هنعمل النهارده الرز بالكاري بطريقة بسيطة ولذيذة علشان كتير طلبوه مننا. رز بسمتي بالكاري المقادير: 2 كوب رز بسمتي مغسول ومنقوع في ماء لمدة نصف ساعة 2 ثمرة فلفل رومي أو حامي (حسب الرغبة) بصلة متوسطة مقطعة مكعبات صغيرة جدا ثمرة جزر متوسطة مبشورة 2 ملعقة كبيرة زبدة أو سمنة 2 ملعقة صغيرة كاري ملعقة صغيرة كركم 3 كوب مرقة فراخ ملح وفلفل أسود ورقة لاورا كبيرة 3 حبة حبهان 3 حبة قرنفل عود قرفة الطريقة: 1- سيّحي الزبدة في حلة على نار متوسطة وشوّحي فيها البصل لغاية ما لونه يبقى دهبي، وضيفي عليهم بعد كده باقي المقادير، ما عدا مرقة الفراخ وقلبيهم لغاية ما يختلطوا كلهم مع بعض. 2- حطّي مرقة الفراخ على الرز وقلبيهم مع بعض وسيبيهم على نار عالية لغاية ما يغلي، ووطّي بعد كده النار وسيبيهم لمدة 15 دقيقة، لغاية ما يستوي الرز. 3- اغرفي الرز في أطباق التقديم، وممكن تقدّميه كطبق جانبي مع أي نوع فراخ أو لحمة.. وبالهنا والشفا. استنونا كل يوم مع وصفات جديدة.. سلام،،،