يعملوها الشباب ويمسكوها العواجيز العروسه صبيه نَديه جابوا لها من القبر عريس مصر العفيه القويه يحكمها صبغة شعر وطقم اسنان وحَنيت ضهر وخطوة بطء تغيظ عاوزين نعدى الشارع عاوزين نجرى شويه يا ابا مش وقت تحسيس من يوم ورايح يا مصر نهضتك فى زراعة المهلبية وصناعة الشلت والعكاكيز يا ربى هو احنا بنستعد لحرب الكواكب ولا بنحط خطة لطرد الإنجليز وعلى مهلك يا أبا فى التأنى السلامه وفى السرعة الإنجاز وللعالم كله إن جاز حكم مصر لا يُجيز ألبس روبك حط قطرتك اضرب انسولينك بلبع دوا ضغطك هات لبك وأزأز تأزيز والصبر من عندك يا واهب الصبر المغيث ويالا ننزل ع الميدان نلعب : يا عزيز يا عزيز كُبه تاخد الإنجليز مُش حاجه تفرس مُش حاجه تغيظ يعملوها الشباب ويمسكوها العواجيز يا حفيظ .. يا حفيظ