علق الاعلامي عمر أديب مقدم برنامج القاهرة اليوم على محاصرة متظاهرو التيار الاسلام السياسي لمدينة الانتاج الاعلامي اليوم . وقال أديب خلال برنامجه أن “ البرنامج ده أتقفل أيام مبارك علشان ميطلعش الاخوان اللي كنا إحنا بس اللي بستضيفهم و هم عارفين ده كويس ” مؤكداً “ الإعلام محدش يقدر يوقفه و مش هتقدروا تسكتونا ” .
كما هاجم أديب تأمين وزارة الداخلية للمدينة وقال “ وزير الداخلية خايف يأمن المدينة علشان ميحصلش نفس اللي حصل للي قبله , خليك كده و هتخش التاريخ من أوسع أبوابه ” .. موضحا أن “ الداخلية جاية مدينة الإنتاج الإعلامى علشان تحمى المبانى بس ومالهاش دعوة بالبنى ادمين ” .
فيما تسأل مقدم القاهرة اليوم حول ما يقوم بع المتظاهريين أمام المدينة قائلاً “ راسملينا جرافيتي قدام المدينة بأسوا الالفاظ و شتيمة بالاب و الام , دلوقتي الجرافيتي بقا حلال ؟ .. هل اللي بيعملوه الإسلاميين دلوقتي قدام مدينة الإنتاج من أخلاق الإسلام ؟ ” .
وفي شأن أخر ، علق أديب على خطاب الدكتور محمد مرسي رئيس الجمهورية اليوم في مؤتمر المرأة ووصفه أنه “فضيحة الرئيس مرسي النهاردة في العالم بجلاجل , هي دي حرية الكلمة يا ريس ؟ ” .