اشرف عبد الحليم: مشاهدينا اهلا بيكم في مساحة للراي النهاردة بنحاول ندقق ونحلل ونحط المشاهد في ابعاد الصورة المشهد السياسي في مصر ملئ بالفرق كل فريق يرى انه الاصوب وانه الأصح الكل يتحدث باسم الشعب والشعب في حيرة وقلق وكل همه لقمة عيش وانه يسير في الشارع ويمشي في امان غرقنا في الحديث عن مؤامرات داخلية او خارجية ولكن لم نهتم باصلاح الداخل لقطع الطريق على الخارج غرقنا في الخلافات وقضايا ، اصبحنا نتكلم فقط والكل يدعي انه وحده يمتلك الحقيقة يبدو مشاهدينا ان المصريين ادمنوا الخلاف والتنظير الاجتماعي السؤال اللي بيطرح نفسه على الاذهان رغم اليقين بان الوطن في خطر لماذا لا نعمل على درء ومحاربة هذا الخطر هذا السؤال نتوجه به الى ضيفنا في مساحة للراي الصحفي الاستاذ محمد عبد الفتاح نائب رئيس تحرير العدد الاسبوعي للوفد اهلا بيكم يافندم .. يعني السؤال بيطرح نفسه ليه غرقنا في جدل سياسي وما بنعملش على درء الاخطار المحيطة بالوطن رغم علم الجميع بهذا الخطر أ/محمد عبد الفتاح: المشكلة فينا النهاردة لما بدانا الثورة والكل احتفل بالثورة وكانت الثورة في الاول بتحقق هدف لكن جينا موقف لا زلنا فيه في منتهى الخطورة ان كل واحد فينا بدا ينظر من وجهة نظره الشخصية الوطن في خطر وعشان الوضع قدامنا يبقى في منتهى الحقيقة وكلنا شايفين ان مصر في خطر عندما قلنا في الاول" الدستور اولا " لانه هيحط هيدي قيمة للدولة والكل يمشي تحت طائلة القانون اللي هو انت دلوقت انت مش عارف انت رايح فين وجاي منين انت النهاردة لما بدات تتكلم مع اي شخص ما في اي حديث ماعادش يسمعك ودي كارثة كبيرة جدا .. مصر في خطر..؟ .. نعم مصر في خطر وكلنا لابد ان نقف جميعا ايد واحدة ضد الخطر القادم على مصر اشرف عبد الحليم: لعلك بتتابع معانا موجة من الجدل والتنظير عبر هذه الفضائيات لكن لا تطرح اي حلول عملية بالعكس اتهمت هذه الفضائيات باثارة الفوضى والقلق أ/محمد عبد الفتاح: هو بعد احترامي لقنوات الفضائية البعض منهم وطني والبعض يريد اشعال الفتنة في مصر والمشاهد النهاردة ذكي جدا في اختياره تحديدا في برامج التوك شو وفيه اتهامات للقنوات الفضائية ان القناة دي تمويلها من كذا والقناة دي تمويلها من كذا احنا مش عايزين ندي اتهامات برضه في منتتهى الخطورة عشان برضه اجي اتهم الاستاذ اشرف او اتهم اي فضائية انه التمويل اجنبي او غير اجنبي او فلول زي الناس ما بتقول يبقى عندي ادلة للاسف الشديد كله بيتكلم من غير ادلة اشرف عبد الحليم: لا عارف يا استاذ محمد الاتهام الموجه هو الاهتمام بالاعلان لجذب المشاهد وبالتالي بعلي نبرتي وبأثير فوضى لاجذب المشاهد وبالتالي اكسب معلن على حساب مصلحة المصريين أ/محمد عبد الفتاح: انا متفق معاك ولكن برضه بعض الفضائيات اتمنى انها تنتقي الضيف اللي بيتكلم عن مصر.. الضيف النهاردة لما ما بيتكلمش في قضية محددة تلاقيه بيدخل في موضوع ويخرج الى موضوع اخر والاتهامات الجزافية لبعض الشخصيات اللي موجودة في البلد او خارج البلد دا مرفوض ويفترض ان انا اتكلم في قضية وما اخرجش عنها ولكن لا بالصريخ ولا بالصوت العالي انما هاخد مساحة ويتقال انه بيتكلم على في مساحة