كل يوم وفي نفس المكان.. هنشاركّم وسيلة جديدة نغيّر بيها ولو ساعة في حياة الناس اللي حوالينا.. ونتغيّر معاهم للأحسن إحنا كمان.. وخليكم دايما فاكرين "الدال على الخير كفاعله".. يالا بينا نغير ونتغير..
للبوسة فوايد كتير جدا.. على سبيل المثال لما تبوس حد فيه 29 عضلة بتتحرّك، وبتعمل حرق ل12 وحدة كالوري في جسمك، ده غير إن القلب بيدق 150 ضربة في الدقيقة، وبيزيد إيقاع التنفّس من 13 حتى 60، وكمان بيزيد ضغط الدم كأن الإنسان جري 100 متر.
وفي أثناء البوسة أيضا بيتم طرح الأدرينالين والأنسولين، فينخفض محتوى الدم من السكر، وبيتم تحطيم السكريات والدهون والمواد الضارة.. طب ليه ما نجرّبش نستفيد من كل هذه الفوايد السحرية للبوسة، وكل واحد يوطّي على إيد أبوه وأمه يبوسها؟ واحسب بقى الفوايد اللي هتعود عليك من ثواب وحسنات على برّ الوالدين، ده غير الفوايد الطبية.
يعني لو طلبت معاك جنان في فعل الخير في رمضان مش هتلاقي حد أوْلى بجنانك من أبوك وأمك، وكل سنة وإنت وهمّ طيبين،،،