السلام عليكم ورحمة الله وبركاته.. لثقتي في آرائكم لجأت إليكم بعد الله، وأشكر القائمين على هذا الموقع المُبهر، المهم أنا عندي 18 سنة بحب واحد أوي أكبر مني بسنة ولسة مخلّصة ثانوي.. أنا مصرية بادرس في السعودية ومقيمة فيها، واللي بحبه في مصر ومقيم فيها، المهم أنا أهلي كانوا مفهمني إني أخلّص ثانوي وأنزل لمصر وأنا عشت على الأمل ده، خلصت ثانوي عشان أروح أشوف حبيبي وأكمل دراسة في مصر، وكنت معرّفاه الكلام ده؛ المهم للأسف أهلي غيّروا رأيهم وقرروا إنهم يدخلوني كلية في السعودية وإني مش هسافر، طبعاً أنا زعلت وانهرت وزعلت جداً، وقلت لحبيبي زعل جداً وكانت صدمة كبيرة ليه، وجاب الذنب عليّ إني أنا اللي علّقته وإن الذنب ذنبه، المهم أنا قررت إني أشتغل، وأجيب مصاريف كليتي، وابقى أنزل مصر في الأجازة عشان أشوفه، هو بيقول ليّ مش هينفع أشوفك مرة في السنة، وبيقول ليّ مش هقدر أنساكِ أو أبطّل أحبك، وأنا بصراحة نفس الطريقة، فاعمل إيه؟؟ قولوا لي أعمل إيه؟؟ ربنا يخليكم وقولوا أنا غلطانة في حق اللي بحبه ولّا لأ؟ ل.م