعتمد على إنك تشتريها مش كل الشعب المصرى والشباب عندهم الكريدىت كارد والكلام من دا فطبعا الكتب اللى موجودة الورقية كتب رخيصة وبعدين سهلة الحمل تحملها معك فى أى مكان وبعدين بعض الناس بيحبوا يلمسوا الكتاب ويشموا ريحته ويبقى معاه ويشخبط عليه الحاجات دى كلها مش متاحة مفيد فوزى:الحاجات اللى إنت بتكتبهها بتكتبها بالقلم ولا بالكمبيوتر؟ شاكرعبد الحميد : أنا بكتب بالقلم لأن معنديش مهارات تكنولوجية كتيرة ومش عايز أتعلمها هقول لحضرتك ليه ؟ أنا طبعا متخصص فى الإبداع وأعرف المبدعين المصريين أنا الماجستير اللى عملته كان على الإبداع فى القصة القصيرة ودكتوراه كانت على الإبداع فى الفن التشكيلى والرسم تحديدا فأنا أعرف معظم المبدعين المصريين وأعرف كيف كانه يكتبون قبل الكمبيوتر وبعد الكمبيوتر عدد كبير جدا لما تقارن إبداعه بالقلم بإبداعه بعد الكمبيوتر يعنى بالإيميلات والحاجات دى والرقميات مستوى الإبداع قل وممكن أقول أسماء بس مش عايز يزعلوا منى الإبداع باليد فيه نوع من التفاعل والحميمية أكتر وسهولة فى الشطب مفيد فوزى : يعنى ملامسة القلم للورق شاكرعبد الحميد : طبعا إحنا بندرس فى علم النفس المسودات بتاعة المبدعين يعنى بنشوف إزاى بتتحرك حركية الإبداع بتتحرك من مسودة لمسودة لغاية لما نوصل للنهاية مش بس على مستوى الكتابة حتى على مستوى الفن التشكيلى دا فيه عالم المانى هو حاليا معاه الجنسية الأمريكية وعالم مشهور فى دراسات سيكولوجية الفن من أصل المانى عمل كتاب كامل عن لوحات الجرن الجرن لبيكاسيو فلقى بيكاسيو عامل 67 إسكتش للوحة الواحدة علشا يوصل للوحة الأساسية و8 لوحات كاملة ويغير فيها ويحط الحصان هنا مرة ويتعاد والطفل هنا مرة والمصباح هنا مرة والرموز والأبيض والأسود ليه أبيض وأسود لانه مرتبط بالنوروالظلام الخيروالشرأقرب إلى عالم التجريد مفيهوش هذه البهرجة اللونية فى النهاية كان بيعبر عنن روح أسبانيا التى ضربت فى قرية الجرن فى شمال أسبانيا بالطائرات الألمانية وبعدين بيعبر عنها من خلال اللوحة وبعدين بقت خالدة أصبحت رمز لأسبانيا لوحة رمز مفيد فوزى : على فكرة فى نفس هذا المجال أقول لحضرتك إن محمد عبد الوهاب موسيقارنا العظيم كان فيه 12 نوتة موسيقية ليصل إلى النوتة الأخيرة ويوسف إدريس يمكن 10 مسودات للقصة بالمناسبة كنت عايز اسألك انه الدراما المستعجلة على الظهورالتى تريد أن تناقش أيام الثورة هل هى دراما تصل إلى الوجدان أم هى عمل مجرد إعلامى ؟ شاكرعبد الحميد : لأ إعلامى ومفتعل فيه إفتعال أنا ما بقلش دا على المستوى الدراما حتى على مستوى الإبداع فى القصة والرواية والشعربدرجة كبيرة طبعا فيه إستثناءات بس طبعا أنا لي وجهة نظرالثورة الأحداث الكبيرة فى حياة الأمم والشعوب بتحتاج فترة لكى تتأملها ما ينفعش إنك تعبر عنها بشكل مباشر ممكن تعبر عنها بشكل مباشر بس هتبقى دى البروفة الأولى لكن علشان يترسخ هذا وتتأمله وتتعايش معه وتعيش بداخله ويعيش بداخلك وتشوف كل أبعاده ويبقى فيه معايشة فكرة المعايشة والفن خبرة والهدف خبرة والمعايشة وتأمل وليل ونهار عايش معاك ويبقى هو حياتك وإنت حياته ما ينفعش دا أعمله بهذا الشكل السريع أو هذ الشكل اللى حنا بنسميه التوشية يعنى أعمل عمل أروح مزودله شوية ثورة مينفعش الكلام ده مفيد فوزى : إسمها إيه ؟ شاكرعبد الحميد : تشويه يعنى يزوق العمل بيحطله شوية زخرفة تشوية هنا ماينفعش ما حدش يضحك على الناس الناس بتفهم وبتعرف مفيد فوزى : فى كتاب لفت نظرى فى الكتب اللى عرفتنى بيها إسمه الغرابة ماذا تقصد بالغرابة أنا جالى فى ذهنى الوهلة الأولى الفترة اللى قضيتها خارج مصرالغربة شيىء والغرابة شيىء أخر شاكرعبد الحميد : لأ الغربة سهلة لكن الغرابة صعبة الغربة الواحد خارج وطنه بيحن فبيرجع خلاص راحت الغربة لكن يبقى فى وطنه يشعر بالغرابة ليه ؟ لأن الوطن بيت لما الإنسان يشعرإن الوطن مش مستقر أو غير أمن يبقى دى الغرابة مفيد فوزى : الغرابة زى إيه ؟ شاكرعبد الحميد : مثلا الغرابة موجود حاليا موجود فىى الدراسات النقدية والثقافية والإجتماعية والمعمارية كانه مفهوم العصر الغرابة ممكن نفهمها بأنها عكس الألفة يعنى لما يكون الواقع أو المجتمع أو الوطن فيه ألفة يبقى مفيش غرابة مفيد فوزى : حددلى أكترالمفهوم الألفة اللى هى إيه ؟ شاكر عبد الحميد : اللهى الأمن- الطمأنينة- الألفة يعنى إحنا بنقول إيه يعنى مألوف وأليف يعنى إن أنا أشعر إن ما يحدث أليف ومألوف ليعا أنا معتاد عليه وأليف أى حميم فلما يبقى فيه شعور بالوحشة والوحشة هنشرح معناها لأن ليها معانى فى التراث العربى مهمة جدا لما يبقى فيه شعور بالوحشة بالشك بالحيرة بفقدان اليقين فقدان الأرض الثابتة فقدان الطمأنينة إن البيت بين قوصين الوطن الذى ينبغى أن يكون أمنا ليس أمنا والبشر الذى يعيشون فيه يفتقرون أويفتقدون للألفة للحميمية للحب يبقى هنا إحنا فى مرحلة غربة الغربة حيرة فقدان يقين حالة تجمع بين حالتين إن دا وطنا بس مش حاسين إن دا ما نتمناه دا بيتنا بس مش دا بيتنا اللى إحنا نتمناه البيت الذى كان مألوفا يتحول تدريجيا إلى بيت غيرمألوف مألوف وغير مألوف فى نفس الوقت أليف وغير أليف فى نفس الوقت أنا عايز أقول تحول البيت أو تحول الوطن إلى سجن موحش تماما لأ فيه بوادر ألفة يهمنا إن إحنا نزودها فى جوانب كتيرة ونقلص الغرابة ونقلص هذه الحيرة يعنى ينبغى إن إحنا نصل إلى نوع من اليقين من الثبات من الإطمئنان إحنا عايزين نوصل لى ده بالحواربالحب بالأمل بالإبداع بالإنتاج مفيد فوزى : هل تسقط هذا الكلام على مصرالأن ؟ شاكرعبد الحميد : أنا بسقطه على مصر طبعا آمال إيه دا هو المصطلح ده اللى بيوصف حالة مصر الأن على الرغم إن أنا إشتغلت على هذا المصطلح منذ 4 سنوات وكتبت كتاب عن الفن والغرابة ثم هذا الكتاب عن الأدب والغرابة صدر فى عناصر من الغرابة ممكن نشوفها فى الحياة حياتية وفنية مثلا لما يبقى الموت جنب الحياة لما يبقى فيه هذا الكم من الجرائم هذا الكم من العنف دا العنف وجرائم يعنى غريزة الموت طيب غريزة الموت اللى بتتوجه نسيطر على غريزة الحياة وتقمعها وتكبتها وتقتلها فى حين إن المفروض العكس المفروض إن غريزة الحياة هى اللى بتتغلب على غريزة الموت لما يحدث إن الموت يتغلب على الحياة فهى دى الغرابة لأن الحياة بتسعى أن تحقق ذاتها تتقدم مفيد فوزى : وهو ما تتأمله الأن شاكرعبد الحميد : لما أقول مثلا مثال بسيط جدا بقول معنى بس طبعا أبسط من كده لما أقول مثلا فى أحياء عايشين مع أموات عندنا أحياء عايشين فى المقابر مع الأموات فالمفروض إن الأحياء يعيشوا مع الأحياء إتصال الموت بالحياة بالمعانى المختلفة أنا بقول دا للتبسيط لكن إتصال الموت بالحياة وجود الموت وجود الخوف بالشكل ده لأن الخوف عنصر أساسى فى الغرابة الشك والحيرة والخوف وفقدان اليقين هو الغرابة إنك تشعر إنك فى وطنك مش فى وطنك دى غرابة إنك تشعر إنك آمن وما أنتش أمن إنك تشعر إن فيه ألفة مع الناس ومفيش ألفة مفيد فوزى : نسميها غرابة وغربة شاكرعبد الحميد : غرابة وغربة داخل الوطن كتلك الغربة التى كان يتحدث عنها أبو حيان التوحيرى عندما كان يقول إن الغريب مش الغريب عن وطنه الغريب اللى يكون موجود فى وطنه وساعر إن الناس بتبتعد عنه وما بتدهوش حقوقه مفيد فوزى : إنت خرجت ليه ؟ شاكرعبد الحميد : أنا خرجت لسببين لتحسين مستوى الدخل السبب التانى إنى كنت محبط على الرغم من إن أنا كنت نائب رئيس أكاديمية الفنون كنت محبط من كل شيىء يعنى وكنت عايز أفتح باب جديد ليا مفيد فوزى : حضرتك إنطوائى ؟ شاكرعبد الحميد : أنا إنطوائى إنطوائى معتدل بمعنى إن فيه إنطوائى متطرف فى الإنطواء دا ينسحب من الواقع وينسحب من التفاهم مع الأخرين مفيد فوزى : آمال الإنطوائية المعتدلة اللى هو بيبقى موجود مع الناس بس عنده عدد قليل من الأصدقاء إن ما يقدرش يلقى خطاب فى جمهور كبير ممكن يحب الجلسة الحميمية مع أصدقائه يضحك ويتكلم ويحكى الحكايات تتذكره ويتأمله هيبقى حميمية كل ما كان العدد أقل هيبقى فيه حميمية وفيه ألفة معظم المبدعين الكبار ممكن يبقى إنطوائى ممكن يبقى إنبساطى لأن لأن دا شيىء مش بس مرتبط بالسلوك أو مفيد فوزى : فيه فروق بين الإنطوائى والمكتئب ؟ شاكرعبد الحميد : هقول لحضرتك بس هو طبعا بالنسبة للإنطواء والإنبساط بعض النظريات بتقول إن دا موجود حتى على مستوى البيولوجيا يعنى كيمياء الجسم والهرمونا بتفرض على الإنسان انه يبقى أميل للإنطواء أو أميل للإنبساط إنبساطى يعنى إجتماعى يعنى تقوزل لواحد عندك إختيار تحب تقرا كتاب ولا تحضر حفلة ؟الإنطوائى يقولك لأ الإنبساطى يقولك لأ أطلع فى حفلة طيب الجانب الوراثى أو البيولوجى مفيد فوزى : هى مسألة جينية ؟ شاكرعبد الحميد : فيه لازم بس المجتمع مهم المجتمع والأخرون مهمين جدا يعنى يمكن أنا عندى عامل الإنطواء بس المجتمع يخلينى أبقى واثق من نفسى موجود معاهم ما أشعرش بالحيرة ولا بالقلق أو بالخجل فيه ناس بقى ما بيحبوش يقعدوا وحدهم ما يحبوش يقروا كتب ما بيحبوش العزلة لما يبقى قاعد لوحده لازم يتصل بالناس حتى وباليل تصل دلوقتى فى الإميل والفيسبوك والحاجات دى فدايما عايز يبقى متواصل مع أخرين الإنطوائى بيبقى بيبحث يبعد عن الأخرين مفيد فوزى : حتى الناس اللى بتقعد على الكمبيوتروالنت والفيس بوك والحاجات دى إلى حد كبير يكاد يكونوا ملتحمين مع التكنولوجيا وبالتالى بتخلق حالة من الوحدة والإنطوائية شاكرعبد الحميد : بالظبط كده كلام حضرتك مظبوط مش بس بتخلق إنطوائية بتخلق إنعزال عن الواقع إنعزال عن الواقع وبالذات نوع من الإدمان يعنى إحنا بنعتقد إن التكنولوجيا وصلتنا ببعض بالعكس هى أبعدتنا عن بعض يعنى دلوقتى لما كنت بزورمثلا حد لأ بكلمه على ألأميل أوعلى الفيسبوك أقول لسه هروحله مصر الجديدة لأ أبعتله أس أم أس وأخلص لكن زمان كان لازم أنزل وأروحله أشوفه إزاى ؟ مفيد فوزى : دكتورشاكرحضرك ليك قول مهم قوى بتقول فيه لا نحتاج رئيس دولة يعلمنا الصوم والصلاة نريد رئيسا لديه مشروع إقتصادى وإجتماعى وسياسى وتربوى بإختصار مشروع للمستقبل شاكرعبد الحميد : بالتأكيد أنا مصر على هذا القول ومتمسك بيه لأن بعض المرشحين المحتملين لرئاسة الجمهورية كان بيجى يطلع فى البرامج التليفزيونية وبعدين يركز انه لما هيبقى رئيس هيقول للناس تصلى إزاى ؟ ومش عارف لو حد ماشى فى الشارع أثناء الصلاة هيقولوا ماشى ليه ؟ ودا مش خطاب الأطفال عندنا بيعرفوا يصلوا ويصوموا والدين موجود سواء الدين الإسلامى أو الدين المسيحى موجود فى أعماق الناس والعب المصرى مسلمين ومسيحيين متدينيين وعندهم هذه القيم الدينية منذ الطفولة فأحنا محتاجين مشروع لنهضة مصر وتقدم مصر الدين مكون أساسى ومهم ومحدش يقدر ينكره لكن إحنا محتاجين خيال عايزين خيال سياسى وخيال إجتمعاى وخيال تربوى عايزين إبداع عايزين مشروعات للنهضة عايزين مصرتنهض عايزين مصر تنفض عن نفسها هذه الأضغان وهذه المخاوف وهذه الجوانب الخاصة بالتراخى والتكاسل وتنهض بالإقتصاد وتعلوا وتسموا وترتقى وتصبح أمة من الأمم المتقدمة التى يشار إليها فى البنان عايزين مصر مصر متقدمة نفخربها لكن عايزين نفخر بها أكتر نفخر بيها أكتر إزاى ؟ مشروعان إقتصادية وإجماعية وتربوية مفيد فوزى : إنت بتربط الرئيس شاكرعبد الحميد : لازم يقدم لنا مشروع إلى المستقبل ميبقاش موضوع للماضى الماضى موجود وكل الناس تقدر تعرفه من الكتب لكن اللى مش موجود فى الكتب الخيال والإبداع الخيال مش موجود إحنا فيه عندنا إحنا عندنا علم نفس الإبداع أنا متخصص فيه مفيد فوزى :هو واحد من 24 نوع من علم النفس شاكرعبد الحميد : بالتأكيد هو واحد من 24 نوع علم نفس هو أساسا بيدرس سيكولوجية المبدع بيدرس العملية الإبداعية بيدرس الناتج الإبداعى بيدرس تربية المبدعين مفيد فوزى :عندنا كشافين فى مصر ؟ شاكرعبد الحميد : عندنا متخصصين فى موضوع الإبداع مفيد فوزى : الكشافين يعنى الذى يجلس أماك الأن على يمينك الأن إكتشفنى كامل الشناوى يعنى إستشرف فيها صح كلمة إستشرف ؟ شاكرعبد الحميد : مية مية مفيد فوزى : إستشرف فيها إن قد أكون عاشق صبابة للحرف فى بداية عمرى وقد كان شاكرعبد الحميد : وقد نجح فى إستشرفه مفيد فوزى :ربنا يخليك هل لدينا كاشفين يكتشفون المواهب ؟ شاكرعبد الحميد : معندناش بهذا المعنى يمكن أنا كت بقول أنا والسيد وزير التعليم يا ريت يبقى فيه مشروع مشترك لإكتشاف الموهبين فى مصر مفيد فوزى : هل لديك ذكاء إجتماعى؟ شاكرعبد الحميد : إلى حد ما مفيد فوزى : معرفش ليه عندى إحساس إن ذكاءك الإجتمعاى كمفكر 70% ويمكن تنقصك 30% ذكاء إجتماعى هل أنا غلطان؟ شاكرعبد الحميد :يمكن تكون غلطان مفيد فوزى : أنا هقول ليه أنا أخدت الإنطباع ده لأنك طول عمرك قاعد فى الضل شاكرعبد الحميد : هنرجع لبداية الحوارالإنطوائى والإنبساطى أنا لي أصدقاء كثيرون بس ممكن يبقى فيه إختيار يعى فيه إصدقاء وفيه معارف ممكن أعرف ناس كتير لكن ما أفتكرهمش أفتكر عدد قليل جدا واخد بال حضرتك فطبعا الشخصية واللحظة التاريخية والهدف اللى الإنسان بيضعوا لنفسه مفيد فوزى : عايزاسألك اسئلة وإجابتها تبقى سريعة أو مركزة هل تعجبك لوحات الفنان فاروق حسنى؟ شاكرعبد الحميد :أنا بحب الفن التجريدى عموما أنا بحب الفن بشكل عام تشخيصى أ تجريبى الفنان فاروق حسنى عنده فدرة على انه يشكل خياله من خلال لوحات ورموز تجريدية اللى بيبقى واقف قدام الرموز والتجريد عاجز أو يزهق بسرعة ما بيحبش اللوحات دى التجريد بيستثير الخيال يعنى إيه بيستثير الخيال ؟ يعنى اللوحة ما بتبقاش ليها معنى واحد كل واحد بيقراها وكانه بيسقط عليها ذاته يعنى بيشوف فيها هى اللى طلعت اللى جواه وبناءا عليه تعدد الرؤى بعض الناس مابتحبش الفن التجريدى عايز يشوف اللى قدامه ده إنسان مش عايز يشوف رمزالإنسان أو دا طائر أو رمز لطائر عايز الطائر نفسه مفيد فوزى : هل تأثرك أشعارنزار قبانى ؟ شاكرعبد الحميد : أنا أحب الشعرعموما بس طبعا ما بتأثرنيش تجاوزت يمكن أيام المراهقة لكن دلوقتى لأ أنا أحب الشعر اللى فيه تأمل مفيد فوزى : هل تتابع ولو فضولا أعمال المخرجة إيناس الدغيدى ؟ شاكرعبد الحميد : أه طبعا طبعا بتابعها طبعا مفيد فوزى : من عاطفيات أم كلثوم الخالدة ماذا يأثرك ؟ شاكرعبد الحميد : جددت حبك ليه بعد الفؤاد ما إرتاح والأمل لولاه عليا كنت فى حبك ضحية ورق الحبيب مفيد فوزى : إنت عاطفى يا دكتور شاكر ؟ شاكرعبد الحميد :أه أنا عاطفى جدا وأعتقد إن إحنا كمصريين عاطفيين فاصل أغنية لأم كلثوم مفيد فوزى : هل أقدرأعبر عن عاطفى وحضرتك تقدر تستوعبها أكتر من أى حد تانى أنا جلست فى هذا المكان وحاورت طويلا فاروق حسنى وقد إفتقد فى الجلسة لثوانى شخص فاروق حسنى هل هذا تحقق أم عاطفة ؟ شاكرعبد الحميد : لأ عاطفة وإخلاص ومودة وشعور إنسانى وطبعا اللى ميقلش كده يبقى بينكر طبيعته الإنسانية هو إحنا خلاص تحولنا إلى النقيض ؟ المودة لازم تبقى موجودة مفيد فوزى : هل تعجبك القوائم السوداء للفنانين وأنت وزير الثقافة فى مصر ؟ شاكرعبد الحميد : لأ طبعا متعجبنيش لأن لزم أولا إن الناس تعبر عن وجهة نظرها ممكن تبقى على صواب ممكن تبقى على خطأ نناقشها ونحاورها وبعدين نقنعها ربما نقتنع لكن ما نستبعدهاش بهذا الشكل مفيد فوزى : هل لك ميول كروية ؟ شاكرعبد الحميد : أنا كانت لديا ميول كروية مفيد فوزى : ثم ؟ شاكرعبد الحميد : ثم يعنى إنشغلت لكن مازالت أحب أتفرج على كاس العالم أحب أتفرج على برشلونة وريال مدريد وليفربول لكن ما أحبش الكورة المصرية مفيد فوزى : هل هناك أمل فى إستعادة زهرة الخشاش ؟ اللوحة الشهيرة شاكرعبد الحميد : الأمل موجود دايما مفيد فوزى : هل عرفت فى حياتك عدم إكتمال الحب؟ شاكرعبد الحميد : بالتأكيد طبعا وبعتبر إن دا عنصر أساسى فى حياتى عدم إكتمال الحب عنصر أساسى فى حياتى لأن خلانى أحاول أتجاوز هذا الإحساس فى العمل والإنجاز لأن طبعا معظم المصريين بيفشلوا فى فترة المراهقة فى الحب لأسباب مادية واسباب غير مادية فعدم إكتمال الحب ربما كان أفضل من إكتمال الحب بس طبعا إكتمال الحب شيىء عظيم .