وتيجي تدور في مضمون الكلام .. النهاردة هرجع للسؤال .. مصر في خطر ولابد ان نتكاتف .. نعم كان هناك فساد .. نعم فساد استشرى في البلد بطريقة خطيرة والكل بيحاربه ولكن بطريقته.. مصر ولابد ان نقف جميعا يد واحدة ضد هذا الخطر القادم على مصر اشرف عبد الحليم: يمكن في نفس الموضوع النهاردة المفكر السيد ياسين بيقول ان المطلوب اليوم ان تشخيص السلبيات والسلوك السياسي اللي بيمارسه البعض عبر الفضائيات.. يعني نصارح نفسنا ان فيه محاولات للفوضى وفيه لعب لاثارة القلاقل لدرجة النهاردة مقدم البرنامج يتنبأ بحادث عنف يقع بعد يومين أ/محمد عبد الفتاح: نعم الكلام دا حقيقة اللي قاله الاستاذ السيد ياسين ولكن المشكلة الحقيقة احنا مش فاهمين احنا عايزوين نروح فين دا خطر كبير جدا لكن لابد من وقفة انت النهاردة بقالنا سنة بنتكلم في ثورة السياسة النهاردة كفاية سياسة ونبص لاقتصاد البلد احنا النهاردة دخلنا النفق المظلم عشان نبقى واقعيين لازم الكلام دا يبقى قدام الشعب ومفيش تضليل لابد ان تكون هناك مصارحة من المسئولين القائمين للشعب ولابد ان يكون هناك ضبط وربط ولابد ان يكون كل من يعمل لجهة اجنبية ان يحال النيابة العامة اشرف عبد الحليم: لابد ان ننبه المشاهدين ان الوضع العام مرتبك ومتداخل ل لابد ان نحاول ان نلم نفسنا لازم نتكاتف من اجل مصر والامر يتطلب حلول عملية نسعى اليها من خلال حواراتنا ومن خلال برامجنا ومن خلال الاعلام المصري ونكمله بعد متابعة هذا التقرير تقرير " مانشيتنات من الصحف المصرية" * الاوراق الخاصة لنبيل عمر تقول"مايحدث امام وزارة الداخلية والشوارع المحيطة بها ليس رد فعل لكارثة بورسعيد ولكن امتداد لها" * حكاوي وجدي زين الدين في الوفد تشير الى مخطط امريكي صهيوني تنفذه قوى تسعى لاسقاط هيبة الدولة " * تحت عنوان ادعياء الثورة والمصالحة المطلوبة كتب زياد السحار بالجمهورية "ان المشهد العام فلي مصر ملتبس ومتداخل مرتبك يدعو للاسف على مصر وشعبها " * وفي فيتو يقول السيد ياسين " انا اوان المصارحة وتشخيص سلبيات السلوك السياسي السائد واعطاؤه التكيف الصحيح بلا مراهنة ولا مراوغة" * في تاملات سياسية يقول الدكتور رفعت سيد احمد" انتبهوا ياثوار.. جيش اسرائيل يقوى وجيوشنا العربية تتفكك" * وفي اوراق محمد عصمت في الشروق " ان المجلس العسكري لن يستطيع استعادة الثقة الا بتحقيق المطالب المشروعة للمتظاهرين وتقديم قتلة الثوار للمحاكمة العادلة " * اما في كان وان لصلاح منتصر في المصري اليوم يقول" ان لمجلس الشعب ان يمارس سلطاته في التشريع ويصدر تشريعا بمحاسبة الذين افسدوا الحياة السياسية في فترة حكم مبارك ليرتاح الجميع" * يدعو عادل السنهوري في اليوم السابع العقلاء من الامة الى التصدي لدعاوى العصيان المدني التي اطلقتها قلة لا تعرف خطورة هذا الامر على مصرنا.. * في بدون تردد كتب محمد بركاتى في الاخبار" ان هناك مؤامرة واضحة لاسقاط الدولة المصرية وهناك اصرار على ضرب الامن ومؤسساته في مقتل لنشر الفوضى في ربوع مصر" * وفي ماذا بعد في المساء يقول خالد امام" ان الحوداث التي تشهدها محيط وزارة الداخلية لا تحتاج الى تفاهم على التهدئة ولكن تحتاج الى اعلاء شان القانون وادارة البلاد بشفافية" فاصل اشرف عبد الحليم: اهلا بكم من جديد .. يمكن استاذ محمد المانشيتات اللي تابعناها يمكن كل مانشيت لوحده يصلح برنامج لوحده لكن فيه بعض العناوين استوقفتني مثلا ان احداث وزارة الداخلية هي امتداد لاحداث بورسعيد وليست رد فعلا لها أ/محمد عبد الفتاح: انا اختلف تمااما .. المجزرة بتاعة بورسعيد محدش عارف مين النهاردة المسئول عن هذه المجزرة .. المجزرة دي على اثرها الحكومة كلها تستقيل عشان نبقى واقعيين برضه احنا بنعالج خطأ بخطأ انت تعلم ان مجزرة بورسشعيد كان مخطط ومرتب ليها .. المشاهد بتقول هذا الكلام نمرة اتنين اين المتهم الرئيسي في القضية اشرف عبد الحليم: لجنة تقصي الحقائق شغالين دلوقت أ/محمد عبد الفتاح: طيب اين المتهمين في قضية محمد محمود .. اين المتهمين في القضية .. اين المتهم في قضية مجحلس الوزرا والمتهم في حوادث السطو المسلح .. اسئلة كتيرة جدا الشارع بيطرحها فين المتهم الحقيقي احنا ضد الهجوم على وزارة الداخلية لان دي كيان ما نهاجموش ولكن ندي فرصة للناس تشتغل وانا النهاردة مش بدي فرصة للداخلية تشتغل وادى لحالة توتر بين الظباط اشرف عبد الحليم: وزير الداخلية اعلن انه فيه 200 مجند وظابط مصابين نتيجة الحداث أ/محمد عبد الفتاح: ماهو الظابط دا مين اخويا واخوك وابني وابنك لينا اقارب في كل مؤسسات الدولة لكن لابد ان احنا ندي الناس فترة بلاش الضغط لابد ان احنا نجيب المتهم الاساسي في مجزرة بورسعيد لان دي فضيحة عالمية في مصر ومخطط ليها ومرتب ليها لابد انه نيجي للمتهم الاساسي احنا كنا من اشد الناس اللي بتحارب النظام على مدار 30 سنة في جريدة الوفد والوفد كشفت قضايا فساد كتير جدا واتهمونا بالكدب وودونا النيابة القضية هنا في منتهى الخطورة .. انت النهاردة عمالين نقول ان النظام السابق هو اللي بيخطط انا مش بدافع عن نظام المفترض ان هو يعدم 20 مرة مش مرة واحدة .. مش عاوز احمل زي ماكانوا بيقولوا على الاخوان المسلمين الجماعة المحظورة ماهي السياسة بتاعتنا مش عاوزة تتغير لو مسكنا في واحد يشيل هو القضايا كلها زي ماكان بيحصل انه كنا نجيب واد مسجل ويقول ان الواد دا هو اللي سارق العربيات كلها انا مش عاوز كده انا عاوز اجيب المتهم الحقيقي في جرايم قتل المصريين والشهداء دي كلها اشرف عبد الحليم: طب انت شايف انه فيه غيبة للقانون المصري أ/محمد عبد الفتاح: نعم.. اشرف عبد الحليم: دا بيؤدي الى الفوضى والتسيب أ/محمد عبد الفتاح: نعم.. القانون مازلنا بنفكر بالعقلية القديمة القانون لابد ان يطبق على الكبير والصغير فالكل هيلتزم بسيادة القانون لكن القانون ما بيطبقش انت لو حصلت اي حاجة بيرفع سماعة التليفون.. المفروض اني اكون قدوة ليك زي ما بيحصل بره اشرف عبد الحليم: تحت عنوان تاملات سياسية بيقول استاذ رفعت السيد احمد نبه الى ان جيش اسرائيل بيقوى وجيوشنا العربية تتفكك أ/محمد عبد الفتاح: انا متفق تماما.. احنا داخلين في خطر كبير جدا واخشى ما اخشاه ان جيش مصر جيش عظيم وقوي هما عايزين يجروا الجيش انه يعمل معركة مع الشعب ودا في منتهى الخطورة عايز يوصلك انك تفقد الثقة في الجيش بتاعك ودا في منتنهى الخطورة .. لو بصينا على المنطقة كلها مفيش غير الجيش المصري .. الجيش الاسرائيلي مرتاح النهاردة الجيش الاسرائيلي بيقوى فعلا اشرف عبد الحليم: بعد تدمير الجيش العراقي ما بقاش غير الجيش المصري أ/محمد عبد الفتاح: ودا مستهدف من الكيان الامريكي والاسرائيلي اشرف عبد الحليم: ربنا يستر.. رغم انه تم الاعلان عن فتح باب الترشح لمنصب رئيس الجمهورية يوم 10 مارس القادم واعتقد ان يوم 10 مارس من وجهة نظري تاريخ قريب لكن هناك اصوات بتدعو للعصيان المدني يوم 11 لارغام المجلس الاعلى للقوات المسلحة على ترك السلطة كيف ترى ذلك هل احنا في حاجة الى عصيان أ/محمد عبد الفتاح: ماعتقدش .. انا شايف ان الطريقة اللي بيتكلم بيها القوات المسلحة دي حاجة كبيرة جدا والمجلس العسكري بصفته انه بيقود البلاد دلوقت الناس متخوفة يا استاذ اشرف الكل بيقول ما هو احنا لما بنعمل مليونية احنا بنضغط طب ليه ما بتعملش الحاجات من الاول .. احنا ا نشكك في القوات المسلحة انا اعلم تماما ان المؤسسة العسكرية عاوزة تسلم السلطة لحكومة مدنية .. اشرف عبد الحليم: دا السلطة دلوقت هم كبير قوي أ/محمد عبد الفتاح: نعم.. دا نوع من انواع المخطط الناس قالوا فتح باب الترشيح ليوم 10 ما الداعي اذاً للعصيان المدني اشرف عبد الحليم: طب ليه لهجة التصعيد الدائم يعني أ/محمد عبد الفتاح: لعدم الثقة هي عدم ثقة لان الشعب بقالنا في كبت وعدم ثقة في المسئول وانت تعلم الناس النهاردة مش واثقة في المسئول لكن اللي عاوز اقوله انه لابد من تطهير مؤسسات الدولة من النظام السابق الذي مازال يحكم فعلا انت لو بصيت على كل الوزارات الموجودة هما رجال النظام الاسبق انت شلت وزير النهاردة وحبسته طب ماهو فيه لسه ما اتحبسوش ودا اللي مخوف الشارع انه مفيش ثقة في اي مسئول يتكلم لانه لو اتكلم النهاردة بكرة تلاقي تصريحاته متناقضة تماما اشرف عبد الحليم: احنا غيرنا الوزارة 3 مرات في فترة قصسرة قوي يا استاذ محمد أ/محمد عبد الفتاح: التغيير مش تغيير وجوه .. تغيير سياسات طب ما انت غيرت الشخص دا هييجي شخص تاني بنفس السياسة .. انت ماغيرتش سياسة بلد زي ما بدانا في الول هنوصل لعدم ثقة الشعب في القيادة السياسية اشرف عبد الحليم: اذا جاز ان احنا نقول فيتو هل هناك مخطط اميريكي لاسقاط هيبة الدولة أ/محمد عبد الفتاح: فيتو اشرف عبد الحليم: فيتو..!!! يعني ليس هناك مخطط أ/محمد عبد الفتاح: اه ااسف جدا .. هناك مخطط لاسقاط الدولة وتقسيم الدولة يعني الخطر الاكبر ان فيه خطة امريكية اسرائيلية اوربية لاسقاط الدولة اشرف عبد الحليم: يعني احنا شفنا تصريح لهيلاري كلينتون بتقول ان احنا بنفكر في اسقاط الدولة بتهدد بمنع المساعدات المالية لمصر مقابل اللي عملته مصر ازاء منظمات المجتمع المدني والكشف عن مواردها المالية أ/محمد عبد الفتاح: هو احنا بحسابات بسيطة من الثورة مصر فقدت قد ايه من الناحية الاقتصادية وكم المليارات اللي فقدته كبير جدا وامريكا بتديك دعم قد ايه..؟ هي القضية في حاجة ان ناس او الجانب الامريكي يقولك احنا هنقطع المعونات طب احنا خسرنا مليارات امريكا هتدينا ايه ..؟ لان احنا رسخ في ذهننا من النظام السابق ان امريكا هتعمل وهتعمل ومش هتاكلنا وهتجوعنا وانه وانه طب ياسيدي ما تخلي الحل في ايدينا احنا كمصريين بنرفض الضغوط سواء من اي دولة .. هي امريكا عمالة تلوح لينا بالورقة دي .. تقطعها ومش عاوزين علاقات مع امريكا ونشوف الشعب يعمل ايه احنا لما دخلنا 73 مكانش عندك المعدات والتكنولوجيا الكبيرة زي اسرائيل وخضت حرب كبيرة جدا بامكانيات قليلة لانه كان عندك ...... اشرف عبد الحليم: "كم من فئة قليلة غلبت فئة كثيرة باذن الله" أ/محمد عبد الفتاح: كان عندك العقيدة فاللي عايز اقوله ان الدعم من الامريكان غير اللي هما بينفذوه الامريكان معروف عنهم الكذب يقول ولا يفعل اللي بيقوله في تصريحات ومن تحت الترابيزة شئ اخر اشرف عبد الحليم: ماحدث امام وزارة الداخلية هل هو امتداد لكارثة بورسعيد وليس رد فعل لها أ/محمد عبد الفتاح: مصر لن تهدا الا بضبط المتهم الاساسي في مجزرة بورسعيد ومجلس الوزرا ومحمد محمود .. اشرف عبد الحليم: لو ثبت ان فيه عناصر من الداخلية متورطة تفتكر ان الوضع هيهدأ أ/محمد عبد الفتاح: لا .. هيهدا .. فيه عدة ملاحظات او علامات استفهام فيه استخفاف بالشعب انك تجيبلي ولد عنده 16 سنة وتقولي دا المتهم الرئيسي في القضية انا ما يهمنيش الولد دا على قد مين اللي دفع وحرض الولد دا على مجزرة بورسعيد.. مجزرة بورسعيد الناس لا تتخيل انت لما تقرا واحد له ابن واحد طالب في كلية الهندسة واستشهد في بورسعيد انا عاوز احط المسئول واقوله ماذا لو كان ابنك ماذا لو كان اخوك اشرف عبد الحليم: يكفي هذا السؤال.. يمكن سؤالنا الاخير في حلقىة اليوم عن شاشة التليفزيون المصري انت شايف ان تليفزيون الدولة اصبح مستباح من بعض ابناؤه فيتو ام موافقة أ/محمد عبد الفتاح: موافقة اشرف عبد الحليم: شايفها ازاي أ/محمد عبد الفتاح: انا برضه في طبيعتي اني اتكلم بصدق انه حصل تطوير الاول كانت الناس كلها بتنصرف عن اداء التليفزيون المصري لانه كان الاول خرج الرئيس دخل الرئيس نجل الرئيس حرم الرئيس عصابة الرئيس لكن دلوقت التليفزيون تقدم ونسبة المشاهدة بقت عليه اقوى بكتير من الفترة الماضية لانه بدات تحس نبض الشارع والراي والراي الاخر بعيد عن التجريح ، المهنية بقت عالية جدا والكل بيلاحظها انا كنت من اشد المنتقدين لسياسة صفوت الشريف الريادة الاعلامية ومش الريادة العالمية الكلمة الشهيرة بتاعته اللي كان بيقولها وماكانش بيطبق هذا الكلام ولكن هناك سوء الفهم او بعض الملاحظات انه عاوزين نوصل للمشاهد انه يبقى فيه ثقة في التليفزيون بتاعه بقى فيه تطور في اداء التليفزيون ولكن انا بس بطالب بالبعد من الشق المهني عن الشق الاداري اذا كان هناك فيه خلافات في المبنى او بعض الزملا ان تحل هذا النوع الناس بتطالب بحقوقها انا رايي ندي فرصة للناس ان يفكروا ندي فرصة وبعدين نحكم التجربة ناجحة ام فاشلة اشرف عبد الحليم: لا يسعني الا ان اشكر ضيفي الاستاذ محمد عبد الفتاح نائب رئيس تحرير العدد السبوعي في الوفد شكرا لحضرتك يافندم أ/محمد عبد الفتاح: شكرا اشرف عبد الحليم: وشكرا لحضراتكم على موعد بلقاء يتجدد بحضراتكم في نفس هذا الموعد على شاشة الثانية ومساحة للراي الى اللقاء