السلام عليكم ورحمة الله وبركاته.. أنا عندي مشكلة في واحد بيحبني واتقدّم لي مرتين ووالدي رفض، وكان جايب والده وجاي يتقدّم تاني، وكان في أمل بابا يوافق، بس حصل مشكلة في الوقت اللي مفروض ييجي فيه ظهرت له قضية من 2004 وما كانش يعرف بيها. المهم عرف إنه فيه حكم بسنة والمحامي بيقول إنها مش هتاخد وقت وهتخلص من غير حكم، وبيقول لي اصبري عليّ شوية لحد لما آخد البراءة، ومش هتاخد وقت إن شاء الله.. فهل أصبر عليه أم أتركه؟!! أنا بحبه أوي بس تعبت من الانتظار، إحنا بقالنا سنتين مع بعض والظروف دايما عكسنا على طول، وأنا مش عايزة غيره، وهو بيطلب مني إني أفضل جنبه وما تخلاش عنه في الوقت اللي هو محتاجني فيه عن أي وقت تاني.. مش عارفة أعمل إيه أسيبه ولا أفضل جنبه؟!! مش عارفة حيرانة.. وتعبت قولوا لي أعمل إيه.