وصلتنى رساله قصيره نصها ( استاذه نجلاء انا على سلامه كنت عايز اكلم حضرتك لو ممكن انا حصلت على تليفونك من بلال فضل ) و تكلمنا... هو الشاعر على سلامه الذى كتبت عنه منذ يومين قلت ان خروجه من الدستور كاد ان يصيبنى بازمه قلبيه ، وانا العاشقه لوجيه عزيز احرص على الجلوس فى الصفوف الاولى فى كل حفلاته ، واذوب فى موسيقاه واحلق مع صوته وصوت جمهوره ، واردد كلمات على سلامه . انا التى كنت ابدأ يومى بابيات على سلامه وأظل محتفظه بها فى ذهنى طوال اليوم حتى يأتى اليوم التالى يحمل كلماتا جديده ، وحتى ان كانت الكلمات نشرت من قبل افرح لاننى استعيدها واتذكرها . هو الشاعر على سلامه الذى تصرخ كلماته بالثوره والامل ، بالحزن والفقد ، بالصمود والاستغناء ، وانا واحده من جمهوره الباكي الضاحك . قال لى على سلامه فى المكالمه انه يقدر ان الغضب يكون بحجم الحب ، وانه سامح كل من لامه او غضب منه وانا منهم لانه يعرف اننا نحبه . روح شاعره لا تخطئ مشاعر الحب ختى لو كانت مغلفه بعتاب . قال ( انا لو كنت اعرف انى لما ما امشي من الدستور هاسبب الالم ده لاى حد كنت عمرى ما عملتها ) وقال انه بمجرد ماانتهى من قراءة المقال الذى اسميته على سلامه كتب قصيده اسمها مساحة قلبى . قال فيها ' ولو تقفلها ميه ونور / تبيع ..تخطف ..تشترى الدستور /ولو تكسر قلم واتنين/ ولو تسرق رغيف العيش / ما عمرك يوم هتعرف فين / انا شايل اغانى العشق . ‘ طلبت منه ان يرسل لى القصيده لأنشرها فى الموقع ، فأرسلها على الفور منهيا رسالته قائلا (ربنا يديم عليكى نعمة الاحساس ) والله يا استاذ على الاحساس مؤلم وكلما تصورت اننى فقدته واسترحت يفاجئنى بحضوره . مساحة قلبي انا بخير .. و زي الفل و الريحان .. و قلبي اللي كبر فجأة قبل الآوان لا بيعجز .. ولا بيشيخ .. ولسه طفل زي زمان .. بطعم الفرح وريحة الأرض ساعة المطر ورغم إني ف قلب الخطر انا حاسس بأن الدنيا لسه امان وإيه كمان .. ولو قربت مني يا حزن ولو فكرت تئذيني .. منين ما بروح بلاقي حضن قادر لسه يحميني .. و اقلق ليه وانا امي اللي كانت لما تدعيلي تقولي روح .. ربنا ما يحوجك لحد تعيش حر .. كما العصفور ولا يدخل في قلبك برد واقلق ليه .. ولو تقفلها ميه ونور تبيع .. تخطف .. تشتري الدستور ولو تكسر قلم واتنين ولو تسرق رغيف العيش ما عمرك يوم حتعرف فين انا شايل اغاني العشق ولو تفهم ف دمع العين كنت عرفت ان الألم ما يكسرنيش ده بيقربني من روحي تروح انت .. و روحي تعيش .. واقلق ليه .. مفيش ف القلب غير غنوه كلام بيرم وصوت درويش وعمري ما اتوه في وسط قلوب بعرفها وعرفاني .. و مها تضيق .. مساحة قلبي أد الكون ما دام النسمة وصلاني .. واقلق ليه .. و انا الخطوة اللي وخداني تقربني .. ما تبعدنيش .. علي سلامة